19-May-2021

ବଲାଙ୍ଗୀର(ପ୍ରେରଣା ଖବର)- ବର୍ତ୍ତମାନ କରୋନା ମହାମାରୀର ପ୍ରକୋପ ଓ ଲକ୍‌ଡାଉନ, ସଟ୍‌ଡାଉନ ମଧ୍ୟରେ ମଣିଷ ଘାଂଟି ଚକଟି ହେଉଥିବା ବେଳେ ଲୋକଙ୍କୁ ମନୋରଂଜନର କିଛି ଖୋରାକ ଯୋଗାଇଛି ୟୁଟୁଭ୍ ସର୍ଟ ଭର୍ସନ ଫିଲ୍ମ ସବୁ । ଦୀର୍ଘ ଦିନ ହେଲା ସାରା ଦେଶରେ ସିନେମା ହଲ ସବୁ ଗୁଡିକରେ ତାଲା ଝୁଲୁଥିବା ବେଳେ ଏପରି ୟୁଟୁଭ ଭର୍ସନ ସର୍ଟ ଫିଲ୍ମ ଗୁଡିକ ସୋସିଆଲ ମିଡିଆରେ ବେଶ ଚହଳ ପକାଇବାରେ ଲାଗିଛି । ଏହି କ୍ରମରେ ବଲାଙ୍ଗୀରରେ କୋସଲୀ ଭାଷାରେ  ନିର୍ମାଣ ହୋଇଛି ପ୍ରେମ କଥା ଉପରେ ପର୍ଯ୍ୟାବେଷିତ ଏକ ସର୍ଟ ଫିଲ୍ମ ‘ପ୍ରେମ କାଣା ଜାନେ ଧନୀ ଗରିବ’ । ସ୍ଵସ୍ତିକ ପ୍ରଡକ୍ସନ ନିବେଦିତ ଏହି ଫିଲ୍ମର ପ୍ରଯୋଜନା ଦାୟିତ୍ଵ ଅଭିନେତ୍ରୀ ଅନୀତା ଦାସ ତ୍ରିପାଠୀ ସମ୍ଭାଳି ଥିବା ବେଳେ ନିକଟରେ ଏହାର ପ୍ରମୋ  ସୋସିଆଲ ମିଡିଆରେ ଭାଇରାଲ ହେବା ସହ ଏକ ରୋମାଣ୍ଟିକ ଗୀତକୁ ଦର୍ଶକ ପସନ୍ଦ କରିଛନ୍ତି । ଆଜି ସଂଧ୍ୟରେ ଏହି ସର୍ଟ ଫିଲ୍ମ ମୁକ୍ତିଲାଭ କରିବ ବୋଲି ଜଣାପଡିଛି । କରୋନା ମହାମାରୀ ଜନିତ ଲକ୍‌ଡାଉନ୍ ଯୋଗୁଁ ଭର୍ଚୁଆଲ ମୋଡରେ ଏହି ସର୍ଟ ଫିଲ୍ମ ରିଲିଜ ହେବ ବୋଲି ଜଣାପଡିଛି । ଏହି ଫିଲ୍ମରେ ମୁଖ୍ୟ ଭୂମିକାରେ ଅନୀତା ଦାସ ତ୍ରିପାଠୀ, ଗୋବର୍ଦ୍ଧନ ଭୋଇ, ଲୋପନ ମିଶ୍ର , ନାସିର ଖାନ୍‌(ଖଳନାୟକ), ବର୍ଷା ରଥ(ମୁଖ୍ୟ ଅଭିନେତ୍ରୀ) ଓ ଭିକି ପ୍ରମୁଖ ଅଭିନୟ କରୁଛନ୍ତି । ସୁରେଶ ଭୋଇ ଏହି ଫିଲ୍ମର ନିର୍ଦ୍ଦେଶକ ରହିଥିବା ବେଳେ ଏହା ସାଧାରଣ ଦର୍ଶକଙ୍କୁ ଭରପୁର ମନୋରଂଜନ ଯୋଗାଇବ ବୋଲି ପ୍ରଯୋଜକ ସୂତ୍ରରୁ ପ୍ରକାଶ ।