19-Jun-2021

ଆଗଲପୁର, (ଦେବାଶିଷ ପଧାନ): ବଲାଙ୍ଗୀର ସହରରେ ପ୍ରେମିକ ପ୍ରେମିକାର ମାମୁଘରର ୩ ଜଣ ଲୋକଙ୍କୁ ବନ୍ଧୁକ ମୁନରେ ବନ୍ଧକ ରଖିବାର ୫ଦିନ ନ ପୂରୁଣୁ ଆଉଏକ ଚାଞ୍ଚଲ୍ୟ କର ଘଟଣା ଦେଖିବାକୁ ମିଳିଛି ଲୋଇସିଂହା ଥାନା ଆଗଲପୁର ବ୍ଲକ ଉପରବାହାଲ ପଞ୍ଚାୟତର କଲାସହର ଗ୍ରାମରେ l କଲାସହର ଗ୍ରାମର ପିଣ୍ଟୁ ଚନ୍ଦନ ଓ ପ୍ରୋମଦିନୀ ନାଗଙ୍କ ମଧ୍ୟରେ ପ୍ରେମ ସମ୍ପର୍କ ଗଡ଼ିଉଠିଥିଲା l ଗତ ୮ ମାସ ତଳେ  ଉଭୟ ପ୍ରେମୀ ଯୁଗଳ ଗାଁରୁ ଫେରାର ହୋଇଯାଇଥିଲେ l ୮ ମାସ ଧରି ଉଭୟ ଅନୁଗୁଳ ଓ ବେଳପାହାଡରେ ରହିଆସୁଥିଲେ ହେଲେ କିଛିଦିନ ତଳେ ପ୍ରେମିକାକୁ ଛାଡିଦେଇ ପ୍ରେମିକ କୁଆଡେ ଫେରାର ହୋଇଯାଛନ୍ତି l ପୀଡିତା ମହିଳା ସାଲେଭଟା ଫାଣ୍ଡିରୁ ଆରମ୍ଭ କରି ଲୋଇସିଂହା ଥାନା ଓ ବଲାଙ୍ଗୀରକୁ ବାରମ୍ବାର ଦୌଡି ନିରାଶ ହେବାପରେ ମହିଳା କମିଶନର ଓ ମୁଖ୍ୟମନ୍ତ୍ରୀଙ୍କୁ ଚିଠି ମାଧ୍ୟମରେ ଜଣାଇଛନ୍ତି ହେଲେ ବିଡମ୍ବନା ବିଷୟ ଯେ, ଆଜି ପର୍ଯ୍ୟନ୍ତ ଚିଠିର ଉତ୍ତର ମିଳିଲା ନାହିଁ ବୋଲି କ୍ଷୋଭର ସହ ପୀଡିତା କହିଛନ୍ତି lପୀଡିତା ପୋଲିସଠାରୁ କୌଣସି ନ୍ୟାୟ ନ ପାଇବାରୁ ପ୍ରେମିକର ଘରସାମ୍ନାରେ କିରୋସିନି ଧରି ଆତ୍ମହତ୍ୟା କରିବା ପାଇଁ ଚେତାବନୀ ଦେଇ ଧାରଣା ଦେଇଥିଲେ l ମଣ୍ଟୁ ଚନ୍ଦନକୁ ଘରଲୋକେ କେଉଁଠି ଲୁଚାଇଛନ୍ତି ତାଙ୍କୁ ପ୍ରଥମେ ଅଣାଯାଉ ଓ ସ୍ତ୍ରୀର ମର୍ଯ୍ୟାଦା ଦେଉ ବୋଲି ପୀଡିତା ମହିଳା ଜିଦ୍ ଧରିଛନ୍ତି ଘଟନା ସଂକ୍ରାନ୍ତରେ ସାଲେଭଟା ପୋଲିସକୁ ଫୋନ ଯୋଗେ ଯୋଗାଯୋଗ କରିବାରୁ ତଦନ୍ତ ଚାଲିଛି ଓ ଅଭିଯୁକ୍ତ ଫେରାର ଅଛି ବୋଲି କହିଥିଲେ