20-Oct-2020

ଉଲୁଣ୍ଡା୨୦ା୧୦ (ଗୌର ଚନ୍ଦ୍ର ପରିଚ୍ଛା)- ଉଲୁଣ୍ଡା ଅଂଚଲରେ ଦିନକୁ ଦିନ ଦୁର୍ନୀତି ବଢିବାରେ ଲାଗିଛି ।  ଏହାକୁ ବିରୋଧ କରିବା ସହ କାର୍ଯ୍ୟାନୁଷ୍ଠାନ  ଦାବି ନେଇ  ଆଜି  ଭାଜପା ତରଫରୁ  ୮ ଦଫା ସମ୍ବଲିତ ଏକ ଦାବିପତ୍ର ବିଡିଓଙ୍କ ଜରିଆରେ ଜିଲ୍ଲାପାଲଙ୍କୁ ପ୍ରଦାନ କରିଛନ୍ତି ।   ଭାଜପା ମେଟାକାନୀ ମଣ୍ଡଲ ସଭାପତି ଆଦିତ୍ୟ ପୁରୋହିତଙ୍କ ନେତୃତ୍ୱରେ  ଦଲିୟକର୍ମୀ ମାନେ ଏକତ୍ରିତ ହୋଇ  ବ୍ଲକ କାର୍ଯ୍ୟାଳୟକୁ ଯାଇ ବିକ୍ଷୋଭ ପ୍ରଦର୍ଶନ କରିଥିଲେ । ପରେ ବିଡିଓ ଅନୁପସ୍ଥିତ ଥିବାରୁ ଏବିଡିଓ ସୁଧାଂଶୁ ଶେଖର ମଲ୍ଲିକଙ୍କ ଜରିଆରେ ସୁବର୍ଣ୍ଣପୁର ଜିଲ୍ଲାପାଲଙ୍କୁ ୮ ଦଫା ସମ୍ବଳିତ ଏକ ଦାବିପତ୍ର ପ୍ରଦାନ କରିଥିଲେ । ଏହି ଦାବିପତ୍ରରେ  ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ପ୍ରସ୍ତୁତ ହୋଇଥିବା ତାଲିକାରେ କିଛି ଅସାଧୁ କର୍ମଚାରୀ ଓ ଦଲାଲ ମିସି ତଲ ଉପର କରୁଥିବାରୁ ପ୍ରକୃତ ହିତାଧିକାରୀ ଯୋଜନାରୁ ବଂଚିତ ହେଉଛନ୍ତି । ଏଣୁ ତଦନ୍ତ କରି ଉପଯୁକ୍ତ ହିତାଧିକାରୀଙ୍କୁ ସାମିଲ କରିବା । ବାସହିନ ବ୍ୟକ୍ତିଙ୍କୁ ଜମି ପ୍ରଦାନ କରିବା, କୃଷିବିଭାଗ ଓ ଉଦ୍ୟାନ ବିଭାଗର କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନା ପ୍ରକୃତ ହିତାଧିକାରୀଙ୍କ ପାଖରେ ପହଂଚି ନପାରି କିଛି ପ୍ରଭାବ ସାଲି ବ୍ୟକ୍ତି ଏହାର ଫାଇଦା ଉଠାଉଥିବାରୁ କାର୍ଯ୍ୟାନୁଷ୍ଠାନ ଗ୍ରହଣ କରିବା,  ଗ୍ରାମ୍ୟ ଜଲ ଯୋଗାଣ ବିଭାଗର ଦ୍ୱାରା ପ୍ରତ୍ୟେକ ଗ୍ରାମକୁ ଜଲ ଯୋଗାଇଦେବା ।  ହାତୀ ଉପଦ୍ରବରେ ନଷ୍ଟ ହୋଇଥିବା ଚାଷୀଙ୍କ ଫସଲ ଏକର ପ୍ରତି ୫୦ ହଜାର ପ୍ରଦାନ କରିବା, ଉଲୁଣ୍ଡା ଗୋଷ୍ଠିସ୍ୱାସ୍ଥ୍ୟରୁ ବଦଲି ହୋଇଥିବା ଦନ୍ତ ଚିକିତ୍ସକଙ୍କୁ ପୁଣି ଅବସ୍ଥାପିତ କରିବା  ଆଦି ୮ଟି  ଦାବି ଉଲ୍ଲେଖ ରହିଛି । ତେବେ ଏହି ଦାବି ଯଦି ପୁରଣ କରାନଯାଏ ତାହାହେଲେ ଆଗାମି ଦିନରେ ଭଜପା ତରଫରୁ  ଆନ୍ଦୋଲନାତ୍ମକ ପନ୍ଥା ଗ୍ରହଣ କରାଜିବ ବୋଲି ଚେତାବନୀ ଦିଆଯାଇଛି ।  ଦାବିପତ୍ର ପ୍ରଦାନ ବେଲେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ରଘୁନାଥ ଜଗଦଲା,  ଜିଲ୍ଲା ଉପସଭାପତି ଦିଲ୍ଲିପ କୁମାର ପୁରୋହିତ, ପୁର୍ବତନ ଜିଲ୍ଲା ସଂପାଦକ ଧର୍ମନିରଞ୍ଜନ ପଣ୍ଡା,  ସାଧାରଣ ସଂପାଦକ ବିଜୟ କୁମାର ହୋତା, ସଂପାଦକ ପ୍ରମୋଦ କର୍ମୀ,  ପୁର୍ବତନ ସଭାପତି ଗିରିଶ ପୁରୋହିତ,  ଜିଲ୍ଲା ହରିଜନ ମୋର୍ଚା ସଭାପତି ବଳରାମ ସୁନା, ସାଧାରଣ ସଂପାଦକ ରତ୍ନାକର ବୁଡା, ମିଡିଆ ପ୍ରଭାରୀ ରାଜେନ୍ଦ୍ର ପଧାନ, ମେଟାକାନୀ ମଣ୍ଡଲ ହରିଜନ ମୋର୍ଚା  ସଭାପତି କିର୍ତନ ମୁନା,  ଅମିତ କର୍ଣ୍ଣ, ପବିତ୍ର ସାହୁ ପ୍ରମୁଖ ଉପସ୍ଥିତ ଥିଲେ ।