10-Oct-2026

ବରଗଡ଼(ତୁଳସୀ ଚରଣ ଦାଶ): ସୋହେଲା ଦୂର୍ଗା ପୂଜା ପାଇଁ ଗୁରୁ ଭଗବାନ ସାହୁଙ୍କ ବିଶେଷ ଅବଦାନ ଏବଂ ଯୋଗଦାନ ପାଇଁ କିଛି ବର୍ଷ ହେଲା ସୋହେଲା ସାର୍ବଜନୀନ ଦୁର୍ଗାପୂଜା କମିଟି ତରଫରୁ ଦୂର୍ଗା ପୂଜା ଅବସରରେ ଜଣେ ବିଶିଷ୍ଟ ପ୍ରତିଭାଙ୍କୁ ଗୁରୁ ଭଗବାନ ସାହୁ ସ୍ମୃତି ସମ୍ମାନ ପ୍ରଦାନ କରାଯାଇଆସୁଛି, ଚଳିତ ବର୍ଷ କଳା ସଂସ୍କୃତି ପାଇଁ ସମର୍ପିତ ନାଟ୍ୟକାର ନିର୍ଦ୍ଦେଶକ ନୃତ୍ୟଗୁରୁ ସୁବର୍ଣ୍ଣପୁରର ନାଟ୍ୟଶ୍ରୀ ଗଦାଧର ବାରିକ ଗୁରୁ ଭଗବାନ ସାହୁ ସ୍ମୃତି ସମ୍ମାନ ପାଇବେ ବୋଲି ପୂଜା କମିଟି ସଭାପତି ପୂର୍ବତନ ମନ୍ତ୍ରୀ ପ୍ରକାଶ ଚନ୍ଦ୍ର ଦେବତା,ସମ୍ପାଦକ ପ୍ରମୋଦ ଚନ୍ଦ୍ର ଦେବତା ଏକ ବିଜ୍ଞପ୍ତି ରେ ପ୍ରକାଶ କରିଛନ୍ତି, ସୁଚନାଯୋଗ୍ୟ ସୋହେଲା ସାର୍ବଜନୀନ ଦୁର୍ଗାପୂଜାରେ ଗୁରୁ ଭଗବାନ ସାହୁ ନିରବଚ୍ଛିନ୍ନ ୫୦ ବର୍ଷ ଦଶମୀ ଦିନ ନାଟକ ପରିବେଷଣ କରିଥିଲେ, ତାଙ୍କ ମୃତ୍ୟୁ ପରେ ନିରବଚ୍ଛିନ୍ନ,୨୫ ବର୍ଷ ନାଟକ ପରିବେଷଣ ହୋଇଆସୁଛି ତାଙ୍କର ନାଟକ ଅନୁଷ୍ଠାନ ଦ୍ବାରା, ଯାହାକି ଏକ ଅବିସ୍ମରଣୀୟ କିର୍ତୀମାନ । ଚଳିତ ବର୍ଷ ନାଟ୍ୟଶ୍ରୀ ଗଦାଧର ବାରିକଙ୍କୁ ଉକ୍ତ ସମ୍ମାନ ପ୍ରଦାନ କରାଯାଉଥିବାରୁ ସୁବର୍ଣ୍ଣପୁର ଅଞ୍ଚଳରେ ଖୁସିର ଲହରୀ ଖେଳି ଯାଇଛି  ।
         --------×××---------