24-Oct-2020

ସୋନପୁର(ପ୍ରେରଣା ଖବର)- ସମ୍ବଲପୁର ବିଶ୍ୱବିଦ୍ୟାଳୟର ଯୁକ୍ତ ୩ ଶେଷ ବର୍ଷ (ସମ୍ମାନ) ପରୀକ୍ଷାରେ ସୋନପୁର ଡିଗ୍ରୀ କଲେଜର ବିଭିନ୍ନ ବିଭାଗର ୧ଠଜଣ ଛାତ୍ରଛାତ୍ରୀ ପ୍ରଥମ ୧ଠ ତାଲିକାରେ ସ୍ଥାନ ପାଇଛନ୍ତି । ପ୍ରଥମ ଥର ପାଇଁ ଏଭଳି ସଫଳତାମିଳିଥିବାରୁ କଲେଜର ଛାତ୍ରଛାତ୍ରୀ  ଓ ଅଧ୍ୟାପକ, ଅଧ୍ୟାପିକା ମାନଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଛି । ସ୍ନାତକ ଶେଷ ବର୍ଷ ଛାତ୍ରୀ ଦେବନ୍ୱେଷା ପ୍ରଧାନ ପ୍ରାଣୀ ବିଜ୍ଞାନ ସମ୍ମାନରେ ବିଶ୍ୱବିଦ୍ୟାଳୟ ସ୍ତରରେ ଟପ୍ପର ହୋଇଥିବା ବେଳେ ଦ୍ୱିତୀୟ ସ୍ଥାନ ଅଧିକାର କରିଛନ୍ତି ଛାତ୍ର ପ୍ରାୟୋଜିତ ବିଶି । ସେହିପରି ସଂସ୍କୃତ ସମ୍ମାନ ଚତୁର୍ଥ ସ୍ଥାନରେ ମନୀଷା ମିଶ୍ର, ପଞ୍ଚମ ସ୍ଥାନରେ ସୌଦାମିନୀ ମେହେର, ଦଶମ ସ୍ଥାନରେ ଗୋବର୍ଦ୍ଧନ ସାହୁ,  କସଂପ୍ୟୁଟର ପଞ୍ଚମ ସ୍ଥାନରେ ରଚନା ମିଶ୍ର, ନବମ ସ୍ଥାନରେ ବନିତା ସା ଓ ପଦାର୍ଥ ବିଜ୍ଞାନ ସମ୍ମାନରେ ବଚନ କୁମାର ଦାସ ସପ୍ତମ ସ୍ଥାନରେ ରହିଛନ୍ତି । କଲେଜର ଉତ୍ତମ ଶୈକ୍ଷିକ ବାତାବରଣ ଯୋଗୁଁ ଏଭଳି ସଫଳତା ମିଳିଥିବା ଅଧ୍ୟକ୍ଷ ତରୁଣ କୁମାର ମିଶ୍ର ପ୍ରକାଶ କରିଛନ୍ତି ।