18-Jun-2021

ପୁରୀ (ପ୍ରେରଣା ଖବର ବ୍ୟୁରୋ) - ଶ୍ରୀମନ୍ଦିର ପ୍ରଶାସନ ପକ୍ଷରୁ ଭରଚୁଆଲ ବୈଠକ | ଆଗାମୀ ସ୍ନାନ ଓ ରଥଯାତ୍ରା ପାଇଁ କୋଭିଡ ପରିଚାଳନାକୁ ନେଇ ଗୁରୁତ୍ୱପୂର୍ଣ ବୈଠକ | ମହାପ୍ରଭୁଙ୍କ ବିଶେଷ ନୀତି ଦିବସର  ୪୮ ଘଣ୍ଟା ପୂର୍ବରୁ ସମସ୍ଥ ସେବାୟତ, କର୍ମଚାରୀ, ପୋଲିସ ଓ ଅଫିସର ମାନଙ୍କ ଆର୍ ଟି ପି ସି ଆର୍ କୋଭିଡ  ଟେଷ୍ଟ ବାଧ୍ୟତା ମୂଳକ | ସ୍ନାନ, ଶ୍ରୀଗୁଣ୍ଡିଚା,ବାହୁଡା଼ ଓ ନୀଳାଦ୍ରୀ ବିଜେ ଯାତ୍ରା ର ପୁନର୍ବାର ଅନୁଷ୍ଠିତ ହେବ RTPCR ଟେଷ୍ଟ | ସମସ୍ଥ ସେବକ ଓ କର୍ମଚାରୀଙ୍କ ଟୀକା କରଣ ଉପରେ ଦିଆଯିବ ଗୁରୁତ୍ୱ | ଶ୍ରୀମନ୍ଦିର ପ୍ରଶାସନ, ଜିଲ୍ଲା ପ୍ରଶାସନ ଓ ସ୍ୱାସ୍ଥ୍ୟ ବିଭାଗ ପକ୍ଷରୁ ନୋଡାଲ ଅଫିସର ନିୟୋଜିତ କରାଯାଇ ବ୍ୟବସ୍ଥା କୁ ଶୃଙ୍ଖଳିତ କରାଇବେ | ଏଥିସହ ରଥ ଟାଣିବାକୁ ଥିବା ସେବକଙ୍କ ଉପରେ ଗୁରୁତ୍ୱ ଦିଆଯିବା ସହ ରଥଯାତ୍ରା ସମୟରେ ମାଇକ୍ରୋ ପ୍ଲାନ ଅନୁଯାୟୀ ମେଡିକାଲ ପୋଷ୍ଟ ଗଠନ କରାଯିବ |ବ୍ୟାପକ ମାତ୍ରା ରେ ମାସ୍କ ଓ ସାନିଟାଇଜର ବଣ୍ଟନ କରାଯିବା ସହ ରାଜ୍ୟ ସରକାରଙ୍କ କୋଭିଡ ଗାଇଡ଼ ଲାଇନ ଅନୁସାରେ କାର୍ଯ୍ୟ କରିବାକୁ ସେବକ ଓ କର୍ମଚାରୀଙ୍କ ମଧ୍ୟରେ ସଚେତନତା କରାଯିବା ସହ ବ୍ୟାପକ ମାତ୍ରାରେ ଲିପଲେଟ ବଣ୍ଟନ କରାଯିବ |ଶ୍ରୀମନ୍ଦିର ମୁଖ୍ୟ ପ୍ରଶାସକ କିଶନ କୁମାର ଙ୍କ ଅଧକ୍ଷତାରେ ଆଜି ଏହି ଭରଚୁଆଲ ବୈଠକ ଅନୁଷ୍ଠିତ ହୋଇଥିବା ବେଳେ ଜିଲ୍ଲାପାଳ, ଏସ୍ପି ଓ ଅନ୍ୟାନ୍ୟ ଅଧିକରି ଓ ସେବାୟତ ଉପସ୍ଥିତ ଥିଲେ |