13-Apr-2021

କଟକ(ପ୍ରେରଣା ଖବର ବ୍ୟୁରୋ): କଟକ ଜିଲ୍ଲା ଫକୀରପଡା ଗ୍ରାମରେ ବୁଦ୍ଧ ଗୋସ୍ୱାମୀ ଯାଦବ କମିଟି ପକ୍ଷରୁ

ଲଉଡି ମହୋତ୍ସବ ଅନୁଷ୍ଠିତ ହୋଇ ଉଲ୍ଲେଖନୀୟ କୃତିତ୍ୱ ନିମନ୍ତେ ବିଭିନ୍ନ ସଂଗଠନକୁ ସମ୍ବର୍ଦ୍ଧିତ କରାଯାଇଥିଲା । ଆଜିର ଏହି ଲଉଡି ମହୋତ୍ସବରେ ପାଖାପାଖି ଦଶରୁ ଉର୍ଦ୍ଧ୍ବ ଲଉଡ଼ି ଗୋଷ୍ଠି ଭାଗ ନେଇଥିଲେ । ଏହି ନିଆରା ଲଉଡି ଖେଳ ଦେଖିବା ପାଇଁ ଆଖପାଖ ଗ୍ରାମର ବହୁ ଲୋକଙ୍କ ସମାଗମ ଦେଖିବାକୁ ମିଳିଥିଲା ।
ସରସ୍ୱତୀ କଳା ପରିଷଦର ସମ୍ପାଦକ ନାଟ୍ୟକାର ଅଶୋକ କୁମାର ପଟ୍ଟନାୟକଙ୍କ ପରିଚାଳନାରେ ଅନୁଷ୍ଠିତ ଏହି ସଭାରେ  ମୁଖ୍ୟ ଅତିଥିଭାବେ ଅଖିଳ ଭାରତୀୟ ଯାଦବ ମହାସଭାର ଯୁବ ସଭାପତି ଇଂ.ପ୍ରଦୀପ ବେହେରା ଓ ସମ୍ମାନିୟ  ଅତିଥିଭାବେ ବିନୋଦ ବେହେରା,ଚିତ୍ତ ରଞ୍ଜନ ବେହେରା,ସମର ବେହେରା ଆଦି ବହୁ ମାନ୍ୟଗଣ୍ୟ ବ୍ୟକ୍ତିବିଶେଷ ଯୋଗଦେଇ ଏହି ଯାଦବ ସଂକୃତିର ପୁନରୁଦ୍ଧାର ଓ ମହାନତା ସମ୍ପର୍କରେ ଆଲୋକପାତ କରିବାସହ ବୁଦ୍ଧ ଗୋସ୍ୱାମୀ ଯାଦବ କମିଟିର ଏହି ନିଆରା ପଦକ୍ଷେପକୁ ଭୂୟସୀ ପ୍ରସଂଶା କରିଥିଲେ ।
ଏହି ଲଉଡି ମହୋତ୍ସବରେ ରାଧା ମାଧବ ଲଉଡି ସଂଘ,ମା ବରୁଣେଇ ଯାଦବ ସଂଘ,ସିଦ୍ଧ ଖଣ୍ଡୁଆଳି ଲଉଡି ସଂଘ,ସିମିଳି ଗୋଶାଇଁ ଲଉଡି ସଂଘର ଲଉଡି ଖେଳ ଅତି ଉଞ୍ଚ କୋଟିର ଥିଲା ।
ଏହି ଲଉଡି ମହୋତ୍ସବକୁ କମିଟି ପକ୍ଷରୁ ପୂର୍ଣ୍ଣଚନ୍ଦ୍ର ନାୟକ,ସନାତନ ବେହେରା,ସଞ୍ଜୟ କୁମାର ବେହେରା,ମନୋଜ କୁମାର ବେହେରା,କୃଷ୍ଣଚନ୍ଦ୍ର ନାୟକ ଓ ବିଜୟ ବେହେରା ଆଦିବହୁ କାର୍ଯ୍ୟକର୍ତା ପ୍ରମୁଖ ଉପସ୍ଥିତ ରହି ପରିଚାଳନା କରିଥିଲେ ।