08-Jun-2021

କଣ୍ଟାବାଞ୍ଜି, (ଆନନ୍ଦ କୁମାର ମୋଟେ): ୧୯୩୯ ମସିହାରେ ସ୍ଥାପିତ ହୋଇଥିବା କଂଟାବାଞ୍ଜି ଡାକ୍ତରଖାନା ଅବ୍ୟବସ୍ଥା ଘେରରେ ଗତି କରୁଛି । ବ୍ରିଟିଶ ଅମଲରୁ ଏହି ଡାକ୍ତରଖାନା ଆରମ୍ଭ ହୋଇଥିଲା । ଏହି ଡାକ୍ତରଖାନା ଉପରେ ଆଦିବାସୀ ଓ ଦଳିତ ଅଧ୍ୟୁଷିତ ଅଂଚଳର ଅଧିବାସୀ ସହ ତୁରେକେଲା, ମୁରିବାହାଲ, ବଙ୍ଗୋମୁଣ୍ଡା ବ୍ଲକ ସହ ନୁଆପଡା ଜିଲ୍ଲାର ସୀମାନ୍ତ ଅଂଚଳରେ ରହୁଥିବା ଲୋକ ରୋଗୀ ସେବା ପାଇଁ ନିର୍ଭର କରିଥାନ୍ତି । ଏହି ଡାକ୍ତରଖାନାକୁ ସରକାର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ସହ ଏଫ୍‌ଆର୍‌ୟୁ ର ମାନ୍ୟତା ମିଲିଛି । ତେବେ ଆବଶ୍ୟକ ଡାକ୍ତର, କର୍ମଚାରୀ ଏବଂ ସରଞ୍ଜାମ ଅଭାବ ଯୋଗୁ ଏଠାକୁ ଆସୁଥିବା ରୋଗୀ ନାହିଁ ନଥିବା ଅସୁବିଧାର  ସମ୍ମୁଖୀନ ହେବାକୁ ପଡୁଛି । ଏହି ଡାକ୍ତରଖାନାରେ ବର୍ତମାନ ସମୟରେ ୧୦ ଟି ଡାକ୍ତର ଆବଶ୍ୟକ ଥିବା ବେଳେ ୬ଜଣ ଡାକ୍ତରରେ ଚାଲୁଛି ଡାକ୍ତରଖାନା । ଡାକ୍ତରଖାନାରେ ମେଡିକାଲ ଅଫିସର, ସର୍ଜରି ବିଶେଷଜ୍ଞ, ଶିଶୂ ରୋଗ ବିଶେଷଜ୍ଞ,  ସ୍ତ୍ରୀ ଓ ପ୍ରସୁତି ବିଶେଷଜ୍ଞ ଡାକ୍ତର ଖାଲି ରହିଥିବା ଦେଖାଯାଏ । ଏହା ସହ ଏଟେନଡେଣ୍ଟ ୩, ଜଣେ ରେଗୁଲାର ଲ୍ୟାବ ଟେକନିସିଆନ, ରକ୍ତ ଭଣ୍ଡାରରେ ୩ଟି ଟେକନିସିଆନ , ନିରାମୟ ପାଇଁ ୨ ଜଣ  ଫାର୍ମାସିଷ୍ଟ ପଦବି ଖାଲି ରହିଛି । ପ୍ରଶାସନ ପକ୍ଷରୁ ଡାକ୍ତରଖାନା ପରିସରରେ ଏକ ଅତ୍ୟାଧୁନିକ ଲ୍ୟାବ ତିଆରି ହୋଇଥିବା ବେଳେ ଲ୍ୟାବ ଟେକନିସିଆନ ଏବଂ ସରଞ୍ଜାମ ଅଭାବ ଯୋଗୁ ଲ୍ୟାବ ଠିକ ଭାବେ ଚାଲୁନାହିଁ । ଡାକ୍ତରଖାନାରେ ଥିବା ଲ୍ୟାବରେ କେବଳ କଫ ଏବଂ ମ୍ୟାଲେରିଆ ଯାଂଚ ଛଡା ଅନ୍ୟ କୌଣସି ଯାଂଚ କରିବାର ସୁବିଧା ନାହିଁ । ଅଲଟ୍ରାସାଉଣ୍ଡ ମେସିନ ଅଛି ହେଲେ ଟେକନିସିଆନ ନାହିଁ । ଏକ୍ସରେ ମ୍ୟାସିନ ଚଲେଇବା ପାଇଁ ଟେକନିସିଆନ ଅଛି ହେଲେ ମ୍ୟାସିନ ଠିକ ଭାବେ କାମ କରୁନାହିଁ । ଅନେକ ସମୟରେ ମ୍ୟାସିନ ବନ୍ଦ ଥିବା ଦେଖାଯାଏ ଯାହା ଫଳରେ ଏଠାକୁ ଆସୁଥିବା ଲୋକ ବାହାରେ ଏକ୍ସରେ କରି ଖର୍ଚ୍ଚାନ୍ତ ହେଉଛନ୍ତି ।  ଡାକ୍ତରଖାନା ପରିସରରେ ତିଆରି ହୋଇଥିବା ମାତୃ ଓ ଶିଶୁ ହସପିଟାଲର ଉଦଘାଟନ ହୋଇ ଆଜକୁ ୩ ବର୍ଷ ବିତିଯାଇଥିଲେ ସୁଦ୍ଧା ଏହି ହସପିଟାଲ କାର୍ଯ୍ୟକ୍ଷମ ହୋଇନାହିଁ । ଆନୁସାଙ୍ଗିକ ଅଭାବ ଯୋଗୁ ଏହି ହସପିଟାଲ କାର୍ଯ୍ୟକ୍ଷମ ହେଉନାହିଁ ବୋଲି ଜଣାଯାଇଛି । ଡାକ୍ତରଖାନା ଉନ୍ନତିକରଣ ପାଇଁ ରାଜ୍ୟ ସରକାର କୋଟି କୋଟି ଟଂକାର ଅନୁଦାନ ଦେଉଥିବା ବେଳେ ଠିକ ଭାବରେ ଅନୁଦାନ ଖର୍ଚ୍ଚ ହୋଇ ପାରୁନଥିବା ସବୁ ସମୟରେ ଅଭିଯୋଗ ହେଉଛି । ଅନ୍ୟ ପକ୍ଷରେ ଡାକ୍ତରଖାନାରେ କାର୍ଯ୍ୟରତ ଡାକ୍ତର ଘରୋଇ କ୍ଲିନିକ ମୁହାଁ ହେଉଥିବା ଅଭିଯୋଗ ହେଉଛି । ନିଜର ଡ୍ୟୂଟି ଠିକ ଭାବେ କାମ ନକରି ପ୍ରାୟ ସମୟରେ ଡାକ୍ତର କ୍ଲିନିକରେ ରହୁଛନ୍ତି । ଯାହା ଫଳରେ ରୋଗୀସେବା ବ୍ୟାଘାତ ହେଉଛି । ଡାକ୍ତର ମାନେ ନିଜର ଡ୍ୟୁଟି ଠିକ ଭାବେ କରିବେ ବୋଲି ରୋଗୀ କଲ୍ୟାଣ ସମିତି ପ୍ରଚେଷ୍ଟାରେ ବାୟୋମେଟ୍ରିକ ଲଗାଯାଇଛି । ଡାକ୍ତର ଡାକ୍ତରଖାନା ଆସିଲେ ଏବଂ ଡାକ୍ତରଖାନା ଛାଡିଲେ ନିଜ ଉପସ୍ଥାପନ ଦେବା କଥା କିନ୍ତୁ ଏହି ନିୟମକୁ ଡାକ୍ତର ମାନେ ବେଖାତିର କରୁଛନ୍ତି  ଯାହା ଫଳରେ  ବାୟୋମେଟ୍ରିକ ଖତ ଖାଉଛି । ରୋଗୀ କଲ୍ୟାଣ ସମିତିଙ୍କ ନିଷ୍ପତିକୁ ମଧ୍ୟ ଡାକ୍ତର ମାନେ ମାନୁ ନାହାନ୍ତି । ରୋଗୀ କଲ୍ୟାଣ ସମିତି ଡାକ୍ତରଖାନା ସମସ୍ୟା ଏବଂ ତାର ନିରାକରଣ ପାଇଁ ରହିଥାଏ । ହେଲେ କରୋନା ସମୟରେ ଗୋଟିଏ ଦୁଇଟି ବୈଠକ ପରେ ଆଜିଯାଏ କୌଣସି ବୈଠକ ଅନୁଷ୍ଠିତ ହୋଇନାହିଁ । ରୋଗୀ କଲ୍ୟାଣ ସମିତି ଡାକ୍ତରଖାନାରେ ନିଷ୍କ୍ରିୟ ହୋଇ ପଡି ରହିଛି । ବଲାଙ୍ଗିର ଜିଲ୍ଲା ମୁଖ୍ୟ ଚିକିତ୍ସା ଅଧିକାରିଙ୍କୁ ଡାକ୍ତରଖାନା ସମସ୍ୟାକୁ ନେଇ ଜନସାଧାରଣ ଅନେକ ସମୟରେ ଦୃଷ୍ଟି ଆକର୍ଷଣ କରି ଆସୁଥିଲେ ମଧ୍ୟ  ମୁଖ୍ୟ ଚିକିତ୍ସା ଅଧିକାରୀ ସମ୍ପୂର୍ଣ୍ଣ ଚୁପ୍ ।। କଂଟାବାଞ୍ଜି ଡାକ୍ତରଖାନାକୁ ଉପଖଣ୍ଡସ୍ତରିୟ ଡାକ୍ତରଖାନା ମାନ୍ୟତା ଦେବାକୁ ୨୦୧୭ ମସିହାରେ ପୁର୍ବତନ ବିଧାୟକ ଆୟୁବ ଖାଁ ସେହି ସମୟରେ ଥିବା ଜିଲ୍ଲାପାଳ, ଜିଲ୍ଲା ମୂଖ୍ୟ ଚିକିତ୍ସା ଅଧିକାରି ରାଜ୍ୟ ସରକାରଙ୍କୁ ପ୍ରସ୍ତାବ ଦେଇଥିଲେ ହେଲେ ଆଜିଯାଏ ରାଜ୍ୟ ସରକାର କୌଣସି ପଦକ୍ଷେପ ନେଇନାହାନ୍ତି । ଡାକ୍ତରଙ୍କ ଡ୍ୟୂଟି ଚାଟ ଡାକ୍ତରଙ୍କୁ ସୁହାଇଲା ଭଲି ତିଆରି କରାଯାଉଛି । ବଲାଙ୍ଗିର ଜିଲ୍ଲାପାଳ, ଉପଜିଲ୍ଲାପାଳ କଂଟାବାଞ୍ଜି ଡାକ୍ତରଖାନା ପରିଦର୍ଶନ କରୁଥିଲେ ମଧ୍ୟ ଡାକ୍ତର ମାନଙ୍କ ମନମୁଖୀ ଉପରେ ରୋକ ଲାଗୁନାହିଁ । କଂଟାବାଞ୍ଜି ଡାକ୍ତରଖାନା ଅବସ୍ଥା ସୁଧାର କରିବାକୁ ଓଡିଶା ମୁଖ୍ୟମନ୍ତ୍ରି, ସ୍ୱ୍ୟସ୍ଥାମନ୍ତ୍ରୀ ଓ ବଲାଙ୍ଗିର ଜିଲ୍ଲାପାଳ ଦୃଷ୍ଟି ଦେବାକୁ ସାଧାରଣରେ ଦାବୀ ହେଉଛି । 

XXOXXOXXXXOXXXXXXX.OXXX XXCXXOX

ପ୍ରଭଜିତ ସିଂ ସାଲୁଜା: (ରୋଗୀ କଲ୍ୟାଣ ସମିତି ସଦସ୍ୟ) 

କିଛି ଡାକ୍ତର ମାନଙ୍କ ମନମୁଖୀ ଏବଂ କାର୍ଯ୍ୟରେ ଅବହେଲା ଯୋଗୁ ରୋଗୀ ସେବା ବ୍ୟାଘତ ହେଉଛି । ଆଉଟଡୋର ଏବଂ ରାତି ସମୟରେ ହୋମିଓପାଥିକ, ଦନ୍ତ ଚିକିତ୍ସିକଙ୍କୁ ଡ୍ୟୂଟି ଦେଉଥିବା ବେଳେ ବିଶେଷଜ୍ଞ  ଡାକ୍ତର ମାନେ ନିଜ ମନମୁଖୀ କାମ କରୁଛନ୍ତି ।
 

ରୋହନ ମହତ: (ସଭାପତି, ଯୁବ ଆମ୍ବେଦକର ସଂଘ)

ଡାକ୍ତରଖାନାରେ ଥିବା ଡାକ୍ତର ସବୁ ସମୟରେ ଘରୋଇ କ୍ଲିନିକରେ ଅଧିକ ସମୟ ଦେଉଛନ୍ତି । ଯାହା ଫଳରେ ଏ ଅଂଚଳର ଆଦିବାସି, ଦଳିତ ଗରିବ ଶ୍ରେଣିର ଲୋକ ମାନେ ଡାକ୍ତରଖାନାୁ ଚିକିତ୍ସା ପାଇଁ ଯାଇ ନିରାଶ ହୋଇ ଶେଷରେ ଘରୋଇ କ୍ଲିନକକୁ ଯାଇ ଖର୍ଚ୍ଚାନ୍ତ ହେଉଛ