24-May-2021

ବଲାଙ୍ଗିର, (ପ୍ରେରଣା ଖବର): ଅଖିଳ ଭାରତୀୟ ଗରାହକ ପଂଚାୟତ ଓଡିଶା ପୂର୍ବ ଓ ପଶ୍ଚିମ ପ୍ରାନ୍ତୀୟ ସଂଯୁକ୍ତ ବୈଠକ ଭର୍ଚୁଏଲ ମୋଡରେ ଅନୁଷ୍ଠିତ ହୋଇଥିଲା । ଏଥିରେ ସର୍ବ ଭାରତୀୟ ଅଧ୍ୟକ୍ଷ ମାନନୀୟ ନାରାୟଣ ସାହା ଯୋଗ ଦେଇ ଏହି କୋଭିଡ୍ ୧୯ କରୋନା ମହାତ୍ମ ରୀ କାଳରେ ଅଖିଳ ଭାରତୀୟ ଗ୍ରାହାକ ପଂଚାୟତ ଜିଲ୍ଲା ଗୁଡିକରେ କାର୍ଯ୍ୟରତ କର୍ମକର୍ତ୍ତାମାନେ ଜିଲ୍ଲା ପ୍ରଶାସନ ସହ ସଂପର୍କ ରକ୍ଷା କରି ସହଯୋଗର ହାତ ବଢାଇବା ପାଇଁ ପରାମର୍ଶ ଦେଇଥିଲେ । ପଂଚାୟତର କାର୍ଯ୍ୟରେ ମହିଳାମାନଙ୍କର ବିଶେଷ ଯୋଗଦାନ ରହିଛି । ତେଣୁ ଆଗକୁ ଅଧିକ ରୁ ଅଧିକ ସଂଖ୍ୟକ ମହିଳାମାନଙ୍କୁ ସାମିଲ କରିବା ପାଇଁ ସେ କହିଥିଲେ । ନୂତନ ସଂଶୋଧିତ ୨୦୧୯ ଉପଭୋକ୍ତା ସଂରକ୍ଷିତ ଆଇନ ଲାଗୁ 

ହେଲା ପରେ ଏହି ଆଇନରେ ଉପଭୋକ୍ତା ମାନଙ୍କର କ୍ଷମତା ବୃଦ୍ଧି ପାଇଛି । ଏହି ଆଇନ ସଦ୍ ବିନିଯୋଗ କରି ଉପଭୋକ୍ତା ମାନଙ୍କୁ ଅଧିକରୁ ଅଧିକ ଲାଭ ପହଞ୍ଚାଇବା ଦିଗରେ ଗ୍ରାହକ ପଂଚାୟତ ତରଫରୁ ଅଧିକ ସଚେତନତା ବୃଦ୍ଧି କରିବାକୁ ଶ୍ରୀ ସାହା ପରାମର୍ଶ ଦେଇଥିଲେ । ଏଥିରେ କେନ୍ଦ୍ରୀୟ କାର୍ଯ୍ୟକାରିଣୀ ସଦସ୍ୟ ରବିନ୍ଦ୍ର ସୌଲଙ୍କେ ଯୋଗଦେଇ ସଂଗଠନ ସଂପର୍କରେ ମାର୍ଗଦର୍ଶନ କରିଥିଲେ । କେନ୍ଦ୍ର କାର୍ଯ୍ୟକାରିଣୀ ସଦସ୍ୟ ତଥା ଓଡିଶା ପଶ୍ଚିମ ପ୍ରାନ୍ତ ଅଧ୍ୟକ୍ଷ ରାଧାମାଧବ ବହିଦାର  କରୋନା କାଳରେ ରୋଗରେ ନପଡିବା ସହ ରୋଗ ପ୍ରତିଷେଧକ ବୃଦ୍ଧି ପାଇଁ ଯୋଗ, ପ୍ରାଣାୟମ ସମେତ ଆୟୁର୍ବେଦିକ ଔଷଧ ଓ  ଘରୋଇ ଉପଚାର ମାଧ୍ୟମରେ କ୍ଷମତା ବୃଦ୍ଧି ପାଇଁ ସେ ପରାମର୍ଶ ଦେଇଥିଲେ । ପ୍ରାନ୍ତୀୟ ସଂପାଦକ ମାଣିକଲାଲ ବର୍ମା ସମ୍ବଲପୁର ରେଳ ମଣ୍ଡଳ ଅଧିନରେ ଥିବା ଷ୍ଟେସନ ଗୁଡିକରେ ବର୍ଷ ବର୍ଷ ଧରି ପିଆରଏସ୍ ଓ ୟୁଟିଏସ୍ କାଉଣ୍ଟର ଗୁଡିକରେ ଟିକଟ ବିବରଣୀ ଦର୍ଶିତା ଫଳକ ନ ଥିବା ଯୋଗୁଁ ସାଧାରଣ ଯାତ୍ରୀମାନେ ଅସୁବିଧାର ସମ୍ମୁଖିନ ହେଉଛନ୍ତି । ତେଣୁ ଅନ୍ୟନ୍ୟ ଷ୍ଟେସନମାନଙ୍କ ଭଳି ସମ୍ବଲପୁର ରେଳ ମଣ୍ଡଳ ଅଧିନରେ ଥିବା ଷ୍ଟେସନ ଗୁଡିକରେ ଏହା ଶିଘ୍ର ଲଗାଇବାକୁ ପ୍ରସ୍ତାବ ଦେଇଥିଲେ ।  ଆଲୋଚନା ପରେ ଏହା ଗ୍ରହଣ କରାଯାଇ ସମ୍ବଲପୁର ରେଳ ମଣ୍ଡଳ ପ୍ରବନ୍ଧକ ଏ ଦିଗରେ କାର୍ଯ୍ୟନୁଷ୍ଠାନ ଗ୍ରହଣ କରିବା ପାଇଁ ପ୍ରସ୍ତାବ ଦିଆଯାଇଥିଲା । ଏହି ବୈଠକରେ ପୂର୍ବାଞ୍ଚଳ ସଂଗଠନ ସଂପାଦକ ରାମଚନ୍ଦ୍ର ସ୍ୱାଇଁ ଉପସ୍ଥିତ ଥିଲେ ।

ସମସ୍ତ ସଭା କାର୍ଯ୍ୟ ପଶ୍ଚିମ ପ୍ରାନ୍ତୀୟ ସଂପାଦକ ବଦ୍ରୀନାରାୟଣ ମହାରଣା ପରିଚାଳନା କରିଥିଲେ । ଏହି ବୈଠକରେ ବଲାଙ୍ଗିର ଜିଲ୍ଲା ସଭାପତି ଗୋପବନ୍ଧୁ ଶତପଥି, ଇଂ. କିଶୋର ମୋହନ ମିଶ୍ର, ଗୋବର୍ଦ୍ଧନ ପାଣ୍ଡିଆ, ଅଚ୍ୟୁତାନନ୍ଦ ଉଦ୍‌ଗାତା, ଅଶୋକ କୁମାର ମିଶ୍ର, ବିଶ୍ୱନାଥ ତ୍ରିପାଠି, ଜୟକୃଷ୍ଣ ସାହୁ, ବିନୋଦ କାଲସାଏ, ମଗନଲାଲ ଅଗ୍ରୱାଲ, ନବକୃଷ୍ଣ ପଟେଲ, ବିବେକ ରଥଙ୍କ ସମେତ ମହିଳା କାର୍ଯ୍ୟକର୍ତ୍ତା ମାଳତି ଉଦ୍‌ଗାତା, କୁସୁମ ଶତପଥି, ବିଣାପାଣି ଆଚାର୍ଯ୍ୟ, ଜ୍ୟୋତି ମିଶ୍ର, କବିତା ମିଶ୍ର, ତପସ୍ମିନୀ ପଶାୟତ, ନିହାରିକା ମିଶ୍ର, କସ୍ତୁରୀ ରଥ, ରଂଜିତା ମିଶ୍ର, ସରୋଜା ମାଝୀ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।