28-Jun-2021

ଲୋଇସିଂହା,(ବିନୋଦ କୁମାର ଦୀପ): ବର୍ତମାନ ସରକାର ଗ୍ରାମାଞ୍ଚଳଠୁ ଆରମ୍ଭ କରି  ସହରାଞ୍ଚଳ ଲୋକଙ୍କ ପାଇଁ ପିଇବା ପାଣିଲାଗି ଏକାଧିକ ଯୋଜନା ଚଳାଇଛନ୍ତି କିନ୍ତୁ ଲୋଇସିଂହା ବ୍ଲକ ପାଖ ଅଂଚଳରେ ବର୍ଷା ମାସରେ ବି ପାଣିର ସମସ୍ୟା ଦେଖାଯିବା ପରିତାପର ବିଷୟ ଅଟେ l ଲୋଇସିଂହାର  କୁଳିପଡା ଓ ଚମାରପଡା ବାସିନ୍ଦା କହିବା ଅନୁଯାୟୀ ଦୁଇପଡାକୁ ମିଶି ସରକାରଙ୍କ ତରଫରୁ ବହୁଦିନ ଆଗରୁ ଗୋଟିଏ ନଳକୂପ ଯୋଗାଇ ଦିଆଯାଇଛି କିନ୍ତୁ ଦୀର୍ଘ ଦଶବର୍ଷ ହେବ ନଳକୂପଟି ଅଚଳ ଅବସ୍ଥାରେ ପଡ଼ିରହିଛି l ଏହି ସମସ୍ୟାକୁ ଦେଖି ପ୍ରଶାସନ ତରଫରୁ ଗୋଟିଏ ଓଭର ହେଡ଼ ଟାଙ୍କି ବସାଯାଇ  ପଡା କୁ ପଡା ପାଇପ ସଂଯୋଗ କରାଯାଇଛି l କିନ୍ତୁ ଦୁଃଖର ବିଷୟ ଏହା ଯେ ପଡାର କେତେକ ପରିବାର ମୋଟର ଖଞ୍ଜି ପାଣିନେବାରୁ ପଡାର ଅନେକ ଘରକୁ ପାଣି ପହଂଚି ପାରୁନାହିଁ l ପଡାବାସୀ ପାଣିଲାଗି ରେଳଲାଇନ ଡେଇଁ ଦୁରକୁ ଯିବାକୁ ପଡୁଛି, ତାହାପୁଣି ଜୀବନକୁ ବାଜି ଲଗାଇ l ଗ୍ରୀଷ୍ମଦିନ ଯେଉଁ ସମସ୍ୟା ବର୍ଷା ସମୟରେ ମଧ୍ୟ ସମସ୍ୟାଟି ଲାଗି ରହିଛି l ପାଣି ସମସ୍ୟାର ସମାଧାନ ଲାଗି ଏହି ଦୁଇପଡା ବାସିନ୍ଦା ବାରମ୍ବାର

ବିଡ଼ିଓ ଓ ସରପଞ୍ଚଙ୍କୁ ଅଭିଯୋଗ କରି ଆସୁଥିଲେ ସୁଦ୍ଧା କିଛି ସୁଫଳ ମିଳୁନାହିଁ l ଆଜି ପାଣିର ସମସ୍ୟାକୁ ନେଇ ଦୁଇପଡାର ମହିଳାମାନେ ବିଡ଼ିଓଙ୍କ ଦ୍ୱାରସ୍ଥ ହୋଇ ଲିଖିତ ଅଭିଯୋଗ କରିଛନ୍ତି l ଦେଖାଯାଉ ବିଡ଼ିଓ କେବେ ଏହି ପଡାବାସୀଙ୍କ ପାଣିର ସମସ୍ୟାକୁ ଦୂର କରୁଛନ୍ତି l