13-Jul-2021

ବଲାଙ୍ଗିର(ପ୍ରେରଣା ଖବର):  ଆଜି ବଲାଙ୍ଗିର ସଦର ବ୍ଲକ ଅଧ୍ଯକ୍ଷ ଶ୍ରୀ ଗୁଲାପ ବାଗ ମାନ୍ଯବର ମୁଖ୍ଯମନ୍ତ୍ରୀଙ୍କ ଅନୁମୋଦନ କ୍ରମେ ଡୁଡୁକାଶିରା ଓ ଜିରାଟମାଲ ଗ୍ରାମର ପାନୀୟ ଜଳ ପ୍ରକଳ୍ପ ଶିଳାନ୍ଯାସ କରି ବ୍ଲକର ବିଭିନ୍ନ ଅଞ୍ଚଳ ପରିଦର୍ଶନ କରିଛନ୍ତି । ମାନ୍ଯବର ମୁଖ୍ଯମନ୍ତ୍ରୀଙ୍କ ଯୋଜନା ମୁତାବକ ୨୦୨୪ ସୁଦ୍ଧା ସମସ୍ତ ଗାଁକୁ ପାନୀୟଜଳ ଯୋଗାଣ ସହିତ ପ୍ରତ୍ଯେକ ଘରକୁ ପହଞ୍ଚିବ ପିଇବା ପାଣି । ଏହି ଯୋଜନାରେ ଡୁଡୂକାଶିରା ପ୍ରକଳ୍ପ ଏବଂ ଜିରାଟମାଲ ପ୍ରକଳ୍ପକୁ  ମଞ୍ଜୁରୀ ଦେଇ ଜଳ ଯୋଗାଣ ପାଇଁ ସମସ୍ତ ପ୍ରସ୍ତୁତି ସରିଥିବା ବେଳେ ଆଜି ସଦର ବ୍ଲକ ଅଧ୍ଯକ୍ଷ ଗୁଲାପ ବାଗ ତାର ଭିତ୍ତିପ୍ରସ୍ତର ସ୍ଥାପନ କରିଛନ୍ତି   । ଏହି ପରିପ୍ରେକ୍ଷି ରେ ଏକ ସଭା ଅନୁଷ୍ଠିତ ହୋଇଥିଲା  ଅଧ୍ଯକ୍ଷ , ଜିଲ୍ଲା ଯୁବ ବିଜେଡି ସଭାପତି ଏବଂ ସାହାଜବାହାଲ ସରପଞ୍ଚ ପ୍ରଦ୍ଯୁମ୍ନ ହୋତା ନବୀନ ସରକାରଙ୍କ ସମସ୍ତ ଯୋଜନାକୁ ମୁଁ କରୁଛି ମୁଁ କରାଉଛି କହି ଲୋକଙ୍କୁ ଭୁଆଁ ବୁଲାଉଛନ୍ତି ସ୍ଥାନୀୟ ବିଧାୟକ ତେଣୁ ତାଙ୍କ କଥାରେ ନ ପଡିବାକୁ ଅନୁରୋଧ କରି ମାନ୍ଯବର ମୁଖ୍ଯମନ୍ତ୍ରୀ ଙ୍କ ଉପରେ ଜନସାଧାରଣଙ୍କ ବିଶ୍ବାସ କୁ ପ୍ରଶଂସା କରିଥିଲେ ।     

ତା ପରେ ଆରମ୍ଭ ହୋଇଥିବା ପାନୀୟଜଳ ପୂରକଳ୍ପ କାର୍ଯ୍ଯକୁ ତଦାରଖ କରି ସମସ୍ତ ଘରକୁ ଜଳ ଯେମିତି ପହଞ୍ଚିବ ସେ ପ୍ରତି ଧ୍ଯାନ ଦେବାକୁ ପ୍ରତିଶୃତି ଦେଇଥିଲେ । ଆଜିର ଏହି କାର୍ଯ୍ଯକ୍ରମରେ ଜିଲ୍ଲା ଯୁବ ବିଜେଡି ସଭାପତି ରାଜେନ୍ଦ୍ର ହୋତା , କୁଲମଣି ମେହେର , ପ୍ରଦ୍ଯୁମ୍ନ ହୋତା , ନିହାର ସ୍ବାଇଁ , ବିଭୁତି ଭୂଷଣ ମିଶ୍ର , ବ୍ଲକ ଯୁବ ସଭାପତି ଆଶିର୍ବାଦ ସାହୁ , ଶଙ୍କର ମେହେର , ଲଛମନ ମହାକୁର , ସୁମନ ନନ୍ଦ , ଦିପକ ପଣ୍ଡା , ବିରସେନ ସାହୁ , ରାଜକିଶୋର , ଡୋଲାମଣି , ସୁନିଲ , ଅନ୍ତର୍ଯ୍ଯାମୀଙ୍କ ସହିତ ଅନେକ କର୍ମକର୍ତ୍ତା ଉପସ୍ଥିତ ଥିଲେ ।