25-May-2021

ମାହାଙ୍ଗା (ପ୍ରେରଣା ଖବର ବ୍ୟୁରୋ) ଗତ ୨୨ ତାରିଖ ଦିନ ମାହାଙ୍ଗା ତହସିଲ ର ଏକ ଟିମ। ବିରୂପା ନଦୀର ରାମଚନ୍ଦ୍ର ପୁର ଠାରେ ବେଆଇନ୍ ବାଲିବୋଝେଇ ଟ୍ରାକ୍ଟର ଜବତ କରିଥିବା ବେଳ ତହସିଲଦାର ଓ ପୋଲିସ ଉପସ୍ଥିିରେ ବାଗସର ପୁର ଗ୍ରାମର ଟ୍ରାକ୍ଟର ମାଲିକ ତାଙ୍କ ଦୁଇ ପୁଅ ସମେତ ୩୦ ରୁ ଊର୍ଦ୍ଧ୍ବ ବ୍ୟକ୍ତି  ଏହି ଟିମ ରେ ସାମିଲ ଥିବା ମାହାଙ୍ଗା ri ଗଣେଶ୍ୱର ହେମରମ ଙ୍କ ଉପରେ ସଂଗବଧ ମାରଣନ୍ତକ ଆକ୍ରମଣ କରିଥିଲେ। ଏହି ଘଟଣା ନେଇ  ଆକ୍ରମଣର ଶିକାର ହୋଇଥିବା ଆର୍ ଆଇ ମହାଶୟ ତହସିଲଦାରଙ୍କୁ ଲିଖିତ ଅଭିଯୋଗ କରିଥିଲେ। ମାହାଙ୍ଗା ତହସିଲଦାର ମଧୁସୂଦନ ନାୟକ ନିଜ ତରଫରୁ  ଏକ ଅଭିଯୋଗ ମାହାଙ୍ଗା ଥାନାରେ କରିବା ସହ ଜିଲ୍ଲାପାଳ ଓ ଉପଜିଲ୍ଲପାଳଙ୍କ ନିକଟକୁ  ଅଭିଯୋଗର ନକଲ ପଠାଇଥିଲେ। କିନ୍ତୁ ଉକ୍ତ ଦିନ ରାତିରେ ତହସିଲଦାର ଶ୍ରୀ ନାୟକ ଆକ୍ରମଣର ଶିକାର ହୋଇଥିବା ଆର୍ ଆଇ ଙ୍କୁ ନପଚାରି  ତହସିଲଦାର ଦେଇଥିବା ଅଭିଯୋଗ ଟିକୁ ବଦଳାଇ ଦେଇଥିଲେ। ଏପରିକି ତହସିଲଦାର ଆର୍ ଆଇ  ଶ୍ରୀ ହେମ୍ରମ ଙ୍କୁ ତାଙ୍କ ଅଭିଯୋଗ ନବଦଳାଇଲେ ଅସୁବିଧାରେ ପଡ଼ିବ ବୋଲି ଧମକ ଦେବା ଭଳି ସାଙ୍ଗାତିକ ଅଭିଯୋଗ ଆସିଛି। ଏପରିକି ମାହାଙ୍ଗା ଥାନାରୁ ଏଫ୍ ଆଇ ଆର୍ କପି ଆସିଲା ପରେ ତହସିଲଦାର ଦେଇଥିବା ଅଭିଯୋଗ ବଦଳା ଯାଇଥିବା ଘଟଣା ଜଣାପଡ଼ିବା ପରେ ଆଜି ମାହାଙ୍ଗା ଆର୍ ଆଇ ସଂଘ ପକ୍ଷରୁ ତହସିଲଦାରଙ୍କୁ ଏନେଇ ଘେରିବା ସହ ତାଙ୍କ ଉପରେ ବର୍ଷିଥିଲେ। ଏପରିକି ତୁରନ୍ତ  ଅଭିଯୁକ୍ତ ମାନଙ୍କୁ ଗିରଫ କରିବା ପାଇଁ ଏକ ଦାବିପତ୍ର ଦେଇଥିଲେ। ଅଭିଯୋଗ ବଦଳାଇବା ଘଟଣାର ତଦନ୍ତ ଏବଂ ଅନ୍ୟ ଅଭିଯୁକ୍ତ ମାନଙ୍କୁ ଗିରଫ କରାନଗଲେ ଜନସାଧାରଣଙ୍କ ସ୍ବାର୍ଥ ଦୃଷ୍ଟିରୁ ଆସୁଥିବା ବାତ୍ୟା ବିପତି ସମୟରେ ସହଯୋଗ କରିବେ।କିନ୍ତୁ ବାତ୍ୟା ପରେ ଆନ୍ଦୋଳନାତ୍ମକ ପନ୍ଥା ଗ୍ରହଣ କରାଯିବ ବୋଲି ଶ୍ରୀ ହେମ୍ରମ ସୂଚନା ଦେଇଛନ୍ତି।