13-Jul-2021

ବଲାଙ୍ଗିର (ପ୍ରେରଣା ଖବର ବ୍ୟୁରୋ): ବଲାଙ୍ଗିର ଜିଲ୍ଲା ଲାଠୋର କଲେଜ ଛକ ଠାରେ ଥିବା ଭାରତ ପେଟ୍ରୋଲ ପମ୍ପ ପରିସରରେ ଅବକାରୀ ମୋବାଇଲ ସ୍କ୍ୱାର୍ଡ ଏବଂ ପାଟଣାଗଡ ଅବକାରୀ ଉପନିରୀକ୍ଷକଙ୍କ ଟିମ ବିଶ୍ୱସ୍ତ ସୂତ୍ରରୁ ଖବର ପାଇ ଚଡାଉ କରି ବିପୁଳ ପରିମାଣର ବିଦେଶୀ ମଦ ଜବତ କରିଛନ୍ତି

। ସେଠାରୁ ୭ ପେଟି ବିଦେଶୀ ମଦ ଜବତ କରିଥିବା ବେଳେ ମଦ ବିକ୍ରି କରୁଥିବା ଜଗତରାମ ବାଗ ନାମକ ବ୍ୟକ୍ତିଙ୍କୁ ଅଟକର ରଖି ପଚରା ଉଚରା ଜାରି ରଖିଛନ୍ତି । ଜବତ ମଦର ଆନୁମାନିକ ମୂଲ୍ୟ ୧୫ ହଜାର ଟଙ୍କା ହେବ ବୋଲି ଜଣାପଡିଛି । ବରଗଡ ଜିଲ୍ଲା ପାଇକମାଲ 

ଅଂଚଳରୁ ଏହି ମଦ ଆଣି ବିକ୍ରି କରୁଥିବା ଅଭିଯୁକ୍ତ ସ୍ୱୀକାର କରିଛି । ଏହି ଘଟଣାରେ ଅଧିକ ତଦନ୍ତ ଜାରି ରହିଥିବା ବେଳେ ଆସନ୍ତା କାଲି ଅଭିଯୁକ୍ତ କୁ କୋର୍ଟ ଚାଲାଣ କରାଯିବ ବୋଲି ଇନ୍ସପେକ୍ଟର ପ୍ରମୋଦ କୁମାର ପଣ୍ଡା ସୂଚନା ଦେଇଛନ୍ତି ।