16-Jun-2021

ସୋନପୁର(ମନୋରଞ୍ଜନ ତ୍ରିପାଠୀ) : ୧୮ ରୁ ୪୪ ବର୍ଷୀୟ ଲୋକଙ୍କୁ ଦ୍ଵିତୀୟ ପର୍ଯ୍ୟାୟରେ ଟୀକା  ଦେବାକୁ ଥିବା ସୁବର୍ଣ୍ଣପୁର ସହରର ସାତ ଗୋଟି  କୋଭିଡ଼ ଟୀକା କେନ୍ଦ୍ର ମାନଙ୍କରେ ଆସନ୍ତା କାଲି ଯଦି ଦାଇତ୍ୱରେ ଥିବା କର୍ମଚାରୀ,  ଜ଼ିଲ୍ଲା ପ୍ରଶାସନ ଓ  ପୋଲିସ ପ୍ରଶାସନ ପୁରା  ସଜାଗ ନ ରହିବେ, କଡାକଡି ନିୟମ ପାଳନ ନ କରିବେ ଏବଂ ଟୀକା

କେନ୍ଦ୍ରର ପ୍ରଥମ ଵା  ମୁଖ୍ୟ ଗେଟରୁ ହିତାଧିକାରୀଙ୍କ  ଆଧାର କାର୍ଡ, ସ୍ଲଟ ବୁକିଂର ହାର୍ଡ କପି ଯାଞ୍ଚ ନ କରିବେ, ଅଧିକ ପୋଲିସ କର୍ମଚାରୀଙ୍କୁ ନିଯୁକ୍ତ କରି ଭିଡ଼କୁ ନିୟନ୍ତ୍ରଣ ନ କରିବେ ଏବଂ ପ୍ରଶାସନିକ ଅଧିକାରୀ ମାନେ ବାରମ୍ବାର  ପରିଦର୍ଶନ ଓ ଯାଞ୍ଚ  କରି ଅବ୍ୟବସ୍ଥାରେ ସୁଧାର ନ ଆଣିବେ ତାହେଲେ  ଗତ ଥର  ଭଳି ପ୍ରବଳ ଭିଡ଼ ହୋଇ ସହରରେ  ଗୋଷ୍ଠୀ ସଂକ୍ରମଣ ହେବ ନିଶ୍ଚିତ l ଆସନ୍ତା  କାଲିଠୁ ପୁଣି ରାଜ୍ୟ ସରକାର କୋଭିଡ଼ କଟକଣା ରେ କୋହଳ କରିବା ସାଙ୍ଗେ ସାଙ୍ଗେ କେନ୍ଦ୍ର ସରକାର ମଧ୍ୟ ୧୮ ରୁ ୪୪ ବର୍ଷୀୟ ବୟସ୍କଙ୍କ  ଟୀକାକରଣରେ 

ପଞ୍ଜିକରଣ ଓ ସ୍ଲଟ ବୁକିଂ ର ଆବଶ୍ୟକତା ନାହିଁ ବୋଲି ଆଜି ଘୋଷଣା କରି ଯୁବକଙ୍କୁ ଆହୁରି ଉତ୍ସାହିତ କରିଛି l ସେଥିପାଇଁ ପୋଲିସ ପ୍ରଶାସନ କେବଳ  ଗୋଟlଏ ହୋମ ଗାର୍ଡ କୁ  ଟୀକା କେନ୍ଦ୍ରରେ ଜଗାଇ ଦେଲେ ଭିଡ଼ କୁ  ନିୟନ୍ତ୍ରଣ  କରିବା ମୁସ୍କିଲ ହେବ ବୋଲି ସାଧାରଣରେ ଆଲୋଚନା ହେଉଛି l