25-Apr-2021

ଝାରସୁଗୁଡ଼l(ପ୍ରେରଣା ଖବର ବ୍ୟୁରୋ): ଭୋକ ଓ ଭୋକିଲାର କରାଳ ରୂପ । ଡଷ୍ଟବିନରୁ ଖାଦ୍ୟ ଖାଇଲେ ବୃଦ୍ଧ । କିଛିଦିନ ପୂର୍ବେ କୋଇଡ଼ା ଅଞ୍ଚଳରେ ଜଣେ ଭୋକିଲା ଶିଶୁ ଅଇଁଠା ଖଲି ଚାଟିବା ଘଟଣା ସମସ୍ତଙ୍କୁ ବିଚଳିତ କରିଥିଲା । ଏମିତି ଏକ ଆଉ ଏକ ଘଟଣା ଏବେ ହୃଦୟ ଥରାଇଛି ।

ଭୋକ ଓ ଭୋକିଳାର ଏକ କରାଳ ଦୃଶ୍ୟର ଏକ ଭିଡିଓ ଏବେ ଝାରସୁଗୁଡ଼ା ଜିଲ୍ଲାରେ ଭାଇରାଲ ହୋଇଛି । ଭିଡିଓରେ ଜଣେ ବୃଦ୍ଧ ଏକ ଡାକ୍ତରଖାନା ଡଷ୍ଟବିନ୍‌ ଭିତରୁ ଖାଇବା ଜିନିଷ ବାହାର କରି ଖାଉଥିବାର ଦେଖିବାକୁ ମିଳୁଛି । ଅନେକ ଏହା ଝାରସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟର ଲାବାରିସ୍‌ ରୁମ୍‌ ନିକଟର ଦୃଶ୍ୟ ବୋଲି କହୁଛନ୍ତି ।

ଏନେଇ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଲାଲ ମୋହନ ରାଉତରାୟଙ୍କୁ ପଚାରିବାରୁ ଏ ବିଷୟରେ ସେ ଅବଗତ ନାହାନ୍ତି । ଏନେଇ ତଦନ୍ତ କରି ବିହିତ ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି । ଯଦି ଏହା ଝାରସୁଗୁଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟର ଦୃଶ୍ୟ ହୋଇଥାଏ ତେବେ ସେଠାରେ ଏକ ଆଟେଣ୍ଡାଣ୍ଟ୍‌ ଯୋଗାଇ ଦେବେ । ଏପରି ହୃଦ ବିଦାରକ ଘଟଣା ଯେପରି ନଘଟେ ସେଥିପ୍ରତି ଧ୍ୟାନ ଦିଆଯିବ ବୋଲି ଶ୍ରୀ ରାଉତ କହିଛନ୍ତି ।