18-Jun-2021

ସୋନପୁର(ମନୋରଞ୍ଜନ ତ୍ରିପାଠୀ) : ଜୈଷ୍ଠ ଶୁକ୍ଳପକ୍ଷ  ଦ୍ଵିତୀୟା ଦିନ ଠାରୁ ଶୁଭାରମ୍ଭ ହୋଇଥିଵା ସୁବର୍ଣ୍ଣପୁର ସହରର ଶୀତଳ ଷଷ୍ଠୀ ଯାତ୍ରା ଉତ୍ସବ l ଗତ ଷଷ୍ଠୀ ତିଥି ବୁଧବାର ଦିନ ସ୍ଥାନୀୟ ଇଷ୍ଟଦେବ ଶ୍ରୀ ସୁବର୍ଣ୍ଣମେରୁ ମହାଦେବ ଓ ମାଁ ପାର୍ବତୀଙ୍କ ମଧ୍ୟରେ ରୀତିନୀତି ଓ ନିରାଡ଼ମ୍ବରରେ ବିବାହ ସମ୍ପନ୍ନ କରାଯାଇଛି l ଶିବ ମାତା ପିତାଙ୍କ ପ୍ରତିନିଧି ଶାନ୍ତି ନଗରର ଅର୍ଜୁନ 

 ରଥ ଓ ରାଲି ରଥଙ୍କ  ଘରୁ ଗତ ବୁଧବାର ରାତିରେ ଶ୍ରୀ ସୁବର୍ଣ୍ଣମେରୁ ବାବାଙ୍କ ବାରାତ ସହର ପରିକ୍ରମା କରି ମାଁ ପାର୍ବତୀଙ୍କ ପ୍ରତିନିଧି ଥାନାପତି ପଡା ର  ପି. ସିମାଞ୍ଚଳ ଓ ପି. ରାଜେଶ୍ୱରୀ  ରାଓ ଙ୍କ ବାସଭବନକୁ ପହଞ୍ଚିଥିଲେ l ବୈଦିକ ରୀତିନୀତିରେ ଶିବ ପାର୍ବତୀଙ୍କ ବିବାହ ଅନୁଷ୍ଠିତ ହୋଇଥିବl ବେଳେ ବିବାହ ଉତ୍ସବ ଦେଖିବାକୁ  ଉଭୟ ପରିବାର  ସ୍ୱଜନ ଓ ଭକ୍ତ ଶ୍ରଦ୍ଧାଳୁଙ୍କ ମଧ୍ୟରେ ପ୍ରବଳ  ଉତ୍ସାହ ଉଦ୍ଦୀପନା ଦେଖିବାକୁ ମିଳିଥିଲା l ମହଣ ମହଣ ରୁପାରେ  ନିର୍ମିତ ପାଲିଙ୍କି ରେ  ଶ୍ରୀ ସୁବର୍ଣ୍ଣମେରୁ ବାବାଙ୍କ ବିରାଜମାନ ଓ  ୧୦୮ ତୋଳା ରେ ନିର୍ମିତ ଶ୍ରୀ ଚନ୍ଦ୍ରଶେଖର ବାବାଙ୍କ ସୁନା ନାଗ ମୂର୍ତ୍ତି ଯାତ୍ରାର ମୁଖ୍ୟ ଆକର୍ଷଣ ଥିଲା l ଯାହାକି ଦର୍ଶନ ପାଇଁ ଓ ପଞ୍ଚମୀ ତିଥି  ରେ ଶିବ ପିତା ଘରେ ଓ ଷଷ୍ଠୀ ସପ୍ତମୀ ତିଥିରେ ପାର୍ବତୀ ପିତା ଙ୍କ ବାସଭବନରେ  ମହାପ୍ରଭୁଙ୍କ ଯୁଗଳମୂର୍ତି  ଦର୍ଶନ, ସହରର ଅଷ୍ଟ ଶମ୍ଭୁ ଅଷ୍ଟ ବିଷ୍ଣୁ ଙ୍କ ଦର୍ଶନ,  ମନ୍ଦିର ପ୍ରତ୍ୟାବର୍ତନ ବେଳେ ନଗର ପରିକ୍ରମାରେ 

 ହଜାର ହଜାର ଭକ୍ତ ଓ ଶ୍ରଦ୍ଧାଳୁଙ୍କ ଭିଡ଼ ଜମି ଥିଲା  l ଏସ. ପି ଶ୍ରୀ ସୀତାରାମ ଶତପଥିଙ୍କ ଉପସ୍ଥିତି  ଓ ପ୍ରତ୍ୟକ୍ଷ ତତ୍ୱାବଧାନ ରେ  ପୋଲିସ ପ୍ରଶାସନ ମଧ୍ୟ ଯାତ୍ରାକୁ କୋଭିଡ଼ ନୀତି ନିୟମ ଓ ଶାନ୍ତି ଶୃଙ୍ଖଳାର ସହ ସମାପନ କରିବାକୁ ତତ୍ପରତା ସହିତ ଉଦ୍ୟମ ଜାରି ରଖି ଥିଲେ l