08-Jun-2021

କଣ୍ଟାବାଞ୍ଜି, (ଆନନ୍ଦ କୁମାର ମୋଟେ) : ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ମୁସଲିମ ଜମାତ ପକ୍ଷରୁ ନିଶୁଲ୍କ ଅକ୍ସିଜେନ ସେବା ଆରମ୍ଭ କରାଯାଇଛି । କଣ୍ଟାବାଞ୍ଜି ପୁର୍ବତନ ବିଧାୟକ ତଥା ମୁସଲିମ ଜମାତ ସଭାପତି ଆୟୁବ ଖାଁ ସଭାପତିତ୍ୱରେ ସ୍ଥାନିୟ ମସଜିତ ଠାରେ ଏନେଇ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କରୋନାରେ ସଂକ୍ରମିତ ରୋଗୀ ମାନେ ବିଶେଷ କରି ଅମ୍ଲଜାନ ନେବାରେ ସମସ୍ୟା ଦେଖାଯାଉଛି । ବର୍ତମାନ ସମୟରେ ଦାଦନ ଶ୍ରମିକ ମାନେ ନିଜ ଘରକୁ ଫେରୁଛନ୍ତି । ଏବେ ଗ୍ରାମାଂଚଳର ଲୋକେ ମାନେ କରୋନା ସଂକ୍ରମିତ ହୋଇଥିବା ଖବର ଆସୁଛି । ତେବେ ଏହି ସେବା ଏଭଲି ରୋଗୀ ମାନଙ୍କ ସେବାରେ ଆସିବ ବୋଲି ପୁର୍ବତନ ବିଧାୟକ ସୁଚନା ଦେଇଛନ୍ତି । ଏହି ସେବା କଣ୍ଟାବାଞ୍ଜି ନିର୍ବାଚନ ମଣ୍ଡଳିର ମୁରିବାହାଲ, ତୁରେକେଲା, ବଙ୍ଗୋମୁଣ୍ଡା ଅଂଚଳର ଲୋକଙ୍କ କାମରେ ଲଗାଯିବ ବୋଲି ଜଣାଯାଇଛି । ମୁସଲିମ ଜମାତ ସାଧାରଣ ସଂପାଦକ ମହମ୍ମଦ ସବ୍ୱିର ଖାଁ, କାର୍ଯ୍ୟକାରି ସଭାପତି ଅବଦୁଲ ତାହିର ଖାଁ, ଉପସଭାପତି ହାଜି ଅବଦୁଲ ଜବ୍ୱାର ପର୍‌ମାର, ୟୁଥ ମୁସଲିମ କମିଟି ସଭାପତି ଅବଦୁଲ ରଫିକ, ଉପସଭାପତି ମହମ୍ମଦ ଇମରାନ ଖାଁ ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ଥିବା ବେଳେ ସଂଯୋଜକ ଭାବେ ହାଜି କଲିମ ପାସା (୯୯୩୭୮୬୫୪୭୬) , ସହବାଜ ଖାଁ (୭୨୦୫୬୯୪୧୦୦), ରହିମ ମନିହାର (୯୬୫୮୮୮୮୮୦୬)  ରେ ଅକ୍ସିଜେନ ସେବା ପାଇଁ ସେବା କରିବାକୁ ଅନୁରୋଧ କରାଯାଇଛି ।