01-Apr-2021

ବଲାଙ୍ଗିର-  ଆଜି ବଲାଙ୍ଗିର ଗାନ୍ଧିଷ୍ଟାଡିୟମଠାରେ ଆୟୋଜିତ ଓସିଏ ଭିଜନ ୨୦୨୪ ସିନିୟର ଇନ୍‌ଟ୍ରାକ୍ଳବ କ୍ରିକେଟ ପ୍ରତିଯୋଗିତାରେ ଅମିତାଭ ଫ୍ୟାନ କ୍ଳବ ବିଜୟୀ ହୋଇଛି । ଆଜିର ପ୍ରତିଯୋଗିତା ଅମିତାଭ ଫ୍ରାନ କ୍ଳବ ଓ ନାଏକ କ୍ରିକେଟ ଏକାଡେମୀ ବି ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ନାଏକ କ୍ରିକେଟ ଏକାଡେମୀ ବି ଦଳ ଟସ୍ ଜିଣି ପ୍ରଥମେ ବ୍ୟାଟିଂ କରି ୩୭.୫ ଓଭରରେ ସମସ୍ତ ଉଇକେଟ ହରାଇ ୨୦୫ ରନ୍ କରିଥିଲେ । ଦଳ ତରଫରୁ ଅମୀୟ ଧରୁଆ ସର୍ବାଧିକ ୩୮ ଓ ଆୟୁଷ ସାହୁ ୩୪ ରନ୍ କରିଥିଲେ । ଅମିତାଭ ଫ୍ୟାନ କ୍ଳବ ତରଫରୁ ଯଶୋବନ୍ତ ସିଂ ସର୍ବାଧିକ ୬ ଗୋଟି ୱିକେଟ ଅକ୍ତିଆର କରିଥିଲେ । ୨୦୬ ରନ୍‌ର ଲକ୍ଷକୁ ପିଛା କରିବାକୁ ଯାଇ ଅମିତାଭ ଫ୍ୟାନ କ୍ଳବ ୩୧.୪ ଓଭରରେ ୫ ଉଇକେଟ ବିନିମୟରେ ଆବଶ୍ୟକୀୟ ରନ୍ ସଂଗ୍ରହ କରି ମ୍ୟାଚ ବିଜୟୀ ହୋଇଥିଲେ । ଅମିତାଭ ଫ୍ୟାନ କ୍ଳବ ତରଫରୁ ଯଶୋବନ୍ତ ସିଂ ଅପରାଜିତ ୬୭ରନ୍ ଓ ଅମିତ ନନ୍ଦ ୩୯ ରନ୍ ସଂଗ୍ରହ କରିଥିଲେ । ନାଏକ ଏକାଡେମୀ ବି ଦଳ ତରଫରୁ ଆୟୁଷ ପାଣିଗ୍ରାହୀ ୩ ଟି ଉଇକେଟ ଅକ୍ତିଆର କରିଥିଲେ । ଅମିତାଭ ଫ୍ୟାନ୍ କ୍ଳବ ତରଫରୁ ଯଶୋବନ୍ତ ସିଂଙ୍କୁ  ତାଙ୍କର ଅଲରାଉଣ୍ଡ ଖେଳ ପ୍ରଦର୍ଶନ ପାଇଁ ଆଜିର ଶ୍ରେଷ୍ଠ ଖେଳାଳୀ ଘୋଷିତ କରାଯାଇଥିଲା । ଏହି ମ୍ୟାଚକୁ ଅମ୍ପାୟାର ରାଜେନ୍ଦ୍ର ସେଠ୍ ଓ ମୁକେଶ ସ୍ୱାଇଁ ପରିଚାଲନା କରିଥିବା ବେଳେ ସୁଭମ ନାଏକ ଓ ସ୍ୱାଗତ ସ୍କୋରର ଦାୟିତ୍ୱ ତୁଲାଇଥିଲେ । ସୂଚନା ଯୋଗ୍ୟ ଆସନ୍ତା କାଲିଠାରୁ ସୁପରଲିଗ ପର୍ଯ୍ୟାୟ ଖେଳ ଆରମ୍ଭ ହେବ । ପ୍ରଥମ ମ୍ୟାଚରେ ନବକିଶୋର ଦଳ ଓ ପାଟଣାଗଡ କ୍ରିକେଟ କ୍ଳବ ମଧ୍ୟରେ ଖେଳ ଅନୁଷ୍ଠିତ ହେବ ।