02-May-2021

ବଲାଙ୍ଗିର,(ପ୍ରେରଣା ଖବର)- ବଲାଙ୍ଗୀର ଏକ୍ସନ କମିଟିର ପୂର୍ବତନ ସଂପାଦକ ସନ୍ତୋଷ କୁମାର ପ୍ରଧାନଙ୍କ ପତ୍ନୀ ପଦ୍ମିନୀ ପ୍ରଧାନଙ୍କ ଗତକାଲି ସଂଧ୍ୟା ସାଢ଼େ ୭ଟା ସମୟରେ ସ୍ଥାନୀୟ ଭୀମ ଭୋଇ ମେଡିକାଲ କଲେଜ ଓ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ପରଲୋକ ହୋଇଯାଇଡଛି । ସେ ଦୀର୍ଘ ୪ ବର୍ଷ ହେଲା କିଡନୀ ରୋଗରେ ଆକ୍ରାନ୍ତ ହୋଇ ଡାଇଲେସିସ୍ ହୋଇ ଆସୁଥିଲେ । ମୃତ୍ୟୁ ସମୟରେ ତାଙ୍କୁ ୪୫ ବର୍ଷ ହେଉଥିଲା ।  ଶବଧାରରେ ପଦ୍ମିନୀଙ୍କ ଝିଅ ଜ୍ୟୋତିର୍ମୟୀ ପ୍ରଧାନ ଓ ପୁତ୍ର ଋତୁରାଜ ପ୍ରଧାନ ଉପସ୍ଥିତ ଥିଲେ । ସ୍ଥାନୀୟ ଟିଟିଲାଗଡ଼ ରୋଡସ୍ଥିତ ଶ୍ମଶାନ ଘାଟ ଠାରେ ତାଙ୍କ ଶେଷକୃତ୍ୟ ସଂପନ୍ନ ହୋଇଥିଲା । ବଲାଙ୍ଗୀର ଏକ୍ସନ କମିଟିର ଗୋପାଲଜୀ ପାଣିଗ୍ରାହୀ,  ମଗନଲାଲ ଅଗ୍ରୱାଲ, ରିଲୁ ରଥ, ଧୀରେନ୍ଦ୍ର ନାରାୟଣ ସିଂଦେଓ, ଗିରୀଶ ସିଂଦେଓ, ମୁନା ପଟ୍ଟନାୟକ, ସନ୍ତୋଷ ସାହୁ ପ୍ରମୁଖ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି । 
 ଅନ୍ତେଷ୍ଟି କ୍ରିୟାରେ କିଶୋର ପ୍ରଧାନ. ସହଦେବ ପ୍ରଧାନ, ବିଦେଶୀ ପ୍ରଧାନ, ଜୟଦେବ ପ୍ରଧାନ, ପ୍ରଦୀପ ପ୍ରଧାନ, ଦିଲୀପ ପ୍ରଧାନ ପ୍ରମୁଖ ଉପସ୍ଥିତ ଥିଲେ । ସ୍ୱର୍ଗତ ପଦ୍ମିନୀ ପ୍ରଧାନ ଜଣେ ମେଳାପୀ ଓ ମିଷ୍ଟଭାଷୀ ମହିଳା ଭାବରେ ଜଣାଶୁଣା ଥିଲେ ।