07-Jun-2021

 ବଲାଙ୍ଗିର (ପ୍ରେରଣା ଖବର) : ବଲାଙ୍ଗିର ଜ଼ିଲ୍ଲାରେ ରବି ଋତୁ ର ଧାନ କିଣା ବିକା ରେ ବ୍ୟାପକ ଅବ୍ୟବସ୍ଥା, ଅଦିନିଆ ବର୍ଷା ଯୋଗୁଁ ଚାଷୀଙ୍କ ଫସଲ ନଷ୍ଟ ଓ ଚାଷୀଙ୍କ ବିଭିନ୍ନ ସମସ୍ୟା ପ୍ରତି ଦୃଷ୍ଟି ଆକର୍ଷଣ କରି ଏ ସବୁ ତ୍ରୁଟି ରେ ତୁରନ୍ତ ସୁଧାର ଆଣିବାକୁ ଆଜି ବଲାଙ୍ଗିର ଜ଼ିଲ୍ଲା ବିଜେପି ଓ କୃଷକ ମୋର୍ଚା ଜିଲ୍ଲାପାଳ ଅଫିସ ଆଗରେ ବିକ୍ଷୋଭ କରିଥିଲେ  ଏବଂ ଜ଼ିଲ୍ଲାପାଳ ଚାଞ୍ଚଲ ରlଣାଙ୍କ ଜରିଆରେ ସାତ ଦଫା ଦାବି ନେଇ  ମୁଖ୍ୟମନ୍ତ୍ରୀଙ୍କୁ ଏକ ସ୍ମାରକ ପତ୍ର ପ୍ରଦାନ କରିଥିଲେ l ଗତ ଖରିଫ ଋତୁରେ ଧାନ କିଣାବିକାରେ ଘୋର ଅବ୍ୟବସ୍ଥା, ଦୀର୍ଘ ମାସ ମଣ୍ଡିରେ ଧାନ ପଡି ରହିବା ଓ ସରକାର ଚାଷୀଙ୍କ ଠାରୁ ଧାନ ନ କିଣିଵା ରୁ ଚାଷୀ ବାଧ୍ୟ ହୋଇ ଖୋଲା ବଜାରରେ ସାତ ଶହ ରୁ ଆଠ ଶହ ଟଙ୍କା ପର୍ଯ୍ୟନ୍ତ କ୍ଷତି ରେ ଧାନ ବିକ୍ରି କଲେ l ଏବେ ରବି ଋତୁରେ ମଧ୍ୟ ସେ ସମାନ ସ୍ଥିତି ଦେଖିବାକୁ ମିଳିଥିବା ଘଟଣା  ଖୁବ ଲଜ୍ଜା ଓ ପରୀତାପ ର ବିଷୟ ବୋଲି ବିଜେପି ଓ କୃଷକ ମୋର୍ଚା ପ୍ରକାଶ କରି ଆମ ଜନପ୍ରତିନିଧି ମାନଙ୍କ  ଓ ସରକାର ଙ୍କ ଅପାରଗତାକୁ ଦୃଢ଼ ସମାଲୋଚନା କରିଛନ୍ତି l ଚାଷୀ ବର୍ତ୍ତମାନ କଟନୀ  ଚ୍ଛଟନୀ ର ଶିକାର ହୋଇ ଏକ ଦୟନୀୟ ଅବସ୍ଥାରେ ରହିଛି l ପୁଣି କlଳବୈଶାଖୀର ତାଣ୍ଡବ ଚାଷୀ ପାଇଁ ବୋଝ ଉପରେ ନଳିତା ବିଡା ସଦୃଶ ହୋଇଛି l  ଆଗାମୀ ଦିନରେ ଚାଷୀକୁ ଉପଯୁକ୍ତ କ୍ଷତିପୁରଣ ପ୍ରଦାନ କରିବା ପାଇଁ ବିଜେପି ପକ୍ଷରୁ ରାଜ୍ୟ ସରକାରଙ୍କ ଠାରେ ଦାବି କରାଯାଇଛି l ଶିକ୍ଷା, ସ୍ୱାସ୍ଥ୍ୟ, ଓ କୃଷିର ବିକାଶ ସରକାରଙ୍କ ଏକ ମୌଳିକ ଦାଇତ୍ୱ ବୋଲି ଗୁରୁତ୍ୱ ଦେଇ ଯେମିତି ଅନ୍ୟ ରାଜ୍ୟ ଗୁଡିକ ଏ ସବୁ ବିଭାଗ ଗୁଡିକୁ  ସୁଚାରୁରୂପେ ପରିଚାଳନା କରୁଛନ୍ତି,  ଆମ ରାଜ୍ୟରେ  କିନ୍ତୁ ଅସୁବିଧା ରହୁଛି କେଉଁଠି ବୋଲି  ପ୍ରଶ୍ନ କରି ଅନ୍ୟ ରାଜ୍ୟରୁ କିଛି ଶିଖିବା ଉଚିତ ବୋଲି କହିଛନ୍ତି  l ଯଦି ସରକାର ଏସବୁ ଦାବି ଉପରେ ଶୀଘ୍ର ପଦକ୍ଷେପ ନ ନେବେ ତାହେଲେ ବିଜେପି ଓ କୃଷକ ମୋର୍ଚା ରାଜ୍ୟ ବ୍ୟାପି ଆନ୍ଦୋଳନ କରିବ ବୋଲି ଚେତାବନୀ ଦେଇଛନ୍ତି l ଆଜିର ବିକ୍ଷୋଭ ସମାବେଶରେ ପାଟଣାଗଡ ର ପୂର୍ବତନ ବିଧାୟକ କନକ ବର୍ଦ୍ଧନ ସିଂହଦେଓ, ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗ, ରାଜ୍ୟ କୃଷକ ମୋର୍ଚ୍ଚା ସାଧାରଣ ସମ୍ପାଦକ ଲକ୍ଷ୍ମଣ ବାଗ. ସଭାପତି ମାଧବ ସାହେ, ବିଜେପି ନେତା ଅନନ୍ତ ଦାସ. ପାଟଣାଗଡ଼ ବ୍ଲକ ଅଧ୍ୟକ୍ଷ ଭକ୍ତ ବନ୍ଧୁ ନାଏକ, ରାଜ୍ୟ ସେବା ଦଳର ଦିନେଶ ଶର୍ମl, ବିଜେପି ଜିଲ୍ଳା ସାଧାରଣ ସମ୍ପାଦକ ଅମିତ ସିଂହ ନୀନା, ଜିଲ୍ଲା ପରିଷଦ ସଭ୍ୟ ରାଜକିଶୋର ନାୟକ, ସୁନୀଲ ମିଶ୍ର ପ୍ରମୁଖ ଉପସ୍ଥିତ ଥିଲେ l