28-Jun-2021

ବଲାଙ୍ଗିର(ପ୍ରେରଣା ଖବର) : ବିଜୁ ଜନତା ଦଳର ତିନି ସକ୍ରୀୟ ମହିଳାଙ୍କୁ ରାଜ୍ଯ ଓ ଜିଲ୍ଲା ସଙ୍ଗଠନ ଦାୟୀତ୍ବ ତୁଳାଇବାକୁ ବିଜେଡି ସୁପ୍ରୀମୋ ନବୀନ ପଟ୍ଟନାୟକ ସୁଯୋଗ ଦେଇଥିବାରୁ ବଲାଙ୍ଗିର ର ପୁର୍ବତନ ସାସଂଦ କଳିକେଶ ନାରାୟଣ ସିଂହଦେଓ କୃତଜ୍ଞତା ଜଣାଇବା ସହିତ ନୂତନ

କର୍ମକର୍ତ୍ତାଙ୍କୁ ଅଭିନନ୍ଦନ ଜଣାଇଛନ୍ତି  । ଗତକାଲି ରାଜ୍ଯ ବିଜୁ ମହିଳା ଦଳର ସଭାନେତ୍ରୀ ଶ୍ରୀମତୀ ସ୍ନେହାଙ୍ଗିନି ଛୁରୀଆ ତାଙ୍କ ରାଜ୍ଯ କମିଟୀ ଘୋଷଣା କରିବା ସହିତ ଜିଲ୍ଲା ସଭାପତି ମାନଙ୍କୁ ଚୟନ କରିଛନ୍ତି । ଏହି ରାଜ୍ଯ କମିଟୀ ରେ ରାଜ୍ଯ ବରିଷ୍ଠ ଉପସଭାପତି ଭାବରେ ବଲାଙ୍ଗିରରୁ ଶ୍ରୀମତୀ ଜ୍ଯୋତି ପାଣିଗ୍ରାହୀ ଓ ଉପସଭାପତି ଭାବରେ ବଲାଙ୍ଗିର କଣ୍ଟାବାଞ୍ଜି ଅଞ୍ଚଳର ପୁର୍ବତନ ଜିଲ୍ଲାପରିଷଦ ଉପସଭାପତି ଶ୍ରୀମତୀ ଗୋପା ମହାନନ୍ଦ ଚୟନ ହୋଇଥିବା ବେଳେ ବଲାଙ୍ଗିର ପୌରପରିଷଦର ପୁର୍ଡତନ ଅଧ୍ଯକ୍ଷା ଶ୍ରୀମତୀ ଦମୟନ୍ତୀ ବାଗଙ୍କୁ ଜିଲ୍ଲା ସଭାପତି ଭାବରେ ଚୟନ କରି ଦଳର ମହିଳା ସଙ୍ଗଠନକୁ ମଜଭୁତ କରିବା ପାଇଁ ଏମାନଙ୍କୁ ଗୁରୁ ଦାୟୀତ୍ବ ପ୍ରଦାନ କରିଥିବା ହେତୁ ବଲାଙ୍ଗିର ର ପୁର୍ବତନ ମନ୍ତ୍ରୀ ଶ୍ରୀଯୁକ୍ତ ଅନଙ୍ଗ ଉଦୟ ସିଂହଦେଓ ଙ୍କ ସମେତ ପୁର୍ବତନ ସାସଂଦ କଳିକେଶ ନାରାୟଣ ସିଂହଦେଓ ଏବଂ ଯୁବନେତା ଅର୍କେଷ ନାରାୟଣ ସିଂହଦେଓ ଜିଲ୍ଲା କାର୍ଜ୍ଯକାରୀ ସଭାପତି ଅଶୋକ ମହାନ୍ତି, 

ଯୁବ ବିଜେଡି ସଭାପତି ରାଜେନ୍ଦ୍ର ପ୍ରସାଦ ହୋତା ଛାତ୍ର ସଭାପତି ଗୁଞ୍ଜ ଖାନ ଜିଲ୍ଲା ଓଡିଶା ମୋ ପରିବାର ସଂଯୋଜକ ସାଗର ସଙ୍ଗମ ଶତପଥି ଜିଲ୍ଲା ଆଇଟି ସଂଯୋଜକ ବିଭୂତି ଭୂଷଣ ମିଶ୍ର ତଥା ବିଜୁ ଜନତା ଦଳ , ବଲାଙ୍ଗିରର କର୍ମକର୍ତ୍ତା ମାନ୍ଯବର ମୁଖ୍ଯମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ଯବାଦ ଅର୍ପଣ କରି ତିନି ଜଣ ମହିଳା ସାଙ୍ଗଠିକାଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି ।