25-May-2021

ବଲାଙ୍ଗିର (ସନ୍ତୋଷ କୁମାର ଠାକୁର) : କରୋନା ମହାମାରୀ ସମୟରେ ଆମ ଆଦମୀ ପାର୍ଟି ପକ୍ଷରୁ ଏକ ନିଆରା ସାମାଜିକ କାର୍ଯ୍ୟକ୍ରମ ହାତକୁ ନିଆଯାଇଛି । ଗ୍ରାମାଞ୍ଚଳର ଅସହାୟ ବୃଦ୍ଧ ବ୍ୟକ୍ତିଙ୍କ ମୁହଁରେ ହସ ଫୁଟାଇଛନ୍ତି ଆମ୍ ଆଦମୀ ପାର୍ଟି ର କର୍ମକର୍ତ୍ତା ମାନେ । ଗତ କାଲି ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ଅନ୍ତର୍ଗତ ଫଟାମୁଣ୍ଡା ଗାଁରେ ପାର୍ଟି ପକ୍ଷରୁ ରନ୍ଧା ଖାଦ୍ୟ ଓ ସାବୁନ ବଣ୍ଟନ କରାଯାଇଥିଲା ।  ବଲାଙ୍ଗିର ଆମ୍ ଆଦମୀ ପାର୍ଟି ତରଫରୁ ମଧ୍ୟାହ୍ନରେ ପଚାଶ ରୁ ଉର୍ଦ୍ଧ ବୃଦ୍ଧ ଓ ବୃଦ୍ଧାଙ୍କୁ ହାତ ଧୋଇବା ପାଇଁ ଗୋଟିଏ ଲେଖାଁଏ ସାବୁନ୍ ଏବଂ ରନ୍ଧା ଖାଦ୍ୟ ଦିଆ ଯାଇଥିଲା। ଲୋକ ମlନଙ୍କୁ ଖlଇବା ପାର୍ସଲ  ଦିଆ ଯିବା ସହ କିଛି ଲୋକଙ୍କୁ ସାମାଜିକ ଦୂରତା ଅବଲମ୍ବନ କରି ରନ୍ଧା ଖାଦ୍ୟ ବଣ୍ଟନ ବ୍ୟବସ୍ଥା କରାଯାଇ ଥିଲା । କୋଭିଡ଼ ମହାମାରୀ ସମୟରେ  ଅସହାୟ ଲୋକଙ୍କୁ ଏଭଲି ସହଯୋଗ ର ହାତ ବଢ଼ାଇ ସାହାଯ୍ୟ କରିବାକୁ ବଲାଙ୍ଗୀର ଆମ ଆଦମୀ ପାର୍ଟି ଆଗେଇ ଆସିବ ବୋଲି ସଭାପତି ଆଶିଷ ପାଣ୍ଡେ କହିଛନ୍ତି। ଏହି ମହତ କାର୍ଯ୍ୟରେ ଆମ ଆଦମୀ ପାର୍ଟି ର ସଦସ୍ୟ ତଥା ଗ୍ରାମବାସୀ ବୃନ୍ଦ ସହଯୋଗ କରିଥିଲେ।