24-Jul-2021

ଲୋଇସିଂହା/ଆଗଲପୁର (ବିନୋଦ କୁମାର ଦୀପ): ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ୍ ର ୩ଟି ପଞ୍ଚାୟତ ଆଗଲପୁର, କୁଟାସିଂହା ଓ ନୁନିଆଁପାଲିର ଚାଷୀ ଭାଇ ମାନେ ୨୦୨୦-୨୧ ଖରିଫ୍ ଫସଲ ବୀମା କରି ନିଜର ପ୍ରାପ୍ୟ ପାଇନାହାନ୍ତି । ଏଥି ପାଇଁ ଚାଷୀ ଭାଇ ମାନେ ଅନେକ ହଇରାଣ ହୋଇ ଜିଲ୍ଲା ସ୍ତରୀୟ ବହୁ ଅଫିସରଙ୍କୁ ଭେଟି ସାରିଥିଲେ  ମଧ୍ୟ କିଛି ସୁଫଳ ପାଇ ପାରିନଥିଲେ। ଏହାର ସମସ୍ୟା ନେଇକି ପୂର୍ବତନ ମନ୍ତ୍ରୀ ଯୋଗେନ୍ଦ୍ର ବେହେରାଙ୍କ ନେତୃତ୍ୱରେ ବିଜୁ ଜନତା ଦଳର ର ଏକ ଟିମ୍ ୨୧ ତାରିଖ ଭୁବନେଶ୍ବର ଯାଇ   ୨୨ ତାରିଖ ଦିନ  ଆର୍ ସି ଏସ୍ . ମୁଖ୍ୟ ସୁଶାନ୍ତ କୁମାର ବାରିକ  ଓ କୃଷି ବୀମା କମ୍ପାନୀ  ମୁଖ୍ୟ ବିଷ୍ନୁ ପ୍ରକାଶ ଜେନା ଙ୍କୁ ଭେଟି ଏ ବିଷୟରେ ବିସ୍ତୃତ ଭାବରେ ଆଲୋଚନା କରି ଯାହା ବି ସମସ୍ୟା ଥିଲା ତାହା ସମାଧାନ କରିବା ପରେ ପରେ ଏ ଆଇ ସି ମୁଖ୍ୟ ଖୁବ୍ ଶୀଘ୍ର ବୀମା ରାଶି ଚାଷୀ ମାନେ ପାଇବେ ବୋଲି କଥା ଦେଇଥିଲେ । ଏହି ଆଲୋଚନାରେ ପୂର୍ବତନ ମନ୍ତ୍ରୀ ଯୋଗେନ୍ଦ୍ର ବେହେରlଙ୍କ ସହ ଆଇନଜୀବୀ ରାମଚନ୍ଦ୍ର ବେହରା ଆଗଲପୁର ବ୍ଲକ୍ ବିଜୁ ଯୁବ ଜନତା ଦଳ ସଭାପତି ନାରାୟଣ ସାହୁ, ଅନୁପ ସିଂଦେଓ, ବିଜୁ ଜନତା ଦଳ କର୍ମୀ ଗଣେଶ ପାଣ୍ଡେ ସାମିଲ୍ ଥିଲେ । ଆଗାମୀ ଦିନରେ ବୀମା ଟଙ୍କା ପାଇଲେ ଆଗଲପୁର ବ୍ଲକ୍ ର ଉକ୍ତ ତିନୋଟି ପଞ୍ଚାୟତର ଚାଷୀ ଭାଇ ମାନେ ନିଶ୍ଚିତ ଭାବେ ବହୁ ଉପକୃତ ହେବେ l