19-Jun-2021

ଲୋଇସିଂହା, (ବିନୋଦ କୁମାର ଦୀପ ): ଲୋଇସିଂହା ବ୍ଲକ ବାଦିବାହାଲ ପଂଚାୟତରେ ସରକାରୀ ସ୍ତରରେ ଏକ ଆର୍ଥିକ ଅନିମିୟତତା ଓ ଟଙ୍କା ଆତ୍ମସାତର ଘଟଣା ପଦା ରେ ପଡିଛି l ବାଦିବାହାଲ ପୋଷ୍ଟ ଅଫିସ ରୁ ଆସିଛି ଏପରି ଏକ  ଦୁର୍ନୀତିର ଖବର l ଅନୁସନ୍ଧାନରୁ ଜଣାପଡିଛି ଯେ, ବାଦିବାହାଲ ପଂଚାୟତ ସହ ଆଖପାଖ ଅଂଚଳର ବହୁ ଲୋକ ବାଦିବାହାଲ ପୋଷ୍ଟ ଅଫିସରେ ଖାତାଖୋଲି ନିଜ ପରିବାର ତଥା ଭବିଷ୍ୟତ ଲାଗି ଅର୍ଥ ସଞ୍ଚୟ କରିଥିଲେ l ପୋଷ୍ଟ ଅଫିସ ଉପରେ ଭରଷା ରଖି ଏହି ଗରିବ ଓ ମଧ୍ୟବିତ୍ତ ଶ୍ରେଣୀର ଲୋକମାନେ ନିଜ ସଞ୍ଚୟ ଦୁଇ ପଇସା  ଜମା କରିଛନ୍ତି l  ହେଲେ ଜଣେ ରକ୍ଷକ ଯଦି ଭକ୍ଷକ ସାଜେ ତାହେଲେ କହିବା କାହାକୁ  ? ଏଭଳି ଦୁର୍ନୀତି ଘଟାଇଛନ୍ତି ଖୋଦ ସରକାରଙ୍କର କାର୍ଯ୍ୟରତ ବାଦିବାହାଲ ପୋଷ୍ଟମାଷ୍ଟର ମାଧବ ଚନ୍ଦ୍ର ବାରିକ l ବାଦିବାହାଲରେ ଶ୍ରୀ ବାରିକ ଦୀର୍ଘ ୬ ବର୍ଷ ହେଲା କାର୍ଯ୍ୟ କରିଆସୁଛନ୍ତି ହେଲେ  ଦୀର୍ଘ ବର୍ଷର କଳା କାର଼୍ନlମାର ବର୍ତମାନ ପର୍ଦ୍ଦାଫାସ  ହୋଇଛି l ଏସ. ବି, ଆର. ଡି ଖାତା ହେଉ କି ସୁକନ୍ୟା ଯୋଜନା ହେଉ, ଏହି ମହାଶୟ ଲୋକଙ୍କ ହାରାହାରି  ଦୁଇ ରୁ ଅଢେଇ କୋଟି ଟଙ୍କା ଆତ୍ମସାତ କରିଥିବା  ଜମାକାରୀ ଅଭିଯୋଗ କରିଛନ୍ତି l  ଘଟଣା ପ୍ରଘଟ ହେବାପରେ  ଆର୍ଥିକ ଅନିୟମିତତା ଘଟଣାରେ ସମ୍ପୃକ୍ତ ମାଧବଚନ୍ଦ୍ର ବାରିକକୁ ଲୋଇସିଂହା ଥାନାକୁ ଅଣାଯାଇ ପଚରାଉଚରା ଚଳାଇଛନ୍ତି ଥାନାଧିକାରୀ l ତଦନ୍ତ ଓ ପଚରାଉଚରା ପରେ ସମସ୍ତ ଘଟଣାର ସତ୍ୟାସତ୍ୟ ଜଣାପଡିବ ଏବଂ ଦୋଷୀ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଥାନା ଅଧିକାରୀ କହିଛନ୍ତି l  ବାକି ରହିଲା ଲୋକଙ୍କ ପଇସା କେମିତି ଫେରସ୍ତ ହେବ, ଜମାକାରୀ ମାନେ ସୁରକ୍ଷିତ ଭବରେ କେମିତି ପଇସା ଜମା ରଖି ପାରିବ ତାହା ଲୋକଙ୍କ ମନରେ ପ୍ରଶ୍ନବାଚୀ ସ୍ରୁଷ୍ଟି ହୋଇଛି l