13-Apr-2021

ଢେଙ୍କାନାଳ(ପ୍ରେରଣା ଖବର): ଗୋଟିଏ ରାତିରେ ଦୁଇ ଦୁଇଟି ଘରୁ ଲୁଟ୍ । ଲୁଟେରାମାନେ ରବିବାର ବିଳମ୍ବିତ ରାତ୍ରରେ ୨ଟି ଘରେ କଳାକନା ବୁଲାଇଛନ୍ତି । ଏହାସହ ପ୍ରାୟ ୬ ଭରି ସୁନା ଅଳଙ୍କାର ଲୁଟ୍ କରିଛନ୍ତି ।  ଏପରି ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ଥାନା ଅନ୍ତର୍ଗତ ଲତାବିଲ ଗ୍ରାମରେ ।

ଗ୍ରାମର  ଭୋଳେଶ୍ବର ସାହୁଙ୍କ ଘରୁ ଲୁଟେରାମାନେ ଆଲମିରା ଭାଙ୍ଗି ଏକ ଲକ୍ଷ ଟଙ୍କା ସହି ଛଅ ଭରି ସୁନା ଲୁଟିନେଇଥିବା ଅଭିଯୋଗ କରିଛନ୍ତି ପରିବାର ଲୋକେ । ସେହିପରି ଉକ୍ତ ସାହିର ଚୁଗୁଲି ବାହାଲିଆଙ୍କ ଘରୁ ଚାଳିଶ ହଜାର ଟଙ୍କା ଓ ବହି ସହ ଅନେକ ଗୁରୁତ୍ୱପୂର୍ଣ୍ଣ କାଗଜପତ୍ର ଲୁଟିନେଇଛନ୍ତି ।

ସୋମବାର ସକାଳେ  ଚୋରି କରି ନେଇଥିବା ଆଟାଚି ସହିତ ଗୁରୁତ୍ବପୂର୍ଣ୍ଣ କାଗଜପତ୍ର ପାଖ ବିଲରେ ପଡିଥିବା ଦେଖିବାକୁ ମିଳିଛି। ଦୁଇ ପରିବାର ଭୁବନ ଥାନାରେ ଅଭିଯୋଗ କରିବା ପରେ ପୋଲିସ ପହଞ୍ଚି ତଦନ୍ତ ଚଳାଇଛନ୍ତି । ତେବେ ଲୁଟର କୌଣସି ସୁରାକ ପୋଲିସ ପାଇଁ ପାରିନାହିଁ । ଗୋଟିଏ ରାତିରେ ଏପରି ଦୁଇ ଦୁଇଟି ଲୂଟ ଘଟଣାରେ  ଭୁବନ ଅଞ୍ଚଳବାସୀ ନିଜ ଧନ ସମ୍ପତ୍ତି ସୁରକ୍ଷା ନେଇ ଆଶଙ୍କାରେ ପଡି ଯାଇଛନ୍ତି ।