24-Apr-2021

କଣ୍ଟାବାଞ୍ଜି (ପ୍ରେରଣା ଖବର): କରୋନାର ଦ୍ୱିତୀୟ ଲହର ସାରା ବିଶ୍ୱକୁ ଦୋହଲେଇଥିବା ବେଳେ ଜୁନିଅର ରେଡକ୍ରସର ତରଫରୁ କରୋନା ସଚେତନତା ଓ ମାସ୍କ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।କଣ୍ଟାବାଞ୍ଜି ଏକ ବ୍ୟବସାୟର ପେଣ୍ଠସ୍ଥଳ ହୋଇଥିବା ବେଳେ ଏଠାର ରେଳ ଷ୍ଟେସନରେ ବିଭିନ୍ନ ରାଜ୍ୟରୁ ଆସୁଥିବା ଟ୍ରେନ ଗୁଡ଼ିକ ଅଟକି ଥାଏ।ଯାହା ଫଳରେ ଗୁଜରାଟ, ସୁରତ,ମହାରାଷ୍ଟ୍ର, ବମ୍ବେ, ଛତିଶଗଡ଼, ରାୟପୁର,ଭଳି କରୋନା  ପ୍ରଭାବିତ ସହରରୁ ହଜାର ହଜାର ଲୋକ ଏଠି ଓହ୍ଲାଉଛନ୍ତି।ବର୍ତ୍ତମାନ କରୋନା ମୃତ୍ୟୁ ଦୂତ

ସାଜିଥିବାରୁ ସମସ୍ତେ ସତର୍କତା ଅବଲମ୍ବନ କରିବା ଉଚିତ।ଏଭଳି ଘଡିସନ୍ଧି ମୁହୂର୍ତ୍ତରେ ଜୁନିଅର ରେଡକ୍ରସ ର ପରାମର୍ଶ ଦାତା ତଥା ପ୍ରକୃତିବନ୍ଧୁ ମାଝିପଡା ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ବିରଞ୍ଚି ନାରାୟଣ ଦାଶ କଣ୍ଟାବାଞ୍ଜିର ରେଳ ଷ୍ଟେସନରେ ଲୋକମାନଙ୍କୁ କରୋନା ସଚେତନତା କରିବା ସହିତ ମାସ୍କ ବଣ୍ଟନ କରିଥିଲେ।ତାଙ୍କ 

ସହିତ ଶିକ୍ଷକ ମନ୍ତୋଷ କୁମାର ବାଗ ଓ ଲକ୍ଷ୍ମୀଧର ଧରୁଆ ସହଯୋଗର ହାତ ବଢେଇ ଥିଲେ।ମାସ୍କ ପରିଧାନ, ସାମାଜିକ ଦୂରତା ଓ ବାରମ୍ବାର ହାତ ଧୋଇଵା ଉପରେ ଗୁରୁତ୍ୱ ଦେବାକୁ ଶ୍ରୀ ଦାଶ  ପରାମର୍ଶ ଦେବା ସହିତ ଅବସର ସମୟରେ ଘରେ ରହି ପୁସ୍ତକ ପଠନ କରିବାକୁ କିଛି ପୁସ୍ତକ ମଧ୍ୟ ବଣ୍ଟନ କରିଥିଲେ।