01-Nov-2026

କଣ୍ଟାବାଞ୍ଜି/ତୁରେକେଲା(ପ୍ରେରଣା ଖବର): ବଲାଙ୍ଗୀର ଜିଲ୍ଲା ତୁରେକେଲା ବ୍ଲକ ଅନ୍ତର୍ଗତ ତୁରେକେଲା ଗ୍ରାମ ପଞ୍ଚାୟତର ଲର୍କୀ ଗ୍ରାମ ରାମୋଡ଼ ଛକ ନିକଟସ୍ଥ ହରିଜନ ପଡ଼ାରେ ରାସ୍ତା ସମସ୍ୟାକୁ ନେଇ ପଡ଼ାବାସୀ ଦୀର୍ଘଦିନ ଧରି ଅସୁବିଧାର ସମ୍ମୁଖୀନ ହେଉଛନ୍ତି।

ଏହି ସମସ୍ୟା ସମ୍ପର୍କରେ ପଡ଼ାର ବାସିନ୍ଦା ଧନଞ୍ଜୟ ନାଗ ଫୋନ୍ ଯୋଗେ ସମାଜସେବୀ ଭକ୍ତ ଚରଣ ତାଣ୍ଡି ଓରଫ (ଅରୁଣ କୁମାର ତାଣ୍ଡି) ଙ୍କୁ ଅବଗତ କରାଇଥିଲେ। ପଡ଼ାବାସୀଙ୍କ ଅସୁବିଧା ବିଷୟରେ ଜାଣିବା ପରେ ଶ୍ରୀ ତାଣ୍ଡି ନିଜେ ଉକ୍ତ ସ୍ଥାନକୁ ଯାଇ ପଡ଼ାବାସୀଙ୍କୁ ଭେଟିବା ସହ ରାସ୍ତାର ବାସ୍ତବ ସ୍ଥିତି ଅନୁଧ୍ୟାନ କରିଥିଲେ।

ସ୍ଥାନୀୟ ଅଞ୍ଚଳର ପରିସ୍ଥିତି ଦେଖିବା ପରେ ସେଠାରେ ଏକ ସ୍ଥାୟୀ କଂକ୍ରିଟ୍ (CC) ରାସ୍ତା ନିର୍ମାଣର ଆବଶ୍ୟକତା ରହିଥିବା ଅନୁଭବ କରିଥିଲେ। ଏହାପରେ ପଡ଼ାବାସୀଙ୍କ ସମସ୍ୟାକୁ ପ୍ରଶାସନର ଦୃଷ୍ଟିକୁ ଆଣିବା ପାଇଁ ସେ ତୁରେକେଲା ବିଡିଓଙ୍କ ନିକଟରେ ଏକ ସ୍ମାରକପତ୍ର ପ୍ରଦାନ କରି ଉକ୍ତ ଅଞ୍ଚଳରେ କଂକ୍ରିଟ୍ ରାସ୍ତା ନିର୍ମାଣ କରିବାକୁ ଦାବି ଜଣାଇଛନ୍ତି।

ସାଧାରଣ ଲୋକଙ୍କ ମୌଳିକ ସମସ୍ୟାକୁ ଚିହ୍ନଟ କରି ପ୍ରଶାସନ ନିକଟରେ ଉପସ୍ଥାପନ କରିବା ସହ ଗ୍ରାମାଞ୍ଚଳର ବିକାଶ ଓ ଜନସାଧାରଣଙ୍କ ସୁବିଧା ପାଇଁ ଏଭଳି ପଦକ୍ଷେପ ଜାରି ରଖିବେ ବୋଲି ସମାଜସେବୀ  ଭକ୍ତ ଚରଣ ତାଣ୍ଡି ( ଅରୁଣ କୁମାର ତାଣ୍ଡି ) କହିଛନ୍ତି।

ଦାବି: ଲର୍କୀ ଗ୍ରାମର ରାମୋଡ଼ ଛକ ନିକଟସ୍ଥ ହରିଜନ ପଡ଼ାରେ ଶୀଘ୍ର କଂକ୍ରିଟ୍ ରାସ୍ତା ନିର୍ମାଣ କରି ପଡ଼ାବାସୀଙ୍କ ଯାତାୟାତ ସମସ୍ୟାର ସମାଧାନ କରାଯାଉ।