01-Apr-2021

ଉଲୁଣ୍ଡା(ଗୌରଚନ୍ଦ୍ର ପରିଛା)- ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ପଂଚମହଲା ପଂଚାୟତର ବଡମାଲ ଗ୍ରାମରେ ଜଙ୍ଗଲରୁ ନିଆଁ ମାଡି ଆସି ୧୩ ଜଣଙ୍କ ଘର ଆଂଶିକ ଭାବରେ ପୋଡିଯାଇଥିବା ଜଣାପଡିଛି । ସୂଚନା ଅନୁସାରେ ଆଜି ଅପରାହ୍ନ ପ୍ରାୟ ୨ଟା ସମୟରେ ବଡମାଲ ଜଙ୍ଗଲରେ ନିଆଁ ଲାଗିଥିଲା । ସେହି ନିଆଁ  ଗାଁକୁ ମାଡିଆସି  ସାନ୍ତନୁ ରାଜହଂସ, ବଲରାମ ବେହେରା, ଗୋପବନ୍ଧୁ ବଗର୍ତୀ, ଲକ୍ଷ୍ମି ସେଠୀ, ଅରବିନ୍ଦ ସେଠୀ, ଶେଷଦେବ  ବଗର୍ତୀ, ପ୍ରତାପ ବଗର୍ତୀ, ସନ୍ତୋଶ ବଗର୍ତୀ, ପ୍ରମୋଦ ବଗର୍ତୀ, ଭିମ ବଗର୍ତୀ, ରାଧାକାନ୍ତ ବଗର୍ତୀ, ରାଜେନ୍ଦ୍ର ବଗର୍ତୀ, ଶ୍ରୀବଚ୍ଛ ବଗର୍ତୀଙ୍କ ଘରେ ନିଆଁ ଲାଗି ଆଂଶିକ ଭାବରେ ପୋଡିଯାଇଛି । ଗ୍ରାମବାସୀ ମିଲିତ ଭାବରେ ଲାଗିଥିବା ନିଆଁକୁ ଆୟତ କରିଥିଲେ । ଫଳରେ  ବଡ ଅଘଟଣରୁ ଗ୍ରାମବାସୀ ବର୍ତୀ ଯାଇଥିଲେ ।  ପରେ ଖବର ପାଇ ଦମକଲ ବାହିନୀ ପହଂଚି ଜଙ୍ଗଲ ନିଆଁକୁ ଆୟତ କରିଥିଲେ । ଜଙ୍ଗଲରେ ଦୁର୍ବୁତ ମାନେ ନିଆଁ ଲଗାଇଦେଉଥିବା ବେଳେ ବନବିଭାଗ କୌଣସି ପଦେକ୍ଷପ ନେଉନଥିବାରୁ ଅଂଚଲବାସୀଙ୍କ ମନରେ ଅସନ୍ତୋଷ ଦେଖାଦେଉଛି । ଯଥାଶିଘ୍ର ବନବିଭାଗ ଏଥି ପ୍ରତି ଦୃଷ୍ଟି ଦେଇ ଅଭିଯୁକ୍ତ ମାନଙ୍କ ବିରୋଦ୍ଧରେ  ଦୃଢ କାର୍ଯ୍ୟାନୁଷ୍ଠାନ  ନେବା ପାଇଁ ଦାବି ହେଉଛି ।