27-Jul-2021

ଖୋର୍ଦ୍ଧା : (ପ୍ରେରଣା ଖବର) ଖୋର୍ଦ୍ଧା ଉପକଣ୍ଠ କେରଙ୍ଗ ଅହମଦୀୟା ମୁସଲିମ ସଂଗଠନର ହୁମାନିଟିଫାଷ୍ଟ, ମଜଲିସ ଖୁଦ୍ଦାମୁଲ ଅହମଦୀୟା ଯୁବ ସଂଗଠନ ଏବଂ ଲଜନା ଇମାଉଲ୍ଲା ମହିଳା ସଂଗଠନ ତରଫରୁ  ମିଳିତ ଭାବେ ୨୦୦ ଗରୀବ ଓ ଅସହାୟ ପରିବାରଙ୍କୁ ବସ୍ତ୍ର ଏବଂ ଡ଼େଙ୍ଗୁ ଦାଉରୁ ରକ୍ଷା ପାଇଁ ମଶାରୀ ବଂଟନ କରାଯାଇଛି । ଏହି କାର୍ଯ୍ୟକ୍ରମରେ କେରଙ୍ଗ ସଭାପତି ମନୱର ଅହମଦ ଖାଁ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ଜିଲ୍ଲା ଯୁବ ସଂଗଠନର ସଭାପତି ସୁଲେମାନ ଖାଁ, ଜିଲ୍ଲା ହୁମାନିଟିଫାଷ୍ଟ

ସଂଗଠନର ସଭାପତି ସଇଫୁର ଅହମଦ, ଜିଲ୍ଲା ମହିଳା ସଭାନେତ୍ରୀ ରୋକିଆ ବାନୁ ଏବଂ ଜିଲ୍ଲା ମୌଲାନା ଇନଚାର୍ଜ ମୌଲବି ମୀର ଅବ୍ଦୁଲ ହଫିଜ ସମ୍ମାନୀତ ଅତିଥି ଭାବେ ଯୋଗଦେଇଥିଲେ । ସାମୂହିକ ନିରବ ପ୍ରାର୍ଥନା ସହିତ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା । ଲୋକମାନଙ୍କୁ ଡ଼େଙ୍ଗୁ ରୋଗ ସଂବନ୍ଧୀୟ ସଚେତନ କରାଇବା, ଆଖପାଖ ଅଂଚଳକୁ ପରିଷ୍କାର ଓ ପରିଚ୍ଛନ୍ନ ରଖିବା ସହ ଅସହାୟ ଓ ଗରୀବ ଶ୍ରେଣୀର ଲୋକମାନଙ୍କର ଉନ୍ନତି ଓ ବିକାଶ ଦିଗରେ ଜଣେ ଅନ୍ୟଜଣକୁ ସାହାଯ୍ୟ ଓ ସହଯୋଗ କରିବା ପାଇଁ ଯୁବକମାନଙ୍କୁ ତଥା ସଂଗଠନର ସମସ୍ତ କର୍ମକର୍ତାମାନଙ୍କୁ ଆହ୍ୱାନ ଜଣାଇଥିଲେ । 
  ଏହି କାର୍ଯ୍ୟକ୍ରମକୁ ସେକ କାସିମ, ଲବିଦ ଅହମଦ, ଅବ୍ଦୁଲ ଚାନ୍ଦ ଖାଁ ପରିଚାଳନା କରିଥିଲେ । ତାଙ୍କ ସହ ମହମୁଦାବାଦ ଓ କେରଙ୍ଗ ମହିଳା ସଂଗଠନର ସଭାନେତ୍ରୀମାନେ ସାହାଯ୍ୟ କରିଥିଲେ ।