17-Mar-2021

ଟିଟିଲାଗଡ(ପ୍ରେରଣା ଖବର) :ଟିଟିଲାଗଡ ନାଗରିକ ମଞ୍ଚ   ର ବାର୍ଷିକ ସଭା ଓ କର୍ମକର୍ତ୍ତା ମନୋନୟନ ପ୍ରକ୍ରିୟା ଅନୁଷ୍ଠିତ ହୋଇ ଯାଇଛି । ନାଗରିକ ମଞ୍ଚ ବରିଷ୍ଠ ସଦସ୍ୟ ଈଶ୍ୱର ଜୈନ ଙ୍କ ପରିଚାଳନା କ୍ରମେ ତାଙ୍କ ଫାର୍ମ ହାଉସ  ରେ ରାଧାକାନ୍ତ ପାଢ଼ୀଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇ ଥିଲା। ସର୍ବପ୍ରଥମେ ଏହି ସତ୍ର ରେ ଯେଉଁ ସଭ୍ୟ ମାନଙ୍କ ପରଲୋକ ଗମନ ହୋଇ ଥିଲା ସେମାନଙ୍କ ଆତ୍ମା ର ସଦ୍ଗତି ନିମନ୍ତେ ମୌନ ଶ୍ରଦ୍ଧାଞ୍ଜଳି ଅର୍ପିତ କରା ଯାଇଥିଲା ତାପରେ ସଭାପତି ଶ୍ରୀ ପାଢ଼ୀ ସମସ୍ତଙ୍କୁ ସ୍ୱାଗତ ଜଣେଇ ମଞ୍ଚ ଦ୍ୱାରା ହୋଇ ଥିବା କାର୍ଯ୍ୟକଳାପ ସମ୍ବନ୍ଧରେ ସଂକ୍ଷେପ ରେ ଜଣାଇ ଥିଲେ ଓ ଆଗାମୀ ସତ୍ର ପାଇଁ ନୂଆ ସଭାପତି ଓ ସମିତି ଗଠନ ପାଇଁ ଅନୁରୋଧ କରି ଥିଲେ କିନ୍ତୁ ସର୍ବସମ୍ମତି କ୍ରମେ ପୁଣି ରାଧାକାନ୍ତ ପାଢ଼ୀଙ୍କୁ ସଭାପତି ରୂପେ ମନୋନୀତ କରା ଯାଇଥିଲା ଓ ଗୋଟିଏ ସାତ ଜଣିୟା କମିଟି ଗଠନ କରା ଯାଇଥିଲା, ଯାହାର ସହଯୋଗ ରେ କାର୍ଯ୍ୟକାରୀ ସମିତି ଗଠନ କରାଯିବ।
ଉକ୍ତ ବୈଠକ ରେ ଟିଟିଲାଗଡ ର ବିଭିନ୍ନ ସମସ୍ୟା ଉପରେ ବିସ୍ତୃତ ଆଲୋଚନା ଆଦି ହୋଇ ଥିଲା।

ସଭା ଶେଷରେ  ଉପସ୍ଥିତ ସଭ୍ୟ ବୃନ୍ଦ ଙ୍କୁ  ଧନ୍ୟବାଦ ଦେଇଥିଲେ ପଦ୍ମନାଭ ବେହେରା।