15-Mar-2021

ଲକ୍ଷ୍ନୋ(ପ୍ରେରଣା ଖବର ବ୍ୟୁରୋ): ବଡ଼ଘର ବଡ଼ ଗୁମର କଥା। ସାଂସଦଙ୍କ ଘର କଳି ଦାଣ୍ଡରେ ପଡ଼ି ହାଟରେ ଗଡ଼ୁଛି । ବିଜେପି ସାଂସଦ କୌଶଲ କିଶୋରଙ୍କ ପରିବାରରେ ଭୋଲଟେଜ ଡ୍ରାମା । ସାଂସଦଙ୍କ ବୋହୂ ତାଙ୍କ ବାସଭବନ ସାମ୍ନାରେ ହାତ କାଟି ଆତ୍ମହତ୍ୟା ଉଦ୍ୟମ କରିଛନ୍ତି। ତେବେ ଆତ୍ମହତ୍ୟା ଉଦ୍ୟମ ପୂର୍ବରୁ ସାଂସଦଙ୍କ ବୋହୂ ଅଙ୍କିତାଙ୍କ ଏକ ଭିଡ଼ିଓ ସାମ୍ନାକୁ ଆସିଥିଲା, ଆତ୍ମହତ୍ୟା କରିବାକୁ ଯାଉଛନ୍ତି ବୋଲି ଭିଡ଼ିଓରେ କହିଥିଲେ । ନିଜ ସ୍ୱାମୀ ଆୟୁଷଙ୍କ ଓ ପରିବାର ବିରୋଧରେ ସାଙ୍ଘାତିକ ଅଭିଯୋଗ ଆଣି ଆତ୍ମହତ୍ୟ ଉଦ୍ୟମ କରିଥିଲେ । ତେବେ ବର୍ତ୍ତମାନ ପୋଲିସ ଏହି ମାମଲାର ତଦନ୍ତ କରୁଛି॥ମୋହନଲାଲଗଞ୍ଜର ବିଜେପି ସାଂସଦଙ୍କ ବୋହୂ ଅଙ୍କିତା ନିଜ ଶାଶୂଘର ସାମ୍ନାରେ ହାତ କାଟି ଆତ୍ମହତ୍ୟା ଉଦ୍ୟମ କରିଛନ୍ତି । ସାଂସଦଙ୍କ ଭାସଭବନକୁ ଏକ ସ୍କୁଟିରେ ଯାଇ ଘର ବାହାରେ ହାତ କାଟିଦେଇଥିବା ସୂଚନା ମିଳିଛି । ତେବେ ଭିଡ଼ିଓ ଜାରି କରିଥିବା ଯୋଗୁଁ ପୋଲିସ ଟ୍ରାକ କରି ଘଟଣାସ୍ଥଳରେ ପହଞ୍ଚିଯାଇଥିଲା ଏବଂ ତୁରନ୍ତ ତାଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି l