20-May-2021

ଉଲୁଣ୍ଡା(ଗୌର ଚନ୍ଦ୍ର ପରିଛା)-ଉଲୁଣ୍ଡା ବ୍ଲକ ଧର୍ମସାଳା ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ ହେମନ୍ତ ରଣାଙ୍କ ବିୟୋଗରେ  ଜିଲ୍ଲା ଜୁନିୟର ରେଡକ୍ରସ  ପକ୍ଷରୁ ଏକ ଶୋକଶଭା ୱେବିନାର ମାଧ୍ୟମରେ ଅନୁଷ୍ଠିତ ହୋଇଯାଇଛି । ପ୍ରକାଶ ଯେ ହେମନ୍ତ କିଛି ଦିନ ହେବ କରୋନାରେ ଆକ୍ରାନ୍ତ ହୋଇ ବଲାଙ୍ଗିର ଦାକ୍ତରଖାନାରେ ଚିକିତ୍ସାଧିନ ଥିଲେ । ଗତ ୧୩ ତାରିଖ ଦିନ ତାଙ୍କର ମୃତ୍ୟୁ ହୋଇଥିଲା । ହେଲେ ସେ ଦୁଃଖ ତାଙ୍କ ପରିବାର ଲୋକେ ଭୁଲିନଥିବା ବେଲେ ଗତକାଲି ତାଙ୍କ ମାଁଙ୍କ ମଧ୍ୟ କରୋନାରେ ମୃତ୍ୟୁ ଘଟିଥିଲା । ଏହି ଅବଶରରେ ଜିଲ୍ଲା ଜୁନିୟର ରେଡକ୍ରସ ଅଫିସର ରବିଚନ୍ଦ୍ର ପଶାୟତଙ୍କ ସଂଯୋଜନାରେ ଆୟୋଜିତ ଶୋକ ସଭାରେ  ରେଡକ୍ରସର ଉପସଭାପତି ଗତିକୃଷ୍ଣ ମିଶ୍ର ସଭାପତିତ୍ୱ କରିଥିଲେ । ଏଥିରେ ଜିଲ୍ଲା ସଂପାଦକ  ହିମାଂଶୁ କର, ବରିଷ୍ଠ ସାଧନ କର୍ମୀ ସୁରେଶ ପଧାନ, ଧର୍ମଶାଲା ବିଦ୍ୟାଳୟର ପ୍ରଧାନ ଶିକ୍ଷକ ଲୋକନାଥ ମେହେର ଯୋଗଦେଇ ସ୍ୱର୍ଗତ ରଣାଙ୍କ ଉଦ୍ୟେଶ୍ୟରେ ଦୁଇ ମିନଟ ନରବ ପ୍ରାର୍ଥନା କରିଥିଲେ । ବିଶେଷକରି ସ୍ୱର୍ଗତ ରଣାଙ୍କ  ଅଷ୍ଟମ ଶ୍ରେଣୀରେ ପଢୂଥିବା କନିଷ୍ଠ କନ୍ୟାର ପାଠ ପଢାଠୁ ଆରମ୍ଭ କରି ରହିବା, ଖାଇବା ସମେତ ସୋନପୁର ସାହାରା ଟ୍ରଷ୍ଟ ଉଚ୍ଚ ବିଦ୍ୟାଳୟରେ ଦଶମ ଶ୍ରେଣୀ ପର୍ଯ୍ୟନ୍ତ ପଢାଇବା ପାଇଁ ସମସ୍ତ ଖର୍ଚ ବହନ କରିବେ ବୋଲି  ଗତିକୃଷ୍ଣ ମିଶ୍ର ପ୍ରତିଶୃତି ଦେଇଥିଲେ । ଅନ୍ୟମାନଙ୍କ ମଧ୍ୟରେ  ଚନ୍ଦ୍ରମଣୀ ବାଘ, ପ୍ରହଲ୍ଲାଦ ନାଏକ, ସସ୍ମିତା ସାହୁ, ଅନୁପ୍ରୀୟା ମିଶ୍ର, ଗୋପେଶ ପଣ୍ଡା, ଜଗଦିସ ଦାସ ପ୍ରମୁଖ ଉପସ୍ଥିତ ଥିଲେ । ହୃଷିକେଶ ଚାନ୍ଦ ଧନ୍ୟବାଦ ଦେଇଥିଲେ ।