18-Mar-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା)
କଳାହାଣ୍ଡି ଓ ନବରଙ୍ଗପୁର ଜିଲ୍ଲା ସୀମାନ୍ତରେ ରହିଛି ସାହାଜ ଖୋଳ  ସଂରକ୍ଷିତ ଜଙ୍ଗଲ ।ଏହି ଜଙ୍ଗଲ ର  ସବୁଜ ସୁନ୍ଦର ପରିବେଶ ଅଞ୍ଚଳ ବାସୀଙ୍କୁ ବେଶ ଆକୃଷ୍ଟ କରିବା ସହ ଆଦିବାସୀ ମାନଙ୍କ ଜୀବନ ଜୀବିକା କୁ ଉଜ୍ଜ୍ୱଳମୟ କରିବାରେ ସହାୟକ ହୋଇଥାଏ । ହେଲେ ଦିନକୁ ଦିନ ଏହି ସଂରକ୍ଷିତ ସାହାଜ ଖୋଳ ଜଙ୍ଗଲ କ୍ଷୟ ହେବାରେ ଲାଗିଛି । ଏହାର ପ୍ରତିବାଦ ରେ ଶ୍ରୀଯୁକ୍ତ ଲକ୍ଷ୍ମୀକାନ୍ତ ବାଗ ଙ୍କ ଆହ୍ୱାନ କ୍ରମେ ବୁଧବାର ସାହାଯଖୋଳ ସୁରକ୍ଷା ସମିତି ପକ୍ଷରୁ  କାଉଡୋଲା ଜଗନ୍ନାଥ ମନ୍ଦିର ଠାରୁ ଏକ ପଦଯାତ୍ରା ରେ ବାହାରି 26 ନଂ ଜତୀୟ ରାଜପଥ ଦେଇ କୋକସରା ପହଞ୍ଚି ଥିଲେ ।

ଏହି ପଦ ଯାତ୍ରାରେ ସୁରକ୍ଷା ସମିତି ଅଧ୍ୟକ୍ଷ ଭଜମନ ନ।ଏକ ,କୋକସରା ବ୍ଲକ ଅଧ୍ୟକ୍ଷ। ସଭ୍ୟ।ରାଣୀ ବାଗ ,ଆମପାଣି ଯୋନ ଜିଲ୍ଲା ପରିଷଦ ସଦସ୍ୟା ହେମାନଗିନି ହଂସ , ନବରଙ୍ଗପୁର ପୂର୍ବତନ ସାଂସଦ ପର୍ଶୁରାମ ମାଝୀ ଙ୍କ ସହ ଅନେକ ମହିଳା ଓ ସଚେତନ ନାଗରିକ ଯୋଗ ଦେଇଥିଲେ ।

କୋକସରା ତହସିଲ କାର୍ଯ୍ୟାଳୟ ସମ୍ମୁଖରେ  ଏକ ପ୍ରତିବାଦ ସଭ। କାର୍ଯ୍ୟ ଆରମ୍ଭ ହୋଇଥିଲା ।ଏହି ସଭା କାର୍ଯ୍ୟ କୁ ଆଇନ ଜୀବୀ ଲଷ୍ମୀ କାନ୍ତ ଖମାରୀ,ପରିଚାଳନା କରିଥିଲେ ।ପରେ ତହସିଲ ଦ।ର ଙ୍କୁ ଏକ ଦାବି ପତ୍ର ପ୍ରଦାନ କରାଯାଇ ଥିଲା ।