28-Jun-2021

ଯାଜପୁର (ସୁଶାନ୍ତ କୁମାର ଖଟୁଆ) :ରକ୍ତଦାନ,ମହତଦାନ ।ପୁଣି ରକ୍ତଦାତା ଅଟନ୍ତି ଜୀବନଦାତା ।ଏହାକୁ ପ୍ରକୃତପକ୍ଷେ ହୃଦୟଙ୍ଗମ କରି କୋରୋନା ମହାମାରୀ ବିପତ୍ତି ସମୟରେ ଯେପରି ରକ୍ତର ଅଭାବ ନ ଘଟେ,ଏପରିକି ରକ୍ତ ଅଭାବରୁ କେହି ଯେପରି ମୃତ୍ୟୁବରଣ ନ କରନ୍ତି,ସେଥିପ୍ରତି ଅଧିକରୁ ଅଧିକ ଗୁରୁତ୍ୱ ଦେଉଛନ୍ତି ସରକାର ।ତେବେ ଏହି ପରିପ୍ରେକ୍ଷୀରେ ଯାଜପୁର ଜିଲ୍ଲାର ଧର୍ମଶାଳା ବ୍ଲକ ଅନ୍ତର୍ଗତ ସାହାଣିଡିହ ପଂଚାୟତ ଅଧୀନ କଠଉଣି ମଠରେ ଓଡିଶା ମୋ ପରିବାର ଓ ଜୀବନବିନ୍ଦୁ ଆନୁକୂଲ୍ୟରେ ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ।ଧର୍ମଶାଳାର ମାନ୍ୟବର ବିଧାୟକ ପ୍ରଣବ ବଳବନ୍ତରାୟ  ଏଥିରେ ଅତିଥି ରୂପେ ଯୋଗ ଦେଇ ଶିବିରକୁ ଉଦଘାଟନ କରିବା ସହ ରକ୍ତଦାତା-ଜୀବନଦାତାମାନଙ୍କୁ ଉତ୍ସାହିତ କରିଥିଲେ ।ଅନ୍ୟମାନଙ୍କ ମଧ୍ୟରେ ୧୨ ନଂ ଜୋନର ଜିଲ୍ଲା ପରିଷଦ ସଭ୍ୟା ପ୍ରଣତି ଲେଙ୍କା,ବିଧାୟକଙ୍କ ପ୍ରତିନିଧି ନିର୍ମଳ ପ୍ରଧାନ ,ସାହାଣିଡିହ ପଂଚାୟତର ପର୍ଯ୍ୟବେକ୍ଷକ ଦିଲ୍ଲୀପ ବରାଳ,ସ୍ଥାନୀୟ ପଂଚାୟତର ସରପଞ୍ଚ ଗିରିଧାରୀ ଜେନା ,ସାମ୍ବାଦିକ ବିନୋଦ ବିହାରୀ ପରିଡା,ପଂଚାୟତର ବିଜେଡି ସଭାପତି ଲକ୍ଷ୍ମୀଧର କରଣ ଏବଂ ବ୍ଲକ ବିଜେଡି ସଭାପତି ଜଳଧର ମହାନ୍ତି ପ୍ରମୁଖ ଉପସ୍ଥିତ ଥିଲେ ।ଉକ୍ତ ଶିବିରରୁ ମୋଟ ୭୭ ୟୁନିଟ ରକ୍ତ ସଂଗୃହୀତ ହୋଇଥିବା ଜଣାପଡିଛି ।