24-Apr-2021

ବୌଦ୍ଧ(ଶ୍ରୀବନ୍ତମେହେର)ବୌଦ୍ଧ ଜିଲାରେ ବଢ଼ୁଛି କରୋନା ପଜିଟିଭଙ୍କ ସଂଖ୍ୟା ତା ସହ ସହର ହଟସ୍ପଟ ପରିଣତ ହେବାରେ ଲାଗିଛି । ବୌଦ୍ଧ ଜିଲାରେ ଗତକାଲି ଦିନକରେ ୩୯ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେଥି ମଧ୍ୟରୁ କେବଳ ବୌଦ୍ଧ ସହରରେ ୨୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି l ଏହାସହ ନାରାୟଣ ପ୍ରସାଦ ଗ୍ରାମରୁ ୪ ଜଣ, ବଘିଆପଡା ଗ୍ରାମରୁ ୪ ଜଣ, ଲଇଗାଁ , ସରସରା , ବଢିଗାଁ , ଛତ୍ରଙ୍ଗ , ହରଭଂଗା , କରଡି, ଆଡେଣିଗଡ, ମହୀବାହାଲ୍‌ , ମୁର୍ଷୁଣ୍ଢି ଓ ଆମ୍ବଗାଁ ଗ୍ରାମରୁ ଜଣେ ଲେଖାଏଁ କରୋନା ପଜିଟିଭ ଚିହ୍ନଟ ହୋଇଥିବା ଜିଲା ମୁଖ୍ୟ ଚିକିତ୍ସା ଅଧିକାରୀ ଡା. ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ରାଜ୍ୟରେ ଗତକାଲି ୬୬୪୭ ଜଣ କରୋନା ପଜିଟିଭ ଚିହ୍ନଟ ହୋଇଥିବା ନେଇ ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ଆଜି ଟୁଇଟ କରି ସୂଚନା ଜାରି କରିଛନ୍ତି ।