16-Jun-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ):  କଥାରେ ଅଛି ବିପଦର ବନ୍ଧୁ ହିଁ ପ୍ରକୃତ ପ୍ରକୃତ ବନ୍ଧୁ l ଆଉ ବର୍ତମାନ କରୋନା ମହାମାରୀ ଭଳି ସଙ୍କଟ ଓ  ସୁବର୍ଣ୍ଣପୁର ଚାଷୀଙ୍କ ଘୋର ଦୁଃଖ ଓ ସମ୍ପୂର୍ଣ ଭାଙ୍ଗି ପଡ଼ିଥିବା ଭଳି ଅସମୟରେ ଦେବଦୂତ ଭଳି ଛିଡା ହୋଇଛନ୍ତି  l ସେଭଳି ଏକ କୃଷକ ସାଥି  ହେଉଛନ୍ତି ଆମ ସମସ୍ତଙ୍କ ପ୍ରିୟ ବଲାଙ୍ଗୀରର ପ୍ରାକ୍ତନ ସାଂସଦ କଲିକେଶ ନାରାୟଣ ସିଂହଦେଓ l ଏ ଅଂଚଳ ର ଚାଷୀଙ୍କ  ସମସ୍ୟାର ସମାଧାନ ନେଇ  ମାନ୍ୟବର ମୁଖ୍ୟମନ୍ତ୍ରୀଙ୍କୁ ଗତକାଲି ସାକ୍ଷାତ କରି ଚିଠି ଲେଖି ଜଣାଇଛନ୍ତି l  ଚାଷୀଙ୍କ ମାଳ ଜମି ସମେତ ଚାଷ କରାଯାଉଥିବା ସମ୍ପୂର୍ଣ ଚାଷ ଜମି କୁ ସର୍ଭେ ପରିସର ଭୁକ୍ତ କରିବା, ରଦ୍ଦ ହୋଇଥିବା ଟୋକନ ସବୁକୁ ନବୀକରଣ କରିବା, ଧାନ କିଣାର ଅବ୍ୟବସ୍ଥା ଓ ସମସ୍ତ ତ୍ରୁଟି କୁ ସଂଶୋଧନ ଲାଗି ବହୁ ପୂର୍ବରୁ  ସରକାର ଦେଇଥିବା କଡା ନିର୍ଦ୍ଦେଶନାମାକୁ ଜ଼ିଲ୍ଲା ପ୍ରଶାସନ ଜରିଆରେ ସଠିକ ଅନୁପାଳନ କରାଇବା ଏବଂ ଚାଷ ଜମି ସବୁର ପ୍ରକୃତ ଆକଳନ କରି ନୂତନ ବର୍ଦ୍ଧିତ କୋଟା ଜ଼ିଲ୍ଲା କୁ ଅନୁମୋଦନ କରାଇବା ସହିତ ଚାଷୀ ଉତ୍ପାଦିତ  ଧାନ ର ଟାର୍ଗେଟ ବୃଦ୍ଧି କରାଇ ଶୀଘ୍ର କିଣାଯିଵା ପ୍ରମୁଖ ଦାବି ଏ ଚିଠି ରେ ସେ  ଉଲ୍ଲେଖ କରିଛନ୍ତି  l ଯୁବ ନେତା ଶ୍ରୀ ସିଂହଦେଓ ଙ୍କ ଏ ପ୍ରଚେଷ୍ଟା ଓ ଉଦ୍ୟମ କୁ ଜ଼ିଲ୍ଲା ର ଚାଷୀ ଓ  କୃଷକ ସଂଗଠନ ସ୍ୱାଗତ କରିଥିବା  ଓ କୃତଜ୍ଞତା ଜଣାଇଥିବା ବେଳେ  ଖରିଫ ଧାନ ଅମଳ ପାଇଁ ଜୋର ଦାର ପ୍ରସ୍ତୁତି ବେଳେ ରବି ଧାନ ବିକ୍ରି ପାଇଁ ଜ଼ିଲ୍ଲା  ପ୍ରଶାସନ ପାଖରେ ବାରମ୍ବାର  ଚାଷୀ  ଅଧିଆ ପଡିବା, ରାଜରାସ୍ତାରେ ଶୋଇ ଦାବି ଜଣାଇବା ପରେ ଚାଷୀ ଙ୍କୁ ଗିରଫ ପାଇଁ ତାଙ୍କ ନାଁ ରେ ପୁଣି ପୋଲିସ କେସ ଦାୟର କରିବା ନାଲି ଆଖି ଦେଖାଇଵା ଘଟଣା ସବୁକୁ ଜ଼ିଲ୍ଲାର ବୁଦ୍ଧିଜୀବୀ ଓ ଚାଷୀ ସଂଗଠନ ଦୃଢ଼ ନିନ୍ଦା କରିଛନ୍ତି  l ଏବଂ ପୂର୍ବ ଓଡିଶା ସମେତ ପଡୋଶୀ ରାଜ୍ୟ ମାନଙ୍କରେ ବି କେବଳ କୃଷି ନୁହେଁ ସମସ୍ତ ବିଭାଗ ପୁରାପୁରି ଶୃଙ୍ଖଳିତ ଓ  ବ୍ୟବସ୍ଥିତ ରହି ଆସୁଥିବା ବେଳେ ପଶ୍ଚିମ ଓଡିଶା ର ସବୁ ଜ଼ିଲ୍ଲା  ମାନଙ୍କ ରେ ଏତେ ଅବ୍ୟବସ୍ଥା କାହିଁକି ଓ ଅନ୍ନଦାତାଙ୍କୁ କିଏ କେବେ କେଉଁଠି ଧୋକା ଦିଏ କି  ବୋଲି ଚାଷୀ  ପ୍ରଶ୍ନ କରିଛନ୍ତି l ସତରେ ଲୋକଙ୍କ ସ୍ୱର  ପହଂଚୁନି ନା ନେତାଙ୍କ ସ୍ୱର ପ୍ରକୃତ ଜାଗାକୁ ପହଞ୍ଚି ପାରୁନି ଏବେ ତାହା ସଂନ୍ଦେହେ ଘେରରେ l