03-Nov-2026

(ପ୍ରିୟଦର୍ଶିନୀ ପାତ୍ର)
ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଚକଲାପଦର ପଞ୍ଚାୟତରେ ବାତ୍ୟା ସମୟରେ ସରକାରୀ ଚାଉଳ ବଣ୍ଟନରେ ବଡ଼ ଅନିୟମିତତା ଅଭିଯୋଗ ହୋଇଛି। ପଞ୍ଚାୟତ ଅଧୀନ ୬ଟି ଗ୍ରାମ ଦାଇମଲ ,ବାହାରକ୍ରମରି , ଡ଼କରୀକୋଟ,  ଗାଇଡ଼ଣ୍ଡା  ଲହଣ୍ଡାସିଲ, ଭିତର କର୍ମରିର ଶତାଧିକ ହିତାଧିକାରୀ ଗତ ଦୁଇ ମାସ ହେଲା ପିଡିଏସ ଚାଉଳ ପାଇ ପାରୁନାହାନ୍ତି। ଗ୍ରାମବାସୀଙ୍କ କହିବା ଅନୁଯାୟୀ, ବାତ୍ୟା ପାଇଁ ସମସ୍ତେ ଘରେ ରହିଥିବା ବେଳେ ଏହି ସମୟରେ ହିଁ ଚାଉଳ ନିହାତି ଆବଶ୍ୟକ ଥିଲା। କିନ୍ତୁ ଯୋଗାଣ ସହାୟକସରକାରୀ ନିୟମକୁ ବେଖାତିର କରି ନିୟମିତ ଖୋଲୁନାହାନ୍ତି ଏବଂ ଚାଉଳ ଅଛି ମଝିରେ ଦିଆହେବ କହି ଟାଳି ଦେଉଛନ୍ତି। ଏ ନେଇ ବାରମ୍ବାର ସରପଞ୍ଚ ଓ ପିଇଓଙ୍କୁ ଗ୍ରାମବାସୀ ମାନେ ଜଣାଇଥିଲେ, ହେଲେ ସେମାନେ ଗୁରୁତ୍ୱ ଦେଲେ ନାହିଁ ବୋଲି ଅଭିଯୋଗ ହେଇଚି । ପରେ  ହତାଶ ହୋଇ ଗ୍ରାମବାସୀ ମାନେ ଝରିଗାଁ ବିଡିଓଙ୍କୁ ଲିଖିତ ଭାବେ ଜଣାଇଲେ ମଧ୍ୟ ଏପର୍ଯ୍ୟନ୍ତ କୌଣସି ତଦନ୍ତ କି ସମାଧାନ ହୋଇନାହିଁ। ଖାଲି ଏତିକି ନାହିଁ ସବୁ ଜାଣି ମଧ୍ୟ ଖାଦ୍ୟ ସୁରକ୍ଷା ଯୋଜନା ଦାଇତ୍ୱରେ ଥିବା ବ୍ଲକ ଅଧିକାରୀଯୋଗାଣ ନିରୀକ୍ଷକ ବା (M I ) ମଧ୍ୟ ନୀରବ ଅଛନ୍ତି।
ଖାଦ୍ୟ ସୁରକ୍ଷା ଆଇନ ଅନୁଯାୟୀ ଗରିବ ପରିବାରଙ୍କୁ ସୁଲଭ ମୂଲ୍ୟରେ ଚାଉଳ ଯୋଗାଇବା କଥା, କିନ୍ତୁ ବାସ୍ତବରେ ଆଦିବାସୀ ଅଧୁଷିତ ଏହି ଝରୀଗାଁ ବ୍ଲକର ଚକଲାପଦର ପଞ୍ଚଯାତରେ ହିତାଧିକାରୀ ବଞ୍ଚିତ ହେଉଛନ୍ତି। ବାତ୍ୟା ପରି ବିପତ୍ତି ସମୟରେ ପ୍ରଶାସନର ଏପରି ଅବହେଳାକୁ ନେଇ ଅସନ୍ତୋଷ ବଢିଛି।
ଜିଲ୍ଲାପାଳ ଏଥିପ୍ରତି ଦୃଷ୍ଟି ଦେଇ ତୁରନ୍ତ ତଦନ୍ତ କରି ଚାଉଳ ବଣ୍ଟନ ସୁନିଶ୍ଚିତ କରନ୍ତୁ ବୋଲି  ଛଅ ଗୋଟି ଗ୍ରାମର ଗ୍ରାମବାସୀ ନିବେଦନ କରିଛନ୍ତି।ବର୍ତ୍ତମାନ ଖବର ପ୍ରସାରଣ ପରେ ଜିଲ୍ଲା ପ୍ରଶାସନ କିଭଳି ପଦକ୍ଷେପ ନେଉଛନ୍ତି ଦେଖିବାକୁ ବାକି