18-Oct-2020

 ବଲାଙ୍ଗିର ୧୮/୧୦-ଭାରତୀୟ ମୁକ୍ତି ସଂଗ୍ରାମର ଅଗ୍ରଣୀ ଯୋଦ୍ଧା  ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଦ୍ଧାନ ହେବା ଘଟଣାକୁ ୭୫ ବର୍ଷ ବିତିଯାଇଥିଲେ ମଧ୍ୟ ଅଜିବି ପ୍ରତ୍ୟେକ ଭାରତୀୟଙ୍କ ହୃଦୟରେ ସେ ଅମର ହୋଇ ରହିଛନ୍ତି । ନେତାଜୀଙ୍କ ନିଖୋଜକୁ ନେଇ ବିଭିନ୍ନ ସମୟରେ ଭାରତ ସରକାର ସାହାନଓ୍ୟାଜ କମିଶନ, ଖୋସଲା କମିଶନ ଏବଂ ମୁଖାର୍ଜି କମିଶନଙ୍କୁ ତଦନ୍ତ ଦାୟିତ୍ୱ ଦେଇଥିଲେ । ସାହାନଓ୍ୟାଜ ଓ ଖୋସଲା କମିଶନ ରିପୋର୍ଟରେ ନେତାଜୀଙ୍କ ମୃତ୍ୟୁ ବିମାନ ଦୁର୍ଘଟଣାରେ ହୋଇଥିବା କଥା ଦର୍ଶାଯାଇଥବା ବେଳେ  ମୁଖାର୍ଜି କମିଶନ ରିପୋର୍ଟରେ ନେତାଜୀଙ୍କ ମୃତ୍ୟୁ ବିମାନ ଦୁର୍ଘଟଣା ଜନିତ ନୁହେଁ ବୋଲି ଦର୍ଶାଯାଇଥିଲା । ଭାରତ ସରକାର ସାହାନଓ୍ୟାଜ କମିଶନ ଓ ଖୋସଲା କମିଶନ ରିପୋର୍ଟକୁ ଗ୍ରହଣ କରିଥିବା ବେଳେ ମୁଖାର୍ଜି କମିଶନ ରିପୋର୍ଟକୁ ଅଗ୍ରାହ୍ୟ କରିଥିଲେ । ବଲାଙ୍ଗିରର ବିଶିଷ୍ଟ ସୂବନା ଅଧିକାର କର୍ମି ହେମନ୍ତ କୁମାର ପଣ୍ଡା ଏହାକୁ ନେଇ ୨୦୧୬ ମସିହା ଡିସେମ୍ବର ମାସରେ ତତ୍କାଳିନ ରାଷ୍ଟ୍ରପତି ପ୍ରଣବ ମୁଖାର୍ଜିଙ୍କୁ ଏକ ଦାବୀ ପତ୍ର ଦେଇଥିଲେ । ଏହି ଦାବୀ ପତ୍ରରେ ସେ ଉଲ୍ଲେଖ କରିଥିଲେ ୍‌ଯେ, ଭାରତ ସରକାର ସାହାନଓ୍ୟାଜ କମିଶନ ଓ ଖୋସଲା କମିଶନ ରିପୋର୍ଟକୁ ଗ୍ରହଣ କରିଥିଲେ ମଧ୍ୟ ସରକାର ଏପର୍ଯ୍ୟନ୍ତ ନେତାଜୀଙ୍କ ପ୍ରତି ସମ୍ମାନ ପ୍ରଦର୍ଶନ କରି ରାଷ୍ଟ୍ରିୟ ଶୋକ ଘୋଷଣା କରିନାହାନ୍ତି । ସରକାର  ତୁରନ୍ତ ରାଷ୍ଟ୍ରିୟ ଶୋକ ଘୋଷଣା କରିବାକୁ ରାର୍ଷ୍ଟପତି ହସ୍ତକ୍ଷେପ କରନ୍ତୁ ନଚେତ ଗ୍ରହଣ କରିଥିବା ଦୁଇ କମିଶନ ରିପୋର୍ଟକୁ ଅଗ୍ରାହ୍ୟ କରନ୍ତୁ ବୋଲି ପଣ୍ଡା ଉକ୍ତ ପତ୍ରରେ ଉଲ୍ଲେଖ କରିଥିଲେ ।  ଏହି ଦାବୀ ପତ୍ରକୁ ରାଷ୍ଟ୍ରପତିଙ୍କ ସଚିବାଳୟ ପକ୍ଷରୁ ବିହିତ କାର୍ଯ୍ୟାନୁଷ୍ଠାନ ପାଇଁ କେନ୍ଦ୍ର ଗୃହ ବିଭାଗକୁ ହସ୍ତାନ୍ତର କରାଯାଇଥିଲା । ଏହା ଉପରେ କି କାଯ୍‌ର୍୍ୟାନୁଷ୍ଠାନ ଗ୍ରହଣ କରାଯାଇଛି ଏହା ଜାଣିବା ପାଇଁ ପଣ୍ଡା ସୂଚନା ଅଧିକାର ଅଇନ ବଳରେ କେନ୍ଦ୍ର ଗୁହ ବିଭାଗକୁ କାର୍ଯ୍ୟାନୁଷ୍ଠାନ ନିଅଯାଇଥିବା ତଥ୍ୟ ମାଗିଥିଲେ । କିନ୍ତୁ କେନ୍ଦ୍ର ଗୃହ ବିଭାଗ ପଣ୍ଡାଙ୍କୁ ତଥ୍ୟ ପ୍ରଦାନ ନକରି ଅନ୍ୟ କାର୍ଯ୍ୟାଳୟକୁ ଅନାବଶ୍ୟକ ଭାବେ ହସ୍ତାନ୍ତରିତ କରିଥିଲେ । ଏହାକୁ ନେଇ ପଣ୍ଡା ଉପଯୁକ୍ତ ଫୋରମରେ ଅବେଦନ କରିଥିଲେ । ଶେଷରେ ଜାତୀୟ ସୂଚନା ଅୟୁକ୍ତ  ୟଶବର୍ଦ୍ଧନ କୁମାର ସିହ୍ନା ପଣ୍ଡାଙ୍କ ଅବେଦନର ଶୁଣାଣି କରି ଉପଯୁକ୍ତ ସୂଚନା ପ୍ରଦାନ କରିବା ପାଇଁ ଶୁଣାଣି ସମୟରେ ଉପସ୍ଥିତ ଥିବା ଗୃହ ବିଭାଗର ନିର୍ଦ୍ଦେଶକ (ସୁରକ୍ଷା) ରାକେଶ କୁମାର ପାଣ୍ଡେ ଏବଂ ଉପସଚିବ ଏସ୍‌.କେ.ଝା ଙ୍କୁ ଗତ ୧୬ ତାରିଖ ଦିନ ଦ୍ୱିତୀୟ ଅବେଦନ ନଂ ସି.ଅଇ.ସି/ଏମଏଚଓଏମଇ/ଏ/୨୦୧୮/୧୬୫୯୫୯ ରେ ନିର୍ଦ୍ଦେଶ ଜାରୀ କରିଛନ୍ତି । ସୂଚନା କର୍ମି ପଣ୍ଡାଙ୍କ ଅବେଦନକୁ ଅନାବଶ୍ୟକ ଭାବେ ସ୍ଥାନାନ୍ତରିତ କରିଥିବାରୁ ଗୃହ ବିଭାଗ ଉପ ସଚିବ ଏସ.କେ ଝା କମିଶନଙ୍କ ଠାରେ ଦୁଃଖ ପ୍ରକାଶ କରିଥିଲେ । ଜାତୀୟ ସୂଚନା ଆୟୁକ୍ତଙ୍କ ନିର୍ଦ୍ଦେଶକୁ ସୂଚନା କର୍ମି ପଣ୍ଡା ସ୍ୱାଗତ କରିଥିବା କହିଛନ୍ତି ।