07-Jun-2021

ନୂଆପଡ଼ା (ପ୍ରେରଣା ଖବର) :ପ୍ରଶସ୍ତିକରଣ ହେବ ନୂଆପଡା ଜିଲ୍ଲାର ଘଟିପଡା-ସିନାପଲ୍ଲୀ ରାସ୍ତା । ବିଜୁ ଏକ୍ସପ୍ରେସୱେରେ ଅନ୍ତର୍ଭୁକ୍ତ ଥିବା ଏହି ରାଜପଥରର ପ୍ରଶସ୍ତୀକରଣ ପାଇଁ ୮୭.୭୭ କୋଟି ଟଙ୍କା ମଞ୍ଜୁର ହୋଇଛି । ପୂର୍ତ୍ତ ବିଭାଗ ପକ୍ଷରୁ କରାଯାଇଥିବା ଏହି ରାସ୍ତା ଲାଗି ଟଙ୍କା ମଞ୍ଜୁର କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏ ନେଇ ପୂର୍ତ୍ତ ବିଭାଗ ପକ୍ଷରୁ ସୂଚନା ଦିଆଯାଇଛି ।

52 କିଲୋମିଟରର ଏହି ରାସ୍ତା 4 ଥାକିଆ କରାଯିବ । ଏହି ରାସ୍ତାରେ ରହିବ ଇନ୍ଦ୍ରା ନଦୀ ଉପରେ ଦୁଇଟି ବ୍ରିଜ । ଗୋଟେ ବଡ଼ ଓ ଅନ୍ୟଟି ଛୋଟ । ଏହା ସହ ଏଥିରେ ରହିବ 36 ଟି ଜଙ୍କସନ । ଏହି ରାସ୍ତାର ପ୍ରଶସ୍ତିକରଣ ଓଡ଼ିଶାର ବାଣିଜ୍ୟ ଏବଂ ଗମନାଗମ କ୍ଷେତ୍ରକୁ ଅଧିକ ମଜବୁତ କରିବା ସହିତ ଅଞ୍ଚଳର ବିକାଶରେ ସହାୟକ ହେବ । 

ଏଭଳି ନିଷ୍ପତ୍ତି ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ଜିଲ୍ଲାର ଲୋକ ପ୍ରତିନିଧି ଓ ସାଧାରଣ ଲୋକ । ମୁଖ୍ୟମନ୍ତ୍ରୀ ଓ ରାଜ୍ୟ ସରକାରଙ୍କ ନିଷ୍ପତ୍ତି ସଦାସର୍ବଦା ଜିଲ୍ଲାର ଉନ୍ନତି ପାଇଁ ବୋଲି ଅଞ୍ଚଳବାସୀ କହିଛନ୍ତି ।