13-Jun-2021

ଟିଟିଲାଗଡ଼, (ପ୍ରେରଣା ଖବର) : ଟିଟଟିଲାଗଡ ଥାନା ଅନ୍ତର୍ଗତ ଅନ୍ତର୍ଲା ଗ୍ରାମରେ ପୂର୍ବରୁ ଶତ୍ରୁତା ରଖିଥିବା ଦେବଚନ୍ଦ୍ର ବାଗ(ବ-୪୦) ନାମକ ଜଣେ ବ୍ୟକ୍ତି ଉକ୍ତ ଗ୍ରାମର ହେମାଞ୍ଚଳ ବାଗ (୪୮) ଓ ତାଙ୍କ ମାଆ ବ୍ରାହ୍ମଣୀ ବାଗ (୮୦) କୁ ମରଣାନ୍ତକ ଆକ୍ରମଣ କରିଥିବା ଟିଟିଲାଗଡ ଥାନାରେ ଏକ

ମାମଲା ଦାୟର କରି ତଦନ୍ତ ଆରମ୍ଭ କରାଯାଇ ଥିବା ସୂଚନା ମିଳିଛି । ପ୍ରକାଶ ଯେ,୧୩ ତାରିଖ ରବିବାର ସକାଳ ପ୍ରାୟ ୬ ଘଣ୍ଟା ସମୟରେ ଗୁରୁତର ଆହତ ହୋଇ ଟିଟିଲାଗଡ ଡାକ୍ତରଖାନାରେ ଭର୍ତ୍ତି ହୋଇ ଚିକିତ୍ସାଧୀନ ଥିବା ହେମାଞ୍ଚଳ ବାଗଙ୍କ ବୃଦ୍ଧା ମାଆ ବ୍ରାହ୍ମଣୀ ବାଗଙ୍କୁ ପୂର୍ବ ଶତ୍ରୁତା କ୍ରମେ ତାଙ୍କ ଘର ନିକଟରେ ଉକ୍ତ ଦେବଚନ୍ଦ୍ର ଏକ ଠେଙ୍ଗାରେ ଆକ୍ରମଣ କରିବା ଦେଖି ହେମାଞ୍ଚଳ ଆସି ଛଡେଇବାକୁ ଉଦ୍ୟମ କରିଥିବା ବେଳେ ତାଙ୍କୁ ଆକ୍ରମଣ କରି ଗୁରୁତର ଭାବେ ରକ୍ତାକ୍ତ କରି ଛାଡି ଦେଇ ଚାଲିଯାଇ ଥିଲା । ପରେ ପରିବାର ଲୋକେ ତାଙ୍କୁ ଆମ୍ବୁଲାନ୍ସ ଯୋଗେ ଟିଟିଲାଗଡ ଡାକ୍ତରଖାନାରେ ଭର୍ତ୍ତି କରେଇଥିଲେ । ଉକ୍ତ ବୃଦ୍ଧା ଓ ତାଙ୍କ ପୁଅ ହେମାଞ୍ଚଳ ଗୁରୁତର ଆହତ ହୋଇଥିବା ବେଳେ ହେମଞ୍ଚଳଙ୍କ ମୁଣ୍ଡରେ ଶକ୍ତ ଆଘାତ

ଲାଗିଥିବାରୁ ତାଙ୍କୁ ଡ଼ାକ୍ତର ବଲାଙ୍ଗୀର ମ୍ୟାଡିକାଲ କଲେଜ ଡାକ୍ତରଖାନାକୁ ସ୍ଥାନାନ୍ତର ପରାମର୍ଶ ଦେଇଛନ୍ତି ।  ଏ ନେଇ ଗ୍ରାମରେ ଉତେଜନା ପ୍ରକାଶ ପାଇଥିବା ବେଳେ ଅଭିଯୁକ୍ତ ଏପରି ପୂର୍ବରୁ ବାରମ୍ବାର ଗଣ୍ଡଗୋଳ କରି ଆସୁଥିବା ଅଭିଯୋଗ କରି ଅଭିଯୁକ୍ତ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି କରିଛନ୍ତି ।