07-Jun-2021

ସୋନପୁର(ମନୋରଞ୍ଜନ ତ୍ରିପାଠୀ) :ସୁବର୍ଣ୍ଣପୁର ଜ଼ିଲ୍ଲା ରେ ରବି ଋତୁ ର ଧାନ କିଣା ବିକା ରେ ବ୍ୟାପକ ଅବ୍ୟବସ୍ଥା, ଅଦିନିଆ ବର୍ଷା ଯୋଗୁଁ ଚାଷୀ ଙ୍କ ଫସଲ ନଷ୍ଟ ଓ ଚାଷୀଙ୍କ ବିଭିନ୍ନ ସମସ୍ୟା ପ୍ରତି ଦୃଷ୍ଟି ଆକର୍ଷଣ କରି ଏ ସବୁ ତ୍ରୁଟି ରେ ତୁରନ୍ତ ସୁଧାର ଆଣିବାକୁ ଆଜି ସୁବର୍ଣ୍ଣପୁର ଜ଼ିଲ୍ଲା ବିଜେପି ଓ କୃଷକ ମୋର୍ଚା ଜ଼ିଲ୍ଲାପାଳ ଅଫିସ ଆଗରେ ବିକ୍ଷୋଭ କରିଥିଲେ l  ଏବଂ   ଜ଼ିଲ୍ଲାପାଳ  ମୋନିସା ବାନାର୍ଜୀ ଙ୍କ ଜରିଆରେ ସାତ ଦଫା ଦାବି ନେଇ  ମୁଖ୍ୟମନ୍ତ୍ରୀ ଙ୍କୁ ଏକ ସ୍ମାରକ ପତ୍ର ପ୍ରଦାନ କରିଥିଲେ l ଗତ ଖରିଫ ଋତୁ ରେ ଧାନ କିଣା ବିକା ରେ ଘୋର ଅବ୍ୟବସ୍ଥା, ଦୀର୍ଘ ମାସ ମଣ୍ଡି ରେ ଧାନ ପଡି ରହିବା, ଓ ସରକାର ଚାଷୀ ଙ୍କ ଠାରୁ ଧାନ ନ କିଣିଵା ରୁ ଚାଷୀ ବାଧ୍ୟ ହୋଇ ଖୋଲା ବଜାର ରେ ସାତ ଶହ ରୁ ଆଠ ଶହ ଟଙ୍କା ପର୍ଯ୍ୟନ୍ତ କ୍ଷତି ରେ ଧାନ ବିକ୍ରି କଲେ l ଏବେ ରବି ଋତୁରେ ମଧ୍ୟ ସେ ସମାନ ସ୍ଥିତି ଦେଖିବାକୁ ମିଳିଥିବା ଘଟଣା  ଖୁବ ଲଜ୍ଜା ଓ ପରୀତାପ ର ବିଷୟ ବୋଲି ବିଜେପି ଓ କୃଷକ ମୋର୍ଚା ପ୍ରକାଶ କରି ଆମ ଜନପ୍ରତିନିଧି ମାନଙ୍କ  ଓ ସରକାର ଙ୍କ ଅପାରଗତା କୁ ଦୃଢ଼ ସମାଲୋଚନା କରିଛନ୍ତି lଏବଂ ଶିକ୍ଷା, ସ୍ୱାସ୍ଥ୍ୟ, ଓ କୃଷି ର ବିକାଶ ସରକାର ଙ୍କ ଏକ ମୌଳିକ ଦାଇତ୍ୱ ବୋଲି ଗୁରୁତ୍ୱ ଦେଇ ଯେମିତି ଅନ୍ୟ ରାଜ୍ୟ ଗୁଡିକ ଏ ସବୁ ବିଭାଗ ଗୁଡିକୁ  ସୁଚାରୁରୂପେ ପରିଚାଳନା କରୁଛନ୍ତି,  ଆମ ରାଜ୍ୟ ରେ  କିନ୍ତୁ ଅସୁବିଧା ରହୁଛି କେଉଁଠି ବୋଲି  ପ୍ରଶ୍ନ କରି ଅନ୍ୟ ରାଜ୍ୟ ରୁ କିଛି ଶିଖିବା ଉଚିତ ବୋଲି କହିଛନ୍ତି l ଓ  ନବୀନ  ସରକାର ବୋଧହୁଏ  ପ୍ରତ୍ୟକ୍ଷ ଭାବେ ନିଜେ କିଛି ରାଜ୍ୟ ର ସମସ୍ୟା ବୁଝୁ ନାହାନ୍ତି ବୋଲି କୃଷକ ମାନେ ମତ ରଖିଛନ୍ତି l ଯଦି ସରକାର ଏସବୁ ଦାବି ଉପରେ ଶୀଘ୍ର ପଦକ୍ଷେପ ନ ନେବେ ତାହେଲେ ବିଜେପି ଓ କୃଷକ ମୋର୍ଚା ରାଜ୍ୟ ବ୍ୟାପି ଆନ୍ଦୋଳନ କରିବ ବୋଲି ଚେତାବନୀ ଦେଇଛନ୍ତି l