10-Jun-2021

ଉଲୁଣ୍ଡା(ଗୌରଚନ୍ଦ୍ର ପରିଛା) ଉଲୁଣ୍ଡା ତହସିଲ ଅଧିନସ୍ଥ ବିଭିନ୍ନ ଗ୍ରାମରେ ସାପ କାମୁଡା ଏବଂ ପାଣିରେ ବୁଡି ମୃତ୍ୟୁ ହୋଇଥିବା ପରିବାରକୁ ସହାୟତା ରାଶି ପ୍ରଦାନ ପାଇଁ ଝାରବାହାଲି ଗ୍ରାମର ତ୍ରିଲୋଚନ ପୁରୋହିତ ତହସିଲଦାରଙ୍କୁ ଏକ ଦାବିପତ୍ର  ପ୍ରଦାନ କରିଛନ୍ତି । ସୂଚନା ଅନୁସାରେ ବ୍ଲକର ପଂଚମହଲା ଗ୍ରାମର ଦୁଇ ଭଉଣୀଙ୍କ ସାପ କାମୁଡାରେ ମୃତ୍ୟୁ ହୋଇଥିବା ବେଳେ ଝାରବାହାଲି  ଗ୍ରାମର ରଂଜିତ ନେଟି ଏବଂ ଉଲୁଣ୍ଡାର ଅଶୋକ ବାରିକଙ୍କ ପାଣିରେ ବୁଡି ମୃତ୍ୟୁ ହୋଇଥିଲା । ହେଲେ ମୃତ୍ୟୁର ଦୀର୍ଘ ଦିନ ବିତି ଯାଇଥିଲେ ମଧ୍ୟ ପ୍ରସାଶନ ତରଫରୁ  ମୃତକଙ୍କ ପରିବାରକୁ କୌଣସି ସହାୟତା ମଳି ପାରି ନାହିଁ । ଏଣୁ ସିଂଟୁ ପୁରୋହିତ ଆଜି ଉଲୁଣ୍ଡା ତହସିଲଦାର ଅନୁପସ୍ଥିତ ଥିବାରୁ ହେଡକ୍ଲାର୍କଙ୍କୁ ଦାବିପତ୍ର ପ୍ରଦାନ କରିଥିଲେ । ଯଦି ଆଗାମୀ ୧୫ ଦିନ ମଧ୍ୟରେ ମୃତକଙ୍କ ପରିବାରକୁ ସହାୟତା ପ୍ରଦାନ କରାନଯାଏ ତାହା ହେଲେ ଅନଶନରେ ବସିବେ ବୋଲି ଚେତାବନୀ ଦେଇଥିଲେ ।