Breaking News 
-+91-9937148622 |
prerana_bgr@rediffmail.com |
Saturday 8th August 2026 |
R.N.I. Regd No. ODIODI/2010/46693
Breaking News
20-Jun-2021
ଭୁବନେଶ୍ବର (ପ୍ରେରଣା ଖବର ବ୍ୟୁରୋ) ବାଲିପାଟଣା ପୋଲିସ୍ ର ସଫଳତା । ବ୍ୟାଙ୍କ ଡକାୟତି ଉଦ୍ୟମ ଘଟଣାରେ ଦୁଇ ଜଣ ଡକାୟତଙ୍କୁ ଗିରଫ କରିଛି ପୋଲିସ । ଡକାୟତ ମାନେ ଏକା ଧିକ ଚୋରୀ ଏବଂ ଲୁଟ୍ ଘଟଣା ରେ ସଂପୃକ୍ତ ଅଛନ୍ତି । ଡକାୟତ ପିନ୍ଧିଥିବା ଚପଲ ହଁ ଡକାୟତ ମାନଙ୍କୁ ଧରାଇଛି । ବାଲିପାଟଣା ପୋଲିସ୍ ର ସ୍ପେଶାଲ ଟିମ୍ ବନମାଳିପୁର ବଜାରରେ ଚଢାଉ କରି ଏହି ଡକାୟତ ମାନଙ୍କୁ କାବୁ କରିବାରେ ସଫଳ ହୋଇଛନ୍ତି । ଗିରଫ ଦୁଇ ଡକାୟତ ହେଉଛନ୍ତି ବାଲିପାଟଣା ଥାନା ପତିତପାବନପାଟଣା ଗ୍ରାମର କେଦାର ବେହେରା ଏବଂ ପ୍ରଧାନପାଟଣା ଗ୍ରାମର ଚନ୍ଦନ ଆଚାର୍ଯ୍ୟ | ଲୁଟ୍ ଉଦ୍ୟମ ରେ ବ୍ୟବହୃତ କଟର ମେସିନ୍, ପ୍ଲାସ , ଶାବଳ, ତାର , ଇଲେକ୍ଟ୍ରିକ୍ ବୋର୍ଡ଼, ହାତୁଡ଼ି , ଏକ ନିଆଁ ଲିଭା ଯନ୍ତ୍ର ଜବତ କରିଛି ପୋଲିସ୍ । ଏହା ସହ ଲୁଟ୍ ସମୟରେ ଅଭିଯୁକ୍ତ ପିନ୍ଧିଥିଲା ଚପଲ ମଧ୍ୟ ଜବତ କରିଛି ପୋଲିସ୍ |
ଗୁରୁବାର ବିଳମ୍ବିତ ରାତ୍ରିରେ ଲକ୍ଷ୍ମୀ ବିଳାସ ବ୍ୟାଙ୍କ ମଝିହରା ଶାଖାରୁ ଡକାୟତି ଉଦ୍ୟମ ହୋଇଥିଲା । ବ୍ୟାଙ୍କ ଷ୍ଟ୍ରଙ୍ଗ ରୁମ୍ ଭାଙ୍ଗିବାକୁ ଡକାୟତ ମାନେ ଚେଷ୍ଟା କରି ବିଫଳ ହୋଇଥିଲେ । ବ୍ୟାଙ୍କ ର ଏକ ସର୍ଭର ମେସିନ୍ ନେଇଯାଇଥିଲେ । ଯାହାର ଭିଜୁଆଲ୍ ସିସିଟିଭି ରେ ରେକର୍ଡ ହୋଇଥିଲା । ସିସିଟିଭି ଆଧାର ଅଭିଯୁକ୍ତ ପିନ୍ଧିଥିବା ଚପଲ ଏହି ଦୁଇ ଅଭିଯୁକ୍ତଙ୍କୁ ଧରାଇଛି ।
ଡକାୟତି ହୋଇଥିବା ସର୍ଭର ମେସିନ କୁ ବନମାଳିପର
ପ୍ରାଚୀ ନଦୀରେ ଫିଙ୍ଗି ଦେଇଛନ୍ତି , ଯାହା ଏ ପର୍ଯ୍ୟନ୍ତ ମିଳିନାହିଁ । ଡକାୟତି ଉଦ୍ୟମ ରେ ସଂପୃକ୍ତ ଅନ୍ୟ ତିନିି ଜଣ ଅଭିଯୁକ୍ତ ଙ୍କୁ ଧରିବା ପାଇଁ ପୋଲିସ୍ ଚଢାଉ ଜାରି ରଖିଛି ।
ଲୁଟେରା ମାନଙ୍କୁ ଧରିବା ପାଇଁ ଟିମ୍ ର ନେତୃତ୍ଵ ନେଇଥିଲେ ବରିଷ୍ଠ ପୋଲିସ୍ ଅଧିକାରୀ ସଂଜୀବ୍ ଶତପଥି । ବାଲିପାଟଣା ଥାନା ଅଧିକାରୀ କୃପାସିନ୍ଧୁ ବରାଡ଼ , ଏ ଏସ୍ ଆଇ ହାଡବନ୍ଧୁ ଦାଶ ସାମିଲ ଥିଲେ ।
