26-Jun-2021

ଲୋଇସିଂହା, (ବିନୋଦ କୁମାର ଦୀପ): ଏହି କରୋନା ମହାମାରୀ ଅନେକ ଲୋକଙ୍କୁ ଦୁର୍ଦିନକୁ ଠେଲି ଦେବାସହ ପୁଣି ଲକଡାଉନରେ ଲୋକଙ୍କ କାମଧନ୍ଦା ଠପ ହେବାରୁ ମଧ୍ୟବିତ୍ତ ଓ ଗରିବ ପରିବାର ଅସହାୟ ହୋଇ ସାଂଘାତିକ ଅବସ୍ଥାରେ ଅଛନ୍ତି l ଏଭଳି ସମୟରେ ବିଭିନ୍ନ ସ୍ୱେଚ୍ଛାସେବୀ  ଅନୁଷ୍ଠାନ ମାନେ ଗରିବଙ୍କ ସହାୟକ ଲାଗି ହାତ ବଢ଼ାଇଛନ୍ତି l ଏହିକ୍ରମରେ ଅସୀମା ମହାନନ୍ଦ ଚେରୀଟେବୁଲ ଟ୍ରଷ୍ଟ ପକ୍ଷରୁ ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକର କିଛି ଅଞ୍ଚଳ ଯାହା ଦୁମଦୁମି, ବୁର୍ଡା, ବାଞ୍ଜିପାଲି ଏବଂ ଲୋଇସିଂହା ବସ୍ତିର ଅସହାୟ ମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରାଯାଇଥିଲା l ଉକ୍ତ କାର୍ଯ୍ୟକ୍ରମରେ ଟ୍ରଷ୍ଟର ଅଧ୍ୟକ୍ଷ ଶ୍ରୀଯୁକ୍ତ ବିଜୟ ମହାନନ୍ଦ, ଜଗନ୍ନାଥ ମେଘ, ଲାଲମନ  ନାଗ, ଗନ୍ଧର୍ବି ନାଗ  ପ୍ରମୂଖ ଯୋଗଦେଇ ଅସହାୟ ପରିବାରଙ୍କୁ ଭେଟି ଶୁଖିଲା ଖାଦ୍ୟ ବଣ୍ଟନ କରିଛନ୍ତି l ଏହି ଟ୍ରଷ୍ଟର ମୁଖ୍ୟ ଉଦେଶ୍ୟ ହେଲା ଏହି ଅଞ୍ଚଳର ଗରିବ ଅସହାୟ ମାନଙ୍କ ବିଶେଷ କରି ଆଦିବାସୀ ହରିଜନ ବର୍ଗର ଲୋକଙ୍କ ସାମାଜିକ ଓ ଅର୍ଥନୈତିକ ଅଭିବୃଦ୍ଧି ବିକାଶ ଦିଗରେ କାର୍ଯ୍ୟ କରିବ ବୋଲି ଟ୍ରଷ୍ଟର ଅଧ୍ୟକ୍ଷ ଶ୍ରୀଯୁକ୍ତ ବିଜୟ ମହାନନ୍ଦ ପ୍ରକାଶ କରିଛନ୍ତି l