27-Jul-2021

ବଲାଙ୍ଗୀର, ଆଜି ପୂର୍ବାହ୍ନରେ ସସ୍ଥାନୀୟ ଲର୍କିପାଲି ସ୍ଥିତ ଦୁଗ୍ଧ ଶୀତଳୀକରଣ କେନ୍ଦ୍ର ପରିସରରେ ବଲାଙ୍ଗୀର, କଳାହାଣ୍ଡି,ନୂଆପଡା ଆଂଚଳିକ ଦୁଗ୍ଧ ସଂଘର ଭ୍ରାମ୍ୟମାଣ ଗୋ ଚିକିତ୍ସା ସେବା ଓ ମୋ ଯତ୍ନ ସମ୍ବନ୍ଧୀୟ ଦୂରଭାଷା ପରାମର୍ଶ ସେବା କେନ୍ଦ୍ର ଉଦ୍‌ଘାଟିତ ହୋଇଯାଇଛି । ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ତଥା ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା ଅସିତ କୁମାର ତ୍ରିପାଠୀ ମୁଖ୍ୟ ଅତିଥି ଭାବରେ ଯୋଗ ଦେଇ ଏହି କେନ୍ଦ୍ରକୁ ଉଦ୍‌ଘାଟନ କରିଥିଲେ । ବର୍ତମାନ ସୁଦ୍ଧା ସଂଘ ମାଧ୍ୟମରେ ୧୫ହଜାର ଦୁଗ୍ଧ ଚାଷୀ ସାମିଲ ହୋଇଛନ୍ତି ଓ ସେମାନଙ୍କ ଠାରୁ ଦୈନିକ ୬୫ହଜାର ଲିଟର ଦୁଗ୍ଧ ସଂଗ୍ରହ କରାଯାଉଛି ବୋଲି ଶ୍ରୀ ତ୍ରିପାଠୀ

ନିଜ ଅଭିଭାଷଣରେ ପ୍ରକାଶ କରିଥିଲେ । ପାରମ୍ପରିକ ଚାଷ ସହ ଗୋପାଳନ, ମାଛ ଚାଷ ଓ ଉଦ୍ୟାନ କୃଷି ଉପରେ ଚାଷୀ ମାନେ ଆଗ୍ରହ ପକାଶ କଲେ ସେମାନଙ୍କୁ ଆର୍ଥିକ ଅବସ୍ଥା ଉନ୍ନତ ହୋଇପାରିବ ବୋଲି ଶ୍ରୀ ତ୍ରିପାଠୀ ପରାମର୍ଶ ଦେଇଥିଲେ ।  ଏହି ଉଦ୍‌ଘାଟନୀ କାର୍ଯ୍ୟକ୍ରମରେ ବଲାଙ୍ଗୀର ଜିଲ୍ଲାପାଳ ତଥା ବଲାଙ୍ଗୀର, କଳାହାଣ୍ଡି,ନୂାଆପଡା ଆଂଚଳିକ ଦୁଗ୍ଧ ସଂଘର ପ୍ରଶାସକ ଚଂଚଳ ରାଣା, ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସାଧିକାରୀ ଡା. ଦିଗାମ୍ବର ନାଏକ, ସଂଘର ସାଧାରଣ ପରିଚାଳକ ଡ. ସରୋଜ ସାହୁ ପ୍ରମୁଖ ଉପସ୍ଥିତ ଥିଲେ । ଉଦ୍‌ଘାଟନୀ କାର୍ଯ୍ୟକ୍ରମରେ ବଲାଙ୍ଗୀର, କଳାହାଣ୍ଡି,ନୂଆପଡା ଆଂଚଳିକ ଦୁଗ୍ଧ ସଂଘର ଗୋପାଳନ ମାଧ୍ୟମରେ ଗ୍ରାମାଂଚଳର ଦୁଗ୍ଧ ଚାଷୀ ମାନଙ୍କ ସାମାଜିକ ଓ ଆର୍ଥିକ ଉତ୍‌ଥାନ ସଂପର୍କରେ କର୍ମଶାଳା ଅନୁଷ୍ଠିତ ହୋଇଥିଲା । ଏହି ଅବସରରେ ୩ଜଣ ପ୍ରାଣୀ ଚିକିତ୍ସକ ଡ. ଭବାନୀ ଶଙ୍କର ବେହେରା, ଡ. ସୁବ୍ରତ କୁମାର ରଥ ଓ ଡ, ପଲ୍ଲବୀ ପ୍ରୀୟଦର୍ଶିନୀଙ୍କୁ ଗୋପାଳନ ଦିଗରେ ବିଶେଷ ଅବଦାନ ପାଇଁ ସମ୍ମାନିତ କରାଯାଇଥିଲା ।  ଦୁଗ୍ଧ ପାଳନ କ୍ଷେତ୍ରରେ 

ଅବଦାନ ପାଇଁ ଜଣେ ଦୁଗ୍ଧ ଚାଷୀ ସତ୍ୟ ନାରାୟଣ ବେହେରାଙ୍କୁ ସମ୍ମାନିତ କରାଯାଇଥିଲା । ଏହି ଅବସରରେ ବଲାଙ୍ଗୀର, କଳାହାଣ୍ଡି,ନୂଆପଡା ଆଂଚଳିକ ଦୁଗ୍ଧ ସଂଘର ସମସ୍ତ ସମିତିର ସଂପାଦକ ଓ ହେଡ୍ ଲୋଡର ମାନଙ୍କୁ ଜୀବନ ସୁରକ୍ଷା ଯୋଜନାରେ ଅନ୍ତର୍ଭୁକ୍ତ କରାଯାଇଥିଲା । ଏଥିସହ ଦୁଗ୍ଧ ସଂଘର ଦ୍ୱିତୀୟ ସଂସ୍କରଣର ସମାଚାର ପୁସ୍ତିକାକୁ ଅତିଥି ମାନେ ଉନ୍ମୋଚନ କରିଥିଲେ । ଏହି କାର୍ଯ୍ୟକ୍ରମକୁ ଦୁଗ୍ଧ ସଂଘର ସାଧାରଣ ପରିଚାଳକ ଡ. ସରୋଜ କୁମାର ସାହୁ ପରିଚାଳନା କରିଥିଲେ ।