11-Jun-2021

 ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ): ଗୋପବନ୍ଧୁ କାର୍ଯ୍ୟରତ ସାମ୍ବାଦିକ ସ୍ବାସ୍ଥ୍ୟ ବୀମା ଯୋଜନା ୨୦୨୧- ୨୨ ରେ ହିତାଧିକାରୀ ସଂଯୋଗୀକରଣ ପାଇଁ ଆବେଦନ ର ଶେଷ ତାରିଖ ଆସନ୍ତାକାଲି  ୧୨ ତାରିଖ ଥିବା ବେଳେ ରାଜ୍ୟ ସରକାର ଆଜି ଆବେଦନ ଅବଧି ୨୫ ତାରିଖ କୁ ବୃଦ୍ଧି କରିଛନ୍ତି I କରୋନା ସଂକ୍ରମଣ ର ଭାୟାବହତା କୁ ଦୃଷ୍ଟି ରେ ରଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ଠାରେ ଏହି ଯୋଜନାରେ ହିତାଧିକାରୀ ଚୟନ ପାଇଁ ଆବେଦନ କରିବାର ଅବଧି ତାରିଖ ବୃଦ୍ଧି ପାଇଁ ଓଡିଶା ସାମ୍ବାଦିକ ସଂଘ (ଓଜେୟୁ) ସମ୍ବଲପୁର ଜ଼ିଲ୍ଲା ଶାଖା ପକ୍ଷରୁ ଗତ ୪ ତାରିଖ ଦାବି ହୋଇଥିଲା I ଦାବି କୁ ଗୁରୁତ୍ୱ ଦେଇ ଆଜି ସରକାର ଆବେଦନ ଅବଧି ୨୫ ତାରିଖ ପର୍ଯ୍ୟନ୍ତ ବୃଦ୍ଧି କରିଛନ୍ତି I
ଆବେଦନ ଅବଧି ତାରିଖ ବୃଦ୍ଧି କରିଥିବା ରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ଓଡିଶା ସାମ୍ବାଦିକ ସଂଘ (ଓଜେୟୁ) ସମ୍ବଲପୁର ଜ଼ିଲ୍ଲା ଶାଖା ପକ୍ଷରୁ କୃତଜ୍ଞତା ଜ୍ଞାପନ କରାଯାଇଛି I ଏହା ଫଳରେ ବାଦ୍ ପଡିବାକୁ ଥିବା ଅନେକ ସାମ୍ବାଦିକ ଉପକୃତ ହେବେ ବୋଲି ଓଡିଶା ସାମ୍ବାଦିକ ସଂଘ (ଓଜେୟୁ) ସମ୍ବଲପୁର ଜ଼ିଲ୍ଲା ଶାଖା ସଭାପତି ହିମାଂଶୁ ଶେଖର ମିଶ୍ର ଏବଂ ସମ୍ପାଦକ ସରୋଜ ସାହୁ ପ୍ରକାଶ କରିଛନ୍ତି I