18-Jun-2021

ଭୁବନେଶ୍ବର (ପ୍ରେରଣା ଖବର ବ୍ୟୁରୋ) : ତୃତୀୟ ଲହର ବେଶୀ ବଡ଼ ଧରଣର ରୂପ ନ ନେଇ ପାରେ । ହାର୍ଡ ଇମ୍ୟୁନିଟ ଆସି ଯାଇଥିବ ଏବଂ ଭ୍ୟାକ୍ସିନେସନ ଡ୍ରାଇଭ ମଧ୍ୟ ଦ୍ରୁତ ଭାବେ ହେଉଛି ତେଣୁ ବିଶେଷ ପ୍ରଭାବ ପଡିବ ନାହିଁ । ଯଦି ବି ଆସିବ ଏହା ଦ୍ୱିତୀୟ ଲହର ଠୁ ଅଧିକ ପ୍ରଭାବିତ କରିବ ନାହିଁ  ବୋଲି ସ୍ୱାସ୍ଥ୍ୟ ବିଶେଷଜ୍ଞ ଡ. ନିରୋଜ ମିଶ୍ର ସୂଚନା ଦେଇଛନ୍ତି । ଇତିହାସ ବି କହୁଛି ସ୍ପାନିଶ ଫ୍ଲୁ ସମୟରେ ଦ୍ୱିତୀୟ ଲହର ହିଁ ଅଧିକ କ୍ଷତି କରିଥିଲା ମାତ୍ର ତୃତୀୟ ଓ ଚତୁର୍ଥ ଲହର ସେମିତି ବଡ଼ ଧରଣର ଆସିନଥିଲା । 

ଡେଲାଟା ପ୍ଲସ୍ ଭେରିଆଣ୍ଟରେ ବର୍ତ୍ତମାନ ଦେଖାଯାଉଛି ଯେ ଆଣ୍ଟିବଡ଼ି କକଟେଲ ତାହାର ଇଫିକେସି ଏହା ବିରୁଦ୍ଧରେ ବିଶେଷ କାର୍ଯ୍ୟ କରୁନାହଁ । ଟୀକା କାର୍ଯ୍ୟ କରିବ କି ନାହିଁ ଏପରି କିଛି ଚର୍ଚ୍ଚା କେବଳ ଆକଳନ । ତେବେ ଖବର ଆସୁଛି କି ସ୍ଫୁଟିନିକ-ଭି ଡେଲାଟା ପ୍ଲସ୍ ଭେରିଆଣ୍ଟ ପାଇଁ ବୁଷ୍ଟର ଡୋଜ ଆଣୁଛନ୍ତି ଯାହା ସମ୍ପୂର୍ଣ୍ଣ ଏହା ବିରୁଦ୍ଧରେ କାର୍ଯ୍ୟ କରିବ ବୋଲି ଶ୍ରୀ ମିଶ୍ର ପ୍ରକାଶ କରିଛନ୍ତି । 

ତୃତୀୟ ଲହରରେ ଶିଶୁ ମାନେ ଅଧିକ ଆକ୍ରାନ୍ତ ହେବେ କି ନାହିଁ ସେ ନେଇ WHO ଏମ୍ସର ତତ୍ୱାବଧାନରେ ଭାରତରେ ଗୋଟିଏ ଷ୍ଟଡ଼ି କରିଛନ୍ତି । ଦିଲ୍ଲୀ ଅର୍ବାନ ଓ ଦିଲ୍ଲୀ ରୁରାଲ,ଭୁବନେଶ୍ୱର, ଗୋରଖପୁର, ଅଗ୍ରତାଲା ଭଳି 5 ଟି ସ୍ଥାନରେ 10 ହଜାର ଲୋକଙ୍କୁ ନେଇ ଷ୍ଟଡ଼ି କରାଯାଇଛି । ଯେଉଁଥିରୁ ସାମ୍ନାକୁ ଆସିଛି ଯେ ପିଲାମାନଙ୍କର ମଧ୍ୟ ଆଣ୍ଟିବଡ଼ି ବହୁତ ଡେଭଲପ ହୋଇଛି । ତେଣୁ ସେମାନେ ଅଧିକ ପ୍ରଭାବିତ ହେବାର ଆଶଙ୍କା ନାହିଁ । ଯଦି ହେବ ସେମାନଙ୍କର ଇମ୍ୟୁନିଟ ଲେବୁଲ ଅଧିକ ରହୁଥିବାରୁ ବେଶୀ ମାରାତ୍ମକ ହେବ ନାହିଁ । ଏବଂ ଏହା ବାଦ ମଧ୍ୟ ଦେଖା ଯାଇଛି ଯେ ଗ୍ରାମାଞ୍ଚଳରେ ବି ଲୋକମାନଙ୍କର ଆଣ୍ଟିବଡ଼ି ଡେଭଲପ ହୋଇଛି । ଯାହାଦ୍ୱାରା ଦ୍ୱିତୀୟ ଲହରରେ ଆକଳନ ଠୁ କମ କ୍ଷୟକ୍ଷତି ହେଲା । 

ଦୁଇଟି ଡୋଜ ନେବା ପରେ ବି ବ୍ରେକ-ଥୁରୁ ଇନଫେକସନ ହେଉଛି ତେଣୁ ଏହାର ଅଧିକ ଅନୁଧ୍ୟାନ ପାଇଁ ବିଶେଷଜ୍ଞ ମାନଙ୍କୁ ନେଇ କମିଟି ଗଠନ କରାଯାଇଛି । ଭ୍ୟାକ୍ସିନ ନେବା ପରେ କେମିତି ଆଣ୍ଟିବଡ଼ି ଡେଭଲପ ହେଉଛି ତାହା ଷ୍ଟଡ଼ି କରାଯିବ । ବର୍ତ୍ତମାନ ଆସିଲାଣି ଯଦି ଦରକାର ପଡ଼ିବ ଗୋଟିଏ ବୁଷ୍ଟର ଡୋଜ ବି ନେଇ ପାରିବେ । ସ୍ଫୁଟିନିକ-ଭି,ନୋଭଭାକ୍ସ ବୁଷ୍ଟର ଡୋଜ ହିସାବରେ କାମ କରିବ ଏଗୁଡ଼ିକ । ଟୀକା ନେବା ପରେ ଆଣ୍ଟିବଡ଼ି ଲେବଲ ଯାହାର କମ ରହୁଛି ସେମାନଙ୍କ କ୍ଷେତ୍ରରେ ବିଶେଷ କରି ଏହି ବୁଷ୍ଟର ଡୋଜ ଦିଆଯିବ । ବୋଲି ସ୍ୱାସ୍ଥ୍ୟ ବିଶେଷଜ୍ଞ ନିରୋଜ ମିଶ୍ର ସୂଚନା ଦେଇଛନ୍ତି