19-May-2021

ମାହାଙ୍ଗା:କଟକ ଜିଲ୍ଲା ମାହାଙ୍ଗା ବ୍ଲକ ଅନ୍ତର୍ଗତ ଗୋକୁଳ,ଓଷଙ୍ଗ ଦୁଇଟି ପଞ୍ଚାୟତ ର ଗୋକୁଳ,ଆଳୁଲଟା,ବଇଁଚୁଆ ଏହି ତିନୋଟି ଗ୍ରାମରେ ପବିତ୍ର ଅକ୍ଷୟ ତୃତୀୟା ତିଥିରେ ପୂଜା ପାଆନ୍ତି ଲକ୍ଷ୍ମୀ ନାରାୟଣ। ଏହି ପୂଜା ସତ୍ୟ ଯୁଗରେ ଆରମ୍ଭ ହୋଇଥିବା ପୂର୍ବ ପୁରୁଷ ମାନେ କହିଥାନ୍ତି।ଗୋଲା ସମ୍ପ୍ରଦାୟର ଲୋକମାନେ ଲକ୍ଷ୍ମୀ ନାରାୟଣ ଙ୍କୁ ଇଷ୍ଟଦେବ ଭାବେ ପୂଜା କରିଥାନ୍ତି।ଏହି ପର୍ବ ଅକ୍ଷୟ ତୃତୀୟା ଦିନ ଆରମ୍ଭ ହୋଇଥାଏ ଏବଂ ବିଦ୍ୱାନ ପଣ୍ଡିତ ମାନଙ୍କ ଦ୍ବାରା ଲକ୍ଷ୍ମୀ ନାରାୟଣଙ୍କୁ ଷୋଡ଼ଶ ଉପଚାରରେ ପୂଜା କରାଯାଇଥାଏ। ପଞ୍ଚମ ଦିବସ ରେ ପୂର୍ଣ୍ଣାହୁତି ହେବାପରେ ପ୍ରଭୁଙ୍କ ବିସର୍ଜନ କରାଯାଇଥାଏ । ତାପରେ ସମସ୍ତ ମେଢ଼ ଗୁଡ଼ିକୁ ବିଭିନ୍ନ ବାଦ୍ୟଯନ୍ତ୍ର ବଜାଇ ନଗର ପରିକ୍ରମା କରିବା ପରେ  ବିସର୍ଜନ କରାଯାଇଥାଏ। ଦୁଇବର୍ଷ ଧରି କୋଭିଡ୍ କଟକଣା ଜାରି ଥିବା ବେଳେ କେବଳ ଚାରି ପାଞ୍ଚ ଜଣ ମଧ୍ୟରେ ପୂଜା ସିମୀତ ଭାବେ କରାଯାଇଛି। ଗୋଲା ସମ୍ପ୍ରଦାୟର ଲୋକମାନେ ତାଙ୍କର ବଡ଼ ପର୍ବ ଭାବେ ପାଳନ କରନ୍ତି ଓ ସମସ୍ତ ମାନସିକ ଧାରୀ ଙ୍କ ର ବିଶ୍ୱାସ ରହିଛି ଯେ ଲକ୍ଷ୍ମୀ ନାରାୟଣ ଙ୍କୁ  ଭକ୍ତି ଓ ନିଷ୍ଠାର ସହିତ ପୂଜା କଲେ ମନୋବାଞ୍ଛା ପୂର୍ଣ୍ଣ କରନ୍ତି ବୋଲି ଦୃଢ ବିଶ୍ବାସ ସହିତ ପ୍ରକାଶ କରିଛନ୍ତି। (ଦୀପକ କୁମାର ଷଡଙ୍ଗୀ ଙ୍କ ରିପୋର୍ଟ)