01-Jun-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) :ସୁବର୍ଣ୍ଣପୁର ଜିଲ୍ଲା ପ୍ରଶାସନ ଓ ଜିଲ୍ଲା ସ୍ୱାସ୍ଥ୍ୟ ବିଭାଗ  ତରଫରୁ ଜିଲ୍ଲାରେ କେବଳ  ଦ୍ଵିତୀୟ ଡୋଜ ନେବାକୁ ଥିବା 45 ବର୍ଷ ଓ ତଦୁର୍ଧ୍ୱ ବୟସ୍କ  ଯେଉଁମାନଙ୍କ ପ୍ରଥମ ଡୋଜ ଟୀକା ନେବାର 84ଦିନ ସମ୍ପୂର୍ଣ୍ଣ ହୋଇ ସାରିଥିବ ସେହି ହିତାଧିକାରୀଙ୍କୁ 

ତା 02/06/21ରେ  ଜିଲ୍ଲାର ବିଭିନ୍ନ  ବ୍ଲକ ଅନ୍ତର୍ଗତ ବ୍ୟବସ୍ଥିତ 05 ଗୋଟି  ଟୀକାକେନ୍ଦ୍ରରେ ଟୀକାପ୍ରଦାନ କରାଯିବ  l ଏହି ପରିପ୍ରେକ୍ଷୀରେ ଆସନ୍ତା ଦୁଇ ତାରିଖରେ ବୀରମହାରାଜପୁର ବ୍ଲକର କେନଝରିଆପାଲି -ଉପକେନ୍ଦ୍ର,  ବିନିକା ବ୍ଲକ ର ବିନିକା- ସିଏଚସି, ଡୁଙ୍ଗୁରିପାଲି ବ୍ଲକ ଅନ୍ତର୍ଗତ 
ପଣ୍ଡକିଟାଲ -ପ୍ରାଥମିକ ବିଦ୍ୟାଳୟ ,  ସୋନପୁର ବ୍ଲକର ଲଛିପୁର-ପିଏଚସି, ଏବଂ ଉଲୁଣ୍ଡା ବ୍ଲକ ଅନ୍ତର୍ଗତ ଚଡ଼େଇଁପଙ୍କ-ଉପକେନ୍ଦ୍ର ଟୀକାକେନ୍ଦ୍ରରେ  ଟୀକାକରଣ ଚାଲୁରହିବ l  
ଉକ୍ତ ଦିନ ଗୁଡିକରେ ଟୀକା ର ତତ୍କାଳ ମହଜୁଦକୁ ଦୃଷ୍ଟିରେ ରଖି ସକାଳ 8 ଘଣ୍ଟା ରୁ 9 ଘଣ୍ଟା ମଧ୍ୟରେ 45 ବର୍ଷରୁ ଉର୍ଦ୍ଧ ଙ୍କୁ ପ୍ରଥମ ଡୋଜ ଟୀକାକରଣ ପାଇଁ  ଓ ଯୋଗ୍ୟ ହିତାଧିକାରୀଙ୍କୁ ଦ୍ଵିତୀୟ ଡୋଜ ଟୀକାକରଣ ନିମନ୍ତେ ଟୀକାକେନ୍ଦ୍ର ଠାରେ ବ୍ୟକ୍ତିଗତ ଟୋକନ ପ୍ରଦାନ କରାଯିବ, ଯେଉଁମାନେ ଟୋକନସଂଗ୍ରହ କରିଥିବେ ସେମାନେ  ନିର୍ଦ୍ଧାରିତ ସମୟରେ ଉଦ୍ଧିଷ୍ଟ ଟୀକାକରଣ କେନ୍ଦ୍ରକୁ ପହଂଚି ଟୀକା ଗ୍ରହଣ କରିବେ l ବିନା କୌଣସି ସୂଚନା ରେ ଟୀକାକେନ୍ଦ୍ର କୁ ଯାଇ ହଇରାଣ ନ ହେବା କିମ୍ବା କେନ୍ଦ୍ର ରେ ଅଯଥାରେ ଭିଡ଼ ନ କରିବାକୁ ସ୍ୱାସ୍ଥ୍ୟ ବିଭାଗ ତରଫରୁ ଅନୁରୋଧ କରାଯିବା ସହ ଯେତେବେଳେ ଯାହାର ପାଳି ଆସୁଛି ସେମାନେ କେବଳ କେନ୍ଦ୍ରକୁ ଆସିବାକୁ ପରାମର୍ଶ ଦିଆଯାଉଛି l ଏହି ଟୀକାକରଣ ସକାଳ 08 ରୁ ଅପରାହ୍ନ 12 ଘଂ ଓ ଅପରାହ୍ନ 03 ରୁ ସନ୍ଧ୍ୟା 06 ଘଣ୍ଟା ପର୍ଯ୍ୟନ୍ତ ଚାଲୁ ରହିବ l