10-Jun-2021

ଉଲୁଣ୍ଡା(ଗୌରଚନ୍ଦ୍ର ପରିଛା)- ଗତକାଲି ହୋଇଥିବା ଅଦିନିଆ ବର୍ଷାରେ ଘର ଭୁଷୁଡି ଯିବାରୁ ଅଳ୍ପକେ ବର୍ତ୍ତିଲେ  ବୃଦ୍ଧ ଦମ୍ପତି । ସୂଚନା ଅନୁସାରେ ଉଲୁଣ୍ଡା ବ୍ଲକର କାଦୋଦର ଗାଁର ବୃଦ୍ଧପତି ଭୋଇ ଏବଂ ତାଙ୍କ ପତ୍ନୀ ବୃନ୍ଦାବତୀ  ସବୁଦିନ ଭଳି ଖାଇ ପିଇ ଶୋଇଥିଲେ । ରାତି ପ୍ରାୟ ୯ଟା ସମୟରେ ହଠାତ ଦୃତଗତିରେ ପବନ ବହିବା ସହ ବର୍ଷା ହୋଇଥିଲା । ରାତିପ୍ରାୟ ୨ଟା ସମୟରେ ବୃଦ୍ଧ ଦମ୍ପତି ଶୋଇଥିବା ଅବସ୍ଥାରେ ଘର ଭୁଷୁଡି ଯାଇଥିଲା । ଫଳରେ ଉଭୟ ଦମ୍ପତି ଚିତ୍କାର କରିଥିଲେ । ଚିତ୍କାର ଶୁଣି ତାଙ୍କ ପଡୋଶୀ ଲୋକ ଆସି ତାଙ୍କୁ ଉଦ୍ଧାର କରିଥିଲେ । ଫଳରେ ବୃଦ୍ଧ ଦମ୍ପତି ଅଳ୍ପକେ ବର୍ତ୍ତି ଯାଇଥିଲେ । ଘର ଭାଙ୍ଗି ଯାଇଥିବାରୁ ବୃଦ୍ଧ ଦମ୍ପତି ଅନ୍ୟଘରେ ଆଶ୍ରୟ ନେଇଛନ୍ତି । ଯଥାଶୀଘ୍ର ଦମ୍ପତିକୁ ଆବାସ ଯୋଜନାରେ ସାମିଲ କରିବା ସହ ସହାୟତା ପ୍ରଦାନ କରିବା ପାଇଁ ଦାବି ହେଉଛି ।